Kristófer Acox fer ekki á Evrópumótið í körfubolta sem hefst í lok ágúst. Tíðindin koma mörgum á óvart en þó ekki honum sjálfum. Landsliðsþjálfarinn tjáði honum í febrúar að hann myndi aldrei velja hann aftur. Kristófer tjáði sig um málið við Besta sætið.

Leikur Íslands við Noreg, sem og Evrópumót kvennalandsliðsins í heild, framtíðarhorfur liðsins og staða kvennaknattspyrnu almennt var til umræðu í Besta sætinu. Ásta Eir Árnadóttir og Þóra B. Helgadóttir voru gestir Vals Páls Eiríkssonar.

Elísabet Gunnarsdóttir, landsliðsþjálfari Belgíu í fótbolta, er nú á þeim stað sem hana dreymdi um að vera á þegar að hún var yngri og á sínu fyrsta stórmóti sem landsliðsþjálfari. Í þessu viðtali fer hún yfir áskoranirnar með Belgíu, yfirstandandi Evrópumót, íslenska landsliðið og margt fleira.

Ásta Eir Árnadóttir og Bára Kristbjörg Rúnarsdóttur ræddu málin með Ágústi Orra Arnarsyni eftir svekkjandi tap Íslands gegn Sviss. 

Íslenska kvennalandsliðið tapaði 1-0 fyrir Finnum í fyrsta leik á Evrópumótinu í Sviss. Liðið átti ekki sinn besta dag og léku 10 gegn 11 síðustu þrjátíu mínútur leiksins. Systurnar Þóra Björg og Ásthildur Helgadætur mætti í þáttinn og gerðu leikinn upp. 

Orri Steinn Óskarsson, landsliðsfyrirliði í fótbolta og leikmaður spænska úrvalsdeildarfélagsins Real Sociedad, í opinskáu og ítarlegu viðtali um fyrsta tímabil sitt á Spáni sem er nú lokið, samkeppnina í liðinu, framtíðar markmið, aðlögun á Spáni, landsliðsfyrirliðahlutverkið, íslenska landsliðið, verðandi föðurhlutverk sem og föður sinn Óskar Hrafn Þorvaldsson þjálfara Bestu deildar liðs KR. Viðtalið var tekið fimmtudaginn 5.júní.   Umsjón viðtals: Aron Guðmundsson

Ekki mátti miklu muna að knattspyrnuferill Kristófers Inga Kristinssonar, leikmanns Breiðabliks, yrði að engu eftir að hann fékk blóðsýkingu í ökkla í kjölfar aðgerðar. Lífsreynslan opnaði augu hans og nú er Kristófer mættur aftur inn á völlinn og það með miklu látum en hann skoraði dramatískt jöfnunarmark Breiðabliks í uppbótartíma í 3-3 jafntefli gegn KR í 5.umferð Bestu deildarinnar á dögunum. Í þessu viðtali fer Kristófer yfir erfiðleika síðustu mánaða, hvernig þeir breyttu lífssýn hans og hversu nálægt hann var því að sjá knattspyrnuferilinn hverfa fyrir augum sér.  

Það virðist vera að birta til hjá Guðlaugi Victori Pálssyni og liðsfélögum hans í Plymouth í ensku B-deildinni. Það hefur gengið á ýmsu hjá félaginu í vetur.

Snorri Steinn Guðjónsson fer yfir farinn veg á HM í handbolta á hnitmiðaðan hátt eftir að Ísland féll úr leik á afar svekkjandi hátt með átta stig í milliriðli þar sem að þungt tap gegn Króötum reið baggamuninn. „Á einhverjum tímapunkti þarf maður að hætta vorkenna sjálfum sér og rífa sig í gang. Hætta að pulsast í drasl.“

Einar Jónsson og Ásgeir Örn Hallgrímsson mættu og gerðu upp frammistöðu íslenska landsliðsins á HM. Liðið hafnaði í 9. sæti á mótinu. 

Það má með sanni segja að íslenska þjóðin hafi verið jarðtengd og það harkalega í Zagreb með sex marka tapi, 32-26 gegn Króötum Dags Sigurðssonar í milliriðlum HM í handbolta. Frá því að vera bjartsýnn á sæti í útsláttarkeppni mótsins eru örlögin nú úr höndum strákanna okkar fyrir lokaumferð riðilsins. Fyrrverandi landsliðsmennirnir Bjarni Fritzson og Ásgeir Örn Hallgrímsson gera upp slæmt kvöld í Zagreb.

Þeir Einar Jónsson og Bjarni Fritzson mættu til Stefáns Árna Pálssonar og gerðu upp frækinn 27-24 sigur Íslands á Egyptum á HM í handbolta. Liðið hefur nú unnið fyrstu fjóra leikina á mótinu. Króatar næst á föstudagskvöldið.

Þeir Stefán Árni Pálsson, Ásgeir Örn Hallgrímsson og Bjarni Fritzson hituðu upp fyrir milliriðilinn hjá íslenska landsliðinu í handbolta í Pallborðinu á Vísi og Stöð 2 Vísi. Þar mætir liðið Egyptum, Króatíu og Argentínu. Liðið er sem stendur með fullt hús stiga. 

Þeir Einar Jónsson og Ásgeir Örn fóru yfir magnaðan sigur Íslands á Slóveníu á HM í handbolta í kvöld. 23-18 geggjaður sigur. Næst Egyptaland. Allt á fullt hér á Íslandi. 

Þeir Rúnar Kárason og Ásgeir Örn Hallgrímsson mættu í Besta sætið og ræddu leik Íslands og Kúbu á HM. Ísland vann leikinn 40-19 en næsti leikur verður mun erfiðari. Slóvenar bíða. 

Aron Guðmundsson fékk þá Einar Jónsson og Ásgeir Örn Hallgrímsson til að gera upp þrettán marka sigur Íslands á Grænhöfðaeyjum í fyrsta leik liðsins á HM 2025. Þrettán marka sigur jú, margt gott en rými til bætinga eftir leik á móti liði sem ætti erfitt með að halda sér uppi í Olís deildinni. 

Þeir Einar Jónsson, þjálfari Fram, og Ásgeir Örn Hallgrímsson, þjálfari Hauka, mættu í Pallborðið á Vísi og hituðu upp fyrir heimsmeistaramótið í handbolta. Fyrsti leikur liðsins er gegn Grænhöfðaeyjum í kvöld. 

Þórir Hergeirsson var til viðtals eftir að hafa lokið störfum hjá norska handboltasambandinu eftir 24 ára starf. Hann er spenntur fyrir því að takast á við ný verkefni eftir fádæma gott gengi.

Arnór Smárason lét gott heita og lagði knattspyrnuskóna á hilluna á dögunum, 36 ára gamall. Arnór var snemma talinn bera af á fótboltavellinum og var valinn besti leikmaður Shellmótsins 10 ára gamall og aðeins 15 ára var hann fluttur einn og óstuddur í atvinnumennsku til Heerenveen í Hollandi. Arnór vann sig inn í lið Heerenven um tvítugsaldurinn en slæm meiðsli settu strik í reikninginn. Hann átti eftir að fara víða og lék á ferli sínum í Svíþjóð, Noregi og Rússlandi áður en Skagamaðurinn lék loks sína fyrstu leiki fyrir uppeldisfélagið ÍA í fyrra. Hann leiddi liðið upp í efstu deild og eftir meiðslahrjáð sumar lék hann sinn síðasta leik í tapi fyrir Val í lokaumferð deildarinnar. Við settumst niður með Arnóri og fórum yfir ferilinn og framhaldið.

Ingvi Þór Sæmundsson fékk þá Atla Viðar Björnsson og Baldur Sigurðsson til að fara yfir nýafstaðið tímabil í Bestu deild karla.