کو بہ کو پھیل گئی بات شناسائی کی۔۔ اس نے خوشبو کی طرح میری پذیرائی کی

‏کچھ تو ہوا بھی سرد تھی، کچھ تھا تیرا خیال بھی ‏دل کو خوشی کے ساتھ ساتھ ہوتا رہا ملال بھی ‏بات وہ آدھی رات کی، رات وہ پورے چاند کی ‏چاند بھی عین چیت کا، اُس پہ تیرا جمال بھی ‏سب سے نظر بچا کے وہ مجھ کو کچھ ایسے دیکھتا ‏ایک دفعہ تو رُک گئ گردشِ ماہ و سال بھی ‏دل تو چمک سکے گا کیا..! پھر بھی تراش کے دیکھ لیں ‏شیشہ گرانِ شہر کے ہاتھ کا یہ کمال بھی ‏اُس کو نہ پا سکے تھے جب، دل کا عجیب حال تھا ‏اب جو پلٹ کے دیکھیے بات تھی کچھ محال بھی ‏میری طلب تھا ایک شخص، وہ جو نہیں مِلا تو پھر ‏ہاتھ دُعا سے یوں گرا، بھول گیا سوال بھی ‏شام کی ناسمجھ ہوا پوچھ رہی ہے اِک پتا ‏موجِ ہوائے کوئے یار کچھ تو میرا خیال بھی ‏پروین شاکر

میں سمجھ گیا ۔۔۔ شاید یہی سمجھداری ہے

‏زیست کا استعارہ ہو جاۓ ‏اب تو کوئی ہمارا ہو جاۓ ‏ ‏ہے کڑا وقت اس پہ شعر کہو ‏شاید اِس سے گزارا ہو جاۓ ‏عین ممکن ہے عشق میں تم کو ‏حد سے بڑھ کر خسارہ ہو جاۓ ‏تم کسی کے کبھی ہوۓ ہو کہاں ‏کوئی کیسے تمہارا ہو جاۓ ‏کیا مقدر میں تھا لکھا میرے ‏کاش کوئی اشارہ ہو جاۓ ‏دن گزر جاۓ گا مسرت سے ‏آپ کا گر نظارہ ہو جاۓ ‏پہلے جیسی کبھی نہیں ہوتی ‏گر محبّت دوبارہ ہو جاۓ ‏تم نظر بھر کے دیکھ لو جس کو ‏وہ چمکتا ستارا ہو جاۓ ‏عشق خود کہہ رہا تھا شوبی سے ‏سب پہ مت آشکارہ ہو جاۓ

‏فصیلِ جان میں کتنے شِـگاف کـرتا ھـوں عشق پہ جب"شین کاف"کرتا ھوں ‏مرا خُدا تو ھےسب کی سلامتی کا خُدا ‏خُدائےکُشت سے میں اِنحراف کرتا ھوں ‏نِزار فہم کو ھے تـابِ ارتداد کہاں ‏یہ لَن ترانیاں اپنے خلاف کرتا ھوں ‏مرےخمیر میں فرعونیت کا عُنصر ھے ‏بطور ایک بشر اعتراف کرتا ھـوں ‏میں وہ نہیں ھوں جو جَل جاؤں روشنی سے تری ‏میں رکھ کے فاصلہ تیرا طواف کرتا ھوں ‏مرے سُخن میں ھے آیاتِ آگہی کا غُلُو ‏رُموزِ نَحوِ خودی اِنکشاف کرتا ھـوں ‏مرے رفیـق مری شفقتوں پہ نازاں ھـیں ‏میں دشمنوں کو بھی فوراً معاف کرتا ھوں ‏ترے فراق سے مشروط ھے وصال مرا ‏سو عمر بھر کے لیے اعتکاف کرتا ھوں ‏گلی گلی میں تعفُّن ھے نفرتوں کا اَمـؔـر ‏گلاب بانٹتا ھـوں ، خـار صـاف کـرتا ھـوں ‏امـؔـر رُوحانی

‏سَاغر صدّیقی ‏ﻣﺤﺒﺖ ﻣﺴﺘﻘﻞ ﻏﻢ ﮨﮯ ﻣﺤﺒﺖ ﻏﻢ ﮐﺎ ﮔﮩﻮﺍﺭﮦ ‏جو آنسو رنگ لے آےٓ وہی دامن کا شہ پارہ ‏جسے اَرماں کا خُوں دے کر بنام آرزو سینچا ! ‏خدا جانے کہاں ہے وہ جہان زندگی آرا ‏مِرا ذوقِ خریداری ہے اِک جنسِ گراں مایہ ‏کبھی پھُولوں کے شیدائی کبھی کانٹوں کا بنجارہ ‏جہاں منصب عطا ہوتے ہیں بے فکر و فراست بھی ‏وہاں ہر جُستجو جُھوٹی ' وہاں ہر عَزم ناکارہ ‏بَسا اوقات چُھو لیتی ہَے دامن کبریائی کا ‏تمہاری جنبشِ اَبرو ' مِری تخلیقِ آوارہ ‏نہ جانے محتسب کیوں میکدے کا نام دیتے ہیں ‏جہاں کچھ آدمی کرتے ہیں اپنے دَرد کا چارہ ‏تِرے گیسو خیالوں کی گرفتِ ناز سے گزرے ‏کہ جیسے ایک جوگی بَن میں لہراتا ہے دو تارہ ‏پلٹ آےٓ ہیں شاید انقلابِ دید کے لمحے ‏نظر کی وُسعتوں میں ڈوبتا جاتا ہے نظّارہ ‏فقط اِک ہاتھ میں ٹوٹا ہوا ساغؔر اُٹھانے سے ‏لَرز اٹھا ہے اے یزداں تِری عظمت کا مینارہ

‏”متاعِ الفاظ“ ‏یہ جو تم مجھ سے گریزاں ھو ، میری بات سنو ‏ھم اِسی چھوٹی سی دنیا کے ، کسی رَستے پر ‏اتفاقاً ، کبھی بُھولے سے ، کہیں مل جائیں ‏کیا ھی اچھا ھو کہ ، ھم دوسرے لوگوں کی طرح ‏کچھ تکلف سے سہی ، ٹہر کہ کچھ بات کریں ‏اور اِس عرصۂ اخلاق و مروت میں ، کبھی ‏ایک پل کے لیے ، وہ ساعتِ نازک ، آ جائے ‏ناخنِ لفظ ، کسی یاد کے زخموں کو چُھوئے ‏ایک جھجھکتا ھُوا جملہ ، کوئی دُکھ دے جائے ‏کون جانے گا ؟ کہ ھم دونوں پہ ، کیا بیتی ھے ؟ ‏یہ جو تم مجھ سے گریزاں ھو ، میری بات سنو ‏اِس خامشی کے اندھیروں سے ، نکل آئیں ، چلو ‏کسی سلگتے ھُوئے لہجے سے ، چراغاں کر لیں ‏چن لیں پھولوں کی طرح ، ھم بھی متاعِ الفاظ ‏اپنے اُجڑے ھُوئے دامن کو ، گلستاں کر لیں ‏یہ جو تم مجھ سے گریزاں ھو ، میری بات سنو ‏دولتِ درد بڑی چیز ھے ، اقرار کرو ‏نعمتِ غم ، بڑی نعمت ھے ، یہ اِظہار کرو ‏لفظ ، پیماں بھی ، اِقرار بھی ، اظہار بھی ھیں ‏طاقتِ صبر اگر ھو تو ، یہ غم خوار بھی ھیں ‏ھاتھ خالی ھوں تو ، یہ جنسِ گراں بار بھی ھیں ‏پاس کوئی بھی نہ ھو پھر تو ، یہ دلدار بھی ھیں ‏یہ جو تم مجھ سے گریزاں ھو ، میری بات سنو

‏‏اک حرف فسردہ داغ میں ہے ‏اک بات بُجھے چراغ میں ہے ‏اک نام لہو کی گردشوں میں ‏طوفان میں ڈولتا سفینہ ‏ڈوبے نہ بھنور کے پار اُترے ‏اک شام کہ جس کے بام و در کو ‏ہاری ہوئی صبح سے شکایت ‏رُوٹھے ہوئے چاند کی تمنّا ‏اک راہ نورد جو یہ چاہے ‏پاؤں نہ حدِ وفا سے نکلے ‏سر سے نہ سفر کا بار اُترے ‏پتّا تھا ابھی ہَرا سفر کا ‏کچّی تھی ابھی صدا کی ٹہنی ‏کیوں ریشۂ برگِ کم نمو میں ‏پھر آتشِ رنگ جل اُٹھی ہے ‏ کیوں صبح کی بے عمل سپہ نے ‏ہتھیار سجا لیے بدن پر ‏مقتل میں صفیں درست کی ہیں ‏کیوں درد کے جھٹپٹے کی حد پر ‏پھر ہجر غروب ہو رہا ہے ‏پھر نظم طلوع ہو رہی ہے ‏میں کون جو انجمِ سحر سے ‏اثبات و ثبوتِ ذات چاہوں ‏دریا سے حسابِ آب مانگوں ‏صحرا سے تعینات چاہوں ‏مہتاب سے چاندنی کا معیار ‏مضراب سے زخمِ نغمۂ تار ‏میں کون شمار کرنے والا ‏میں اپنی صدا سے ڈرنے والا ‏بارش سے سفال بھرنے والا ‏میں کون سوال کرنے والا ‏کاغذ پہ سُلگتی شامِ الہام ‏تختی پہ سپیدۂ سحر ہے ‏اے سطرِ نمودِ ذات، تیرا ‏کس ساعتِ معتبر میں گھر ہے ‏اس بام پہ میرے نام کی خشت ‏دیوار پہ دَھر ایاغ میرا ‏مہتاب کو میرے روبرو کر ‏آئینہ ہو مجھ پہ داغ میرا ‏مجھ پر بھی کُھلیں حدود میری ‏مجھ کو بھی ملے سراغ میرا ‏میں کون؟ کہاں مِرا سفر ہے ‏اے سطرِ نمودِ ذات میرا ‏کس ساعتِ بے زماں میں گھر ہے ‏اک تیرِ مفاہمت سے رشتہ ‏صیّاد میں، صَید میں، ہدف میں ‏اک سیلئی موج سے ہیں پیدا ‏سو رابطے ساحل و صدف میں ‏میں اپنا حریف ڈھونڈتا ہوں ‏اک لشکرِ دردِ صف بہ صف میں ‏اُترے یہ سنانِ حرفِ وعدہ ‏خود میرے کنار میں، طرف میں ‏شاید کہ ثبوتِ ذات پاؤں ‏میں اپنی عبارتِ حلف میں ‏اختر حسین جعفری

ہمیشہ دیر کر دیتا ہوں میں ہر کام کرنے میں ضروری بات کہنی ہو کوئی وعدہ نبھانا ہو اسے آواز دینی ہو اسے واپس بلانا ہو ہمیشہ دیر کر دیتا ہوں میں مدد کرنی ہو اس کی یار کی ڈھارس بندھانا ہو بہت دیرینہ رستوں پر کسی سے ملنے جانا ہو ہمیشہ دیر کر دیتا ہوں میں بدلتے موسموں کی سیر میں دل کو لگانا ہو کسی کو یاد رکھنا ہو کسی کو بھول جانا ہو ہمیشہ دیر کر دیتا ہوں میں کسی کو موت سے پہلے کسی غم سے بچانا ہو حقیقت اور تھی کچھ اس کو جا کے یہ بتانا ہو ہمیشہ دیر کر دیتا ہوں میں ہر کام کرنے میں۔۔۔۔۔

‏عارض اشکوں سے ترے تر نہیں دیکھے جاتے ‏خاک میں رلتے یہ گوہر نہیں دیکھے جاتے ‏دیکھ سکتا ہوں زمانے کی بدلتی نظریں ‏تیرے بدلے ہوئے تیور نہیں دیکھے جاتے ‏آئنہ بھی رخ روشن کے مقابل نہ رہے ‏ہم سے کوئی ترے ہمسر نہیں دیکھے جاتے ‏دل کے ساگر میں جو ہر شام و سحر اٹھتے ہیں ‏وہ تلاطم کبھی باہر نہیں دیکھے جاتے ‏مسکراتے ہوئے چہرے پہ نظر سب کی پڑی ‏زخم دل کے مگر اکثر نہیں دیکھے جاتے ‏حسن کے جلوے جو دیکھے ترے دیوانے نے ‏ہوش والوں سے وہ اکثر نہیں دیکھے جاتے ‏قدر کر قدر مرے ذوق نظر کی ساقی ‏سب حسیں یوں تو مکرر نہیں دیکھے جاتے ‏میکدہ اپنا ہے اور بادہ و ساقی اپنے ‏غیر کے ہاتھ میں ساغر نہیں دیکھے جاتے ‏یہ حسیں وادی و دریا گل و گلزار حبیبؔ ‏بن ترے مجھ سے یہ منظر نہیں دیکھے جاتے ‏

Endless expression of an emotion in just one instance

Words can only describe they are just references most of the time

سنو !

اک منٹ

رمضان سپیشل