Áhrifavaldurinn, fegurðardrottninginn, húmoristinn, leikkonan og nú bráðum tölvunarfræðingurinn Donna Cruz hefur komið víða við á sínum ferli, ólst upp sem meðlimur sértrúarsafnaðarins Vottar Jehóva, var kosin vinsælasta stúlkan í Ungfrú Ísland og lék aðalhlutverk í íslenskri kvikmynd sem hlaut mikið lof víða um heim. Donna Cruz er viðmælandi í Einkalífinu þar sem hún fer yfir uppeldisárin í Breiðholti og hjá Vottar Jehóva, erfið unglingsár og andleg veikindi, ævintýraleg augnablik í leiklistarbransanum, fegurðarsamkeppnir hér og í Filipseyjum, fjölskylduna, ástina, áskoranir, að ögra sér og fara í tölvunarfræði og margt fleira. 

Leikkonan, umboðsmaðurinn og stuðboltinn Sandra Barilli skaust upp á íslenska stjörnuhimininn sem Molly í IceGuys og lífið gjörbreyttist í kjölfarið. Sandra, sem heitir í raun Sandra Gísladóttir, fer yfir skrautlegt og skemmtilegt líf sitt í Einkalífinu, ræðir æskuna, nafnabreytinguna eftir búsetu á Ítalíu, árin í London, ótrúlegt sjálfstæði sitt, sambandið við sjálfa sig, IceGuys ævintýrið og ótal margt fleira. 

Ólafur Jóhann Steinsson er útvarpsmaður og ein skærasta Tik-Tok stjarna landsins. Hann er nýbúinn í  hjartaaðgerð í Svíþjóð en hann lýsir þeim dögum sem þeim verstu í sínu lífi. Ólafur ræðir líka æskuna,  utanlandsferðirnar og upphafsskrefin á Tik-Tok svo fátt eitt sé nefnt.

Rapparinn Birnir skaust upp á íslenska stjörnuhimininn árið 2017 og er með vinsælustu tónlistarmönnum landsins. Birnir, sem er þekktur fyrir yfirvegað viðmót og heldur persónulegu lífi sínu að mestu úr sviðsljósinu, er viðmælandi í Einkalífinu þar sem hann fer um víðan völl. Hann hefur ýmsa fjöruna sopið og farið í gegnum hæðir og lægðir lífsins en hefur sjaldan verið á betri stað en í dag. Hann ræðir hér um magnaðan tónlistarferilinn, föðurhlutverkið, æskuárin, æðruleysið, edrúmennskuna og ákvörðunina að breyta lífi sínu til hins betra, komandi plötu, stór verkefni, ástina, sjálfsvinnuna, sköpunargleðina og nauðsynlegar sundferðir svo eitthvað sé nefnt. 

Brynjar Karl Sigurðsson körfuknattleiksþjálfari Aþenu er einn athyglisverðasti þjálfari landsins. Hann ræðir æskuárin í Breiðholtinu, frelsissviptingu og árin í körfuboltanum þar sem hann varð ungur fyrir kynferðislegri áreitni. Brynjar ræðir líka árin í Bandaríkjunum, ævintýralega velgengni Sideline Sports og áhrifin sem barátta hans hefur haft á fjölskyldu hans.

Sonja Valdín, jafnan þekkt sem Sonja Story, skaust upp á stjörnuhimininn árið 2016 sem ein stærsta Snapchat stjarna landsins. Hún gerði garðinn frægan með Áttunni, var með tugþúsund fylgjenda, gaf út gríðarlega vinsæl lög og lék í bíómynd. Svo eyddi hún öllum samfélagsmiðlum og dró sig algjörlega í hlé. Sonja er viðmælandi í Einkalífinu sem er jafnframt hennar fyrsta viðtal í fjögur ár. Þar ræðir hún æskuna, ferilinn, samfélagsmiðlafíkn, kvíða, nettröll, að læra að setja mörk, hlúa að andlegri heilsu, hafa gaman að lífinu og vera í dag slétt sama hvað fólki finnst.

Leikkonan og grínistinn Birna Rún Eiríksdóttir er viðmælandi í Einkalífinu. Birna Rún hefur komið víða að í leiklistinni, er einn vinsælasti veislustjóri landsins, er óhrædd við að berskjalda sig og standa uppi á sviði fyrir framan hóp fólks og segja brandara og tekur lífinu ekki of alvarlega. Hún talar hér hispurslaust um sjálfa sig, ADHD-ið, ferilinn, að hafa eignast barn átján ára, að bæta sambandið við sjálfa sig, ástina, lífið og margt fleira.

Guðrún Svava Egilsdóttir, betur þekkt sem Gugga í gúmmíbát, skaust nýverið upp á stjörnuhimininn og er rísandi stjarna í samfélagsmiðlaheiminum. Gugga, eins og hún er alltaf kölluð, leggur mikið upp úr jákvæðu hugarfari, er dugleg að hvetja aðrar stelpur áfram og fer sínar eigin leiðir óháð áliti annarra. Hún er viðmælandi í Einkalífinu þar sem hún ræðir vegferð sína, erfið áföll, að fagna líkama sínum, brjóstamyndina á plötuumslagi ClubDub, útvarpið, fyrsta giggið sem var á stóra sviðinu á Þjóðhátíð, að vilja ekki vera fyrirmynd og einfaldlega fá að hafa gaman að lífinu.

Stefán Einar Stefánsson fjölmiðlamaður og fyrrverandi verkalýðsforingi er gestur Einkalífsins að þessu sinni. Hann segir frá uppvaxtarárunum úti á landi og ákvörðun sinni um að fara í guðfræði. Hann segir líka frá tíma sínum í VR, óvæginni umfjöllun um eiginkonu hans og ástæður þess að hann fer gjarnan mikinn í opinberri umræðu þar sem hann hefur verið uppnefndur „siðlausi siðfræðingurinn.“ Stefán segist gefa lítið fyrir slík uppnefni og svarar því líka hvort hann geti hugsað sér að bjóða sig fram til Alþingis svo fátt eitt sé nefnt.

Ugla Stefanía Kristjönudóttir Jónsdóttir hefur verið á lista BBC yfir áhrifamestu konur Bretlands, mætt í sjónvarpsviðtöl til stærstu sjónvarpsstöðva í heimi og vakið athygli fyrir skelegga mannréttindabaráttu sína fyrir hönd hinsegin samfélagsins undanfarin ár. Ugla er viðmælandi í Einkalífinu og ræðir þar æskuna í sveitinni, hinseginleikann, ástina, ákvörðunina um að flytja til Bretlands og hvernig það var að flytja aftur heim.

Ingólfur Valur Þrastarson byrjaði á OnlyFans í Covid eftir að hafa misst vinnuna. Hann segir að þar skipti samtöl um mörk og virðingu megin máli og sér fyrir sér að halda áfram þar um ókomna tíð. Ingólfur Valur er viðmælandi í Einkalífinu þar sem hann ræðir meðal annars þetta og sömuleiðis barnæskuna, erfið unglingsár, föðurhlutverkið, hugmyndir annarra um skömm, samfélagsmiðla, baráttumál á samfélagsmiðlum og margt fleira.

Ofurhlauparinn og nýbakaði Íslandsmeistarinn Mari Järsk á að baki sér viðburðaríka ævi sem er sannarlega ekki áfallalaus en hún tileinkar sér mikið æðruleysi og jákvætt hugarfar. Mari er viðmælandi í Einkalífinu þar sem hún ræðir um ástina, æskuna, hlaupin, nýjasta metið, hugarfarið, ómetanlega vináttu, lærdóm frá lífinu og svo margt fleira. 

Frosti Logason fjölmiðlamaður er gestur Einkalífsins að þessu sinni og segir frá tímanum þar sem fyrrverandi kærasta hans steig fram í viðtali og sakaði hann um hótanir og andlegt ofbeldi. Hann segir frá tíma sínum á sjónum og stofnun eigin miðils, Brotkasts. Frosti ræðir umfjöllun sína um Eddu Falak og segist ekki hafa haft hana á heilanum. Hann ræðir líka fjölskyldulífið og væntanlega endurkomu Mínus.

Kristrún Frostadóttir er intróvert að eðlisfari sem var dregin út úr skelinni þegar foreldrar hennar fluttu til Bretlands. Hún ræðir æskuna í Fossvogi og spænskuskólann í San Sebastián þar sem hún kynntist fyrstu ástinni sem býr nú í Íran. Hún ræðir lífið á þingi og hvernig það fer saman að ala upp ung börn á meðan hún reisir Samfylkinguna upp úr öskustónni. 

Tónlistarkonan og leikkonan Guðrún Ýr Eyfjörð, betur þekkt sem GDRN, er viðmælandi í Einkalífinu. GDRN skaust upp á stjörnuhimininn árið 2017 og það má með sanni segja að líf hennar hafi verið tilviljanakennt. Hún stefndi á atvinnumennsku í fótbolta frá ungum aldri en slasaðist og fór því í tónlistarnám. Hún gaf út plötu án þess að hafa sungið fyrir framan fólk, fór með aðalhlutverk í Netflix seríu án þess að hafa leikið áður og er í dag ein þekktasta listakona landsins. Hún var að senda frá sér plötuna Frá mér til þín og segir suma texta 100% samda um ákveðnar manneskjur á meðan hún gefur sér skáldaleyfi í öðrum lögum. GDRN ræðir hér meðal annars um feril sinn, tónlistina, ástina, móðurhlutverkið, að vera kona í bransanum, vináttu sína við Bríeti, að byggja sig upp og vera með breiðara bak í dag en nokkru sinni fyrr. 

Þorsteinn V. Einarsson kynjafræðingur er fótboltakappi að fornu fari sem lenti í erfiðleikum vegna fíkniefnanotkunar. Hann fann beinu brautina í kynjafræðinni en segir bakslag í umræðunni hafa haft sín áhrif á andlega heilsu hans. Þá ræðir hann fjölmiðlastorminn sem varð í kringum bók hans og eiginkonu hans Huldu Tölgyes um þriðju vaktina í aðdraganda síðustu jóla og áhrifin sem málið hafði á hann.

Dansarinn, áhrifavaldurinn og raunveruleikastjarnan Ástrós Traustadóttir var einungis 16 ára gömul þegar hún flutti erlendis til þess að leggja fyrir sig atvinnumennsku í dansi og varð Frakklandsmeistari í dansinum 17 ára. Nokkrum árum síðar lenti hún á vegg eftir að hafa glímt lengi við átröskun sem varð til þess að hún leitaði sér hjálpar og flutti heim. Ástrós er viðmælandi í Einkalífinu þar sem hún ræðir lífið og tilveruna, raunveruleikaþættina LXS, að vera þekkt á Íslandi, danslífið, andleg veikindi og bataferlið, erlendan hakkara sem hún varð fyrir, móðurhlutverkið og hlaðvarp hennar um móðurhlutverkið, ástina sem kom á erfiðum en samt hárréttum tíma og ýmislegt fleira.

Arndís Anna Kristínardóttir Gunnarsdóttir þingmaður Pírata er skilnaðarbarn sem flutti reglulega í æsku. Hún varð fyrir einelti og Idol-ævintýri hennar lauk í sjúkrabíl. Arndís er gestur Einkalífsins og ræðir líka ástina, Eurovision, örlagaríka ferð á Kíkí og áhrifin sem málið hafði á fjölskyldu hennar. Einkalífið er í samstarfi við Mist. 

Raunveruleika- og samfélagsmiðlastjarnan Brynjar Steinn, jafnan þekktur sem Binni Glee, skaust upp á stjörnuhimininn árið 2016 og hefur vakið athygli landsmanna á sjónvarpsskjánum í þáttunum Æði. Binni segist hafa glímt við félagskvíða og ofþyngd alla sína ævi og fór í míní-hjáveitu aðgerð í fyrra sem hann segir hafa breytt lífi sínu. Hann ræðir um lífið eftir aðgerðina, fjölbreyttar hliðar frægðarinnar, Æði ævintýrið, að koma út úr skápnum, að finna sig í gegnum Internetið, framtíðina, ástarmálin og margt fleira hér í Einkalífinu.

Söngkonan Una Torfadóttir kom eins og stormsveipur inn í íslenskt tónlistarlíf á síðasta ári. Una er gestur Einkalífsins þar sem hún ræðir æskuheimilið í Vesturbænum, tónelska fjölskyldu sína, samband sitt við móður sína Svandísi Svavarsdóttur, hvernig það var að koma fram á Arnarhóli í kvennaverkfalli, lífshættulegt krabbamein sitt, innblásturinn að lögunum og femínismann og framtíðina.