Herriz Herri saioaren 2024-2025 denboraldiari amaierea emon deutsagu maiatzeko azken egunean. Amaiera borobila emoteko, Orozkora hurbildu gara azoka bertotik ezagutu eta lehiaketa bi ikusteko. Euretako bat estreinakoz egin da, Euskal Herriko Mendiko Zaldien txapelketea. Bestea, Bizkaiko II. azpigorri txapelketea.  Irratsaioa Zaloa Ramosegaz hasi dogu, Orozkoko lehen sektoreko eta ingurumeneko zinegotzia, baita azokaren antolatzailea be. Ostean, Aingeru Olaguenaga etorri zan gurera. Bera, komunikazino, hezkuntza eta euskera zinegotzia da, baina, horrez gain, eguerdian jokatu dan pelota amateur txapelketan parte hartu dau. Tako ta guzti etorri jaku! Eta lehen ordua amaitzeko, Sonia Barrondo, Gorbeialde landa eremu garapenerako alkarteko kideagaz egon gara. Udarako hainbat bisita gidatu antolatu dabez, danak ezberdinak eta oso gomendagarriak. Hurrengo gonbidatua Ekain Ajuriaguerra izan da, zeanuritarra bera. Euskal Herriko mendiko zaldi txapelketan parte hartu dau 4 zaldigaz. Emaitza onak lortu dauz eta disziplina honen inguruko informazinoa emon deusku. Azkenik, Unai Iriondogaz egon gara. Atxulaur futbol taldeko kideagaz. Aurten igoerea lortu dabe eta arrakastaren sekretuak zeintzuk izan diran esan deusku. Hasiera orok amaierea daukan moduan, Herriz Herri saioaren aurtongo denboraldia be bere amaierara ailegatu da. Eskerrik asko irratsaio honen parte izan zarien guztioi eta parte hartu dozuenoi. Hurrengora arte!

Herriz Herri irratsaioa Bermeon izan zan azken zapatuan. Gonbidatuetako bat Naroa San Millan Bermeo Arraun alkarteko lehendakaria izan zan. Pasan dan denboraldi borobila gogoratu dogu, Ligea eta Kontxako banderea irabazi ebenekoa. Horrez gain, negu gogorra izan dala onartu dosku. Pasa dan denboraldian tituluak ospatu aurretik zaratak entzuten hasi ziran. Baja garrantzitsuak euki dabez, baina bere ustetan ondo indarberritu dira. Aurten be maila ona erakutsiko dabela dino San Millanek. Entzun saio osoa.

Bermeora etorri gara gaurkoan Herriz Herri irratsaioan. Kostaldeko usaina faltan botaten gendun antza danez... Arrain azokea amaitutzat emon eben pasa dan astegoienean baina Bermeoko kaleak jendez beteta egon ziran. Igerten da herri honek xarma berezi bat daukola eta Bermeotarrak oso herrikoiak dirala. Argi itxi deuskun hori Nadia Nemeh Shomaly. Urte bi daroaz Bermeoko Udaleko lekukoagaz, bata bestea baino gogotsuago eta irribarrea kendu ezinik arpegitik. Bere berbatan, Bermeo herri "solidarioa" dala dino. Ana Ormaetxea eta Anabel Alegria alkatearen berben adibide garbia dira. Besalde Herri Saharauiaren alkartearen kide dira. Urtero-urtero hainbat laguntza-karabana bidaltzen dabez Saharara. Jesus Urkidi bermeotarragaz be egon gara. Ortube ontzia alkarteko kidea da, eta alkartearen izena daroan ontzia konpontzen dabilz. Helburua garbia da: urte amaierarako ontzia itsasoratzea. Bigarren orduan itsasora begira jarri gara. Lehenik eta behin, Naroa San Millanegaz, Bermeo Arraun alkarteko lehendakariagaz egon gara. Pasa dan denboraldia gogoratu dogu eta aurtongo neguaren balantzea zein izan dan azaldu deusku. Ostean, eta amaitzeko, Gorka Mugartegi izan da gugaz. Bera Izaro Sub klubeko idazkaria da. Urpekaritza saioak eta eskolak eskaintzen dabez.  

Berriatuako San Gregorio jaietako paella egunera hurbildu gara gaurkoan. 1.250 biztanle herri honetan, 790 pertsonak parte hartzen dabe paella txapelketan. Nahiz eta Berriatuako zaindaria San Pedro izan, herriko jaiak San Gregorioak dira. Atzo, hilak 9 izan zan San Gregorio eguna. Gaurkoan, zapatua, paella txapelketa, erraldoiak eta kontzertuak dira protagonista. Lehen orduan Joseba Goienola alkateagaz egon gara. Berritxu herri lasaia, parte-hartzailea eta gertukoa dala esan dosku. Alazne Egurrola Kultura Zinegotziak urte guztiko kultur plagintzaren berri emon dosku eta jaietan zein kultur ekitaldi topatu ahal dogun. Alex Manzano gipuzkoar Berriatuako herritarra da. Urte asko daroaz Berriatuan bizi izaten eta paraisua dala dino. Gainera, Berriatuako Erraldoien Konpartsako kide da eta aurten estreinatu dabez erraldoi berriak. Karmele Osa Sarats Dantza taldeko dantzaria izateaz gain, jaietako taldeko kide be bada eta jaiak zelan antolatzen dabezan azaldu deusku. Azkenik, Aitor Puerto Mutriku Sokatira Taldeko kirolariagaz elkartu gara. Bihark egunez, maiatzaren 11an, Euskadiko Lur Gaineko Sokatira Txapelketako lehen jaurdunaldia dute.    

Herriz Herri, apirilean, Dima inguruan jai artean amaitu gendun eta maiatza ez zan gitxiago izango. Gatikara hurbildu gara San Marko jaiak bertotik ezagutzeko. Astegoien bitan zehar ospatu dabez San Markoak eta bigarren astegoienean joan bagara be, oraindik indartsu eta gogotsu aurkitu doguz gatikarrak. Zelan ez, alkateagaz, Mikel Larrazabalegaz, batu gara lehenik eta behin. Hark azaldu deuskuz gaur egungo herriko gora-beherak eta itzalaldia zelan bizi izan eban be argitu deusku. Ostean, Itsaso Bilbaogaz egon gara, Osasun, Bardintasun, Turismo eta Jai zinegotziagaz. Berak emon deuskuz San Marko jaian inguruko lehen zertzeladak. Osasuna zein turismoa be jorratu doguz bere eskutik. Olaia Gonzalez eta Bego Gonzalez Bagare Gatika alkarteko kideak dira eta urtean zehar egiten dabezan ekitaldiez berri emon deuskue. Gainera, pasa dan urten lehen Gatikako Herri Traila antolatu eben. Izandako arrakastearen ondorioz, aurten errepikatzea erabagi dabe, baina barrikuntza bategaz: 44 kilometroko ibilbide gogor bat egiteko aukerea egongo da. Saioaren lehen ordua amaitzeko, Gatikako Txirin-Txirin Emakumeen Taldeagaz egon gara, Itziar Garmendia eta Bego Gonzalezegaz. Bigarren ordua Liher Arostegigaz hasi dogu, idi proben antolatzaileetako bategaz. Gatikan San Marko jaietan idi probak antolatzen dabez, han itzelezko afizinoa dau-eta. Hurrengo gonbidatuek kirol mundura eroan gaitue. Jon Bilbao bizikleteruen alkartekoagaz bizikletako pedalei emon deutsegu hurrengo minutuetan. Marga Perea, Iusturi Gatikako Patin Hockeya klubeko kideagaz kirol honen garrantziaz jabetu gara, izan be, Iusturi Espainiako 2. mailan dau. Eta azkenik, Ekaitz Gorroño etorri da gurera, Gatika Futbol taldekoa. Azken partiduetan ohorezko mailari eusteko erronka daukie.

Apirileko azken Herriz Herri saioa Dimako artisau, nekazari eta ganadu azokatik egin dogu. Nahiz eta eguraldia lagun ez izan, bertara hurbildu diranak aterruneak aprobetxatu dabez postuak bisitatu, bertoko produktuak erosi eta ganaduari begirada bat emoteko. Guk hainbat gonbidatu izan doguz saioan zehar. Lehenik eta behin, Jose Mari Atutxa Dimako alkateagaz egon gara. Ostean, Jose Ignacio Petralanda Dimako ganaderoen zuzendariagaz egon gara eta lehen ordua amaitzeko Igor Zuazo etorri da gurera, azken hiru urteetako euskadiko txorizo onenaren saria irabazi dauen .harakina. Bigarren orduan, Luis Prieto dimoztarra euki dogu, SD Eibarreko prestatzaile fisiko ohia eta Athleticeko jokalari ohia. Saioa amaitzeko, Mentxu Amunategigaz batu gara, Gamiz Biolandareakeko beharginagaz.

Luis Prieto euki dogu Dimako Herriz Herri irratsaioan. Dimoztarra izanik, ez dau irratsaioa galdu gura izan. Urteak daroaz Joseba Etxebarriaren taldean prestatzaile fisiko lanetan. Pasa dan denboraldian, Eibarren lehen taldea hartu eben eta denboraldi gazi-gozoa izan zan. Zuzeneko igoera postuetatik puntu bakar batera geratu ziran eta play-offetan Oviedon kontra galdu egin eben. Aurtongo denboraldian aldaketa ugari jasan ebazan Eibarreko lehen taldeak eta nahi eben emaitzak lortu ezinik ibili eta gero, zuzendaritza batzordeak Joseba Etxebarriaren eta bere lantaldearen kontratua bukatutzat emotea adostu eban. Momentu horrek gogoratzeaz gain, bere futbol ibilbide profesionala be gogoratu dogu: lehen talderako jauzia, gol gustokoena, partidu esanguratsuena, San Mames zaharra... Gaur egun taldea zelan ikusten dauan be itaundu deutsagu eta Manchester United-en kontrako kanporaketea be aitatu dogu.

Santurtzi bere 950. urteurrenean morgildua dago aurton, eta zelan ez, Herriz Herri irratsaioan ez dogu galdu gura izan. Urtean zehar, astegoienetan, hainbat ekitaldi antolatu dabez: Kontzertuak, dantzak, Santurtziren historiaren liburu bat, dragoi jaitsiera... Karmele Tubillagaz hasi dogu irratsaioa, bera Santurtziko alkatea da eta herriaren gorabeherak azaldu deuskuz. Urte berezi honetan kultura ekitaldi mordoa egiten dabiz, beraz, Itziar Carrocera kultura, kirol eta hezkuntza zinegotziagaz egon gara. Baita be, Eneko Bovedagaz, 950. urteurreneko ekitaldien antolatzaileagaz. Izaskun Avellanal idazleak Santurtziren urteurreneko liburua aurkeztu deusku. Nerea Arroyok (Zugaitza Dantza Taldea), Nerea San Romák (Zugaitza Dantza Taldea) eta Iñaki Miguelek (Mendi Dantza Taldea) dantza jarri gaitue. Hodei Mentxakak eta Eleder Sanchezek, Santurtzi Arraun Taldeko arraunlariek, Sotera gainean joatea zein berezi dan argi laga deuskue, gainera, aurtongo helburua zein izango dan argitu laga deuskue: mailaz igotzea. Amaitzeko, Lagun Zaharrak Abesbatzako tenoreetako bategaz, Javi Olanogaz egon gara.

Bizkaia Irratia Bizkaia osoa ezagutzen dabil apurka apurka, astero herriren batetik zuzenenean saioa eginda. Herriz Herri saioetan danetarikoa lantzen da: udal gorabeherak, herrirako proiektuak, alkarteen zeregina, arlo sozioekonomikoa, kulturea, kirola… Ezagutu Bizkaiko herri ezbardinak Herriz Herri saioekin. Barriro be Arratiako eskualdera egin dogu osterea, gaurkoan Lemoara. Herri apala, lasaia eta ingurumena bermatzen dauena, izan be, zuhaitz eguna ospatu dabe. Erriberako parkea estreinatu dabe, lehen hamar zuhaitzak landatuz. Esther Iturrioz alkatea, Urko Garamendi zinegotzia, Aitor Egiazu Lemoa Txirrindulari Alkarteko kidea, Maider Lejarreta eta Aitziber Mendibil erlezainak, eta Gaizka Gallastegi Ortomobilityko zuzendaria euki doguz gugaz. Gainera, Ortomobilityko instalazinoetatik egin dogu saioa!

Bizkaia Irratia Bizkaia osoa ezagutzen dabil apurka apurka, astero herriren batetik zuzenenean saioa eginda. Herriz Herri saioetan danetarikoa lantzen da: udal gorabeherak, herrirako proiektuak, alkarteen zeregina, arlo sozioekonomikoa, kulturea, kirola… Ezagutu Bizkaiko herri ezbardinak Herriz Herri saioekin. Azken Herriz Herri bikotxa izan da. Alde batetik, Bakioko San Jose azokara hurbildu gara. Artisauak, nekazariak eta txakolin uzta berria ezagutzera. Bestetik, Bedian izan gara, Kolazino Mendi egunean. Euskal Mendi Federazinoko lehen proba puntuagarria ospatu da bertan, 24 kilometroko ibilbide baten. Elurra, euria, haizea eta eguzkia be euki doguz. Gizonezkoetan, azkarrena, Oier Zubeldia amezketarra izan da, lasterketa 2 ordu 24 minutu eta 22 segunduan burutu dau. Emakumezkoetan, barriz, Oihana Kortazar izan da helmugaratzen lehena, 2 ordu 40 minutu eta 27 segundoan burututa proba.

Bizkaia Irratia Bizkaia osoa ezagutzen dabil apurka apurka, astero herriren batetik zuzenenean saioa eginda. Herriz Herri saioetan danetarikoa lantzen da: udal gorabeherak, herrirako proiektuak, alkarteen zeregina, arlo sozioekonomikoa, kulturea, kirola… Ezagutu Bizkaiko herri ezbardinak Herriz Herri saioekin. Martiaren 8an, Emakumearen Nazinoarteko Egunean, Ugao-Miraballesen egon gara. Gainera, domekan, martiaren 9an, Emakume Nekazarien Azoka ospatu da bertan. Ekaitz Mentxaka Corral Alkateak herriaren gaurkotasunaz berri emon deusku. Maite Olabarri Kultura Zinegotziak jai giroan murgildu gaitu eta  Ugaoko Emahots talde Feministako Nerea Bajo eta Maite Otsoagaz amaitu dogu lehen ordubetea. Bigarren zatian, Sarea abesbatzakoegaz, Izare Poesia akustikoagaz eta Ana Añibarro nekazariagaz egon gara.

Bizkaia Irratia Bizkaia osoa ezagutzen dabil apurka apurka, astero herriren batetik zuzenenean saioa eginda. Herriz Herri saioetan danetarikoa lantzen da: udal gorabeherak, herrirako proiektuak, alkarteen zeregina, arlo sozioekonomikoa, kulturea, kirola… Ezagutu Bizkaiko herri ezbardinak Herriz Herri saioekin. Martiko lehen Herriz Herri irratsaioan Markina-Xemeinen egon gara, Aratusteen atarian.

Bizkaia Irratia Bizkaia osoa ezagutzen dabil apurka apurka, astero herriren batetik zuzenenean saioa eginda. Herriz Herri saioetan danetarikoa lantzen da: udal gorabeherak, herrirako proiektuak, alkarteen zeregina, arlo sozioekonomikoa, kulturea, kirola… Ezagutu Bizkaiko herri ezbardinak Herriz Herri saioekin.

Bizkaia Irratia Bizkaia osoa ezagutzen dabil apurka apurka, astero herriren batetik zuzenenean saioa eginda. Herriz Herri saioetan danetarikoa lantzen da: udal gorabeherak, herrirako proiektuak, alkarteen zeregina, arlo sozioekonomikoa, kulturea, kirola… Ezagutu Bizkaiko herri ezbardinak Herriz Herri saioekin. Asteon astelehenez egin dogu Herriz Herri saioa. Abadiñoko San Blas azokan izan gara. Mikel Urrutia alkatea, Joseba Attard ardi moztailea, Gamiz-Fikako Elortatxu baserriko Lander Mella, Unzalu Salterain EHNE Bizkaia sindikatuko kidea eta Irantzu Iturriagaetxebarria igaro dira Bizkaia Irratiko mikrofonoetatik.

Abadiñon SanBlas egunez, Ardi-Ule Moztaileen Euskal Herriko txapelketea aurkeztu da. Eguerdian egin da prentsaurrekoa Abadiñon bertan irailean egingo dan ardi-ule moztaileen txapelketea aurkezteko. Irailaren 27an egingo da. Txapelketa honetan aukeratuko dira datorren urtean Zelanda Barriko munduko txapelketera nortzuk joango diran. Joseba Attard da parte hartuko dauanetariko bat eta txapelketaren antolatzaileetariko bat be. Kontau deuskunez, Abadiñoko probalekuan egingo da Euskal Herriko txapelketea irailaren 27an. Datorren urtean Zelanda Barrian Gogoratu daigun, orain arte, Euskal Herriko ardi-moztaileak Uharte-Arakilen batzen izan direla urtean behin. Abadiñon, bakotxak egiten dauan denborea neurtzeaz gain, ardiari ulea zelan moztu jakon hartuko da kontuak puntuak emoteko orduan. 10 epaile egongo dira egindako lana neurtzen. Datorren urtean barriz, Zelanda Barrian egingo da mundo mailako txapelketea. Joseba Attardek Euskal Herritik joateko gonbitea luzatu dau, euskal parte hartzaileak animetako batez be.

Bizkaia Irratia Bizkaia osoa ezagutzen dabil apurka apurka, astero herriren batetik zuzenenean saioa eginda. Herriz Herri saioetan danetarikoa lantzen da: udal gorabeherak, herrirako proiektuak, alkarteen zeregina, arlo sozioekonomikoa, kulturea, kirola… Ezagutu Bizkaiko herri ezbardinak Herriz Herri saioekin. Asteon Galdakaon izan gara. Iñigo Hernando alkatea, Izaskun Barbarias euskera zinegotzia, Edurne Espilla kultura zinegotzia, Jon Eguzkiza Andra Mari Dantza taldeko kidea, Iñaki Larrea CD. Galdakao futbol taldeko presidentea eta Maite Martinez elkarlaguntza sareko kidea izan genduzan Torrezabal Kultur Etxetik eskainitako irratsaioan.      

Bizkaia Irratia Bizkaia osoa ezagutzen dabil apurka apurka, astero herriren batetik zuzenenean saioa eginda. Herriz Herri saioetan danetarikoa lantzen da: udal gorabeherak, herrirako proiektuak, alkarteen zeregina, arlo sozioekonomikoa, kulturea, kirola… Ezagutu Bizkaiko herri ezbardinak Herriz Herri saioekin. San Antontxu egunean Mungiako azokara hurreratu gara. Alaitz Erkoreka alkatea, Idurre Urresti kultura zinegotzia, Nora Sarasola BBK-ko gizarte ekintza saileko arduraduna, Jose Mari Uribe okina eta postugile bi izan genduzan Herriz Herri irratsaioan parte hartzen.

Bizkaia Irratia Bizkaia osoa ezagutzen dabil apurka apurka, astero herriren batetik zuzenenean saioa eginda. Herriz Herri saioetan danetarikoa lantzen da: udal gorabeherak, herrirako proiektuak, alkarteen zeregina, arlo sozioekonomikoa, kulturea, kirola… Ezagutu Bizkaiko herri ezbardinak Herriz Herri saioekin. Zapatuan Lekeition eta Bilbon egon ginan Santo Tomas azoken barri emoten. Lekeition Zuriñe Gojenola alkateaordea, Xabat Galletebeitia lekeitiar bertsolaria, David Madarieta zinemazale alkarteko kidea eta Ander Goikoetxea euskera zinegotzia izan doguz. Bilbon, ortuari eta udal ordezkariakaz ibili da kontu kontari Javi Onaindia.