Meyvə və tərəvəzlərdən hazırlanmış təzə şirələr insan orqanizmi tərəfindən daha asan mənimsənilən və biokimyəvi proseslərdə iştirak edən çoxlu sayda vitamin və mineral ehtiva edir. Təzə sıxılmış şirələr mağazada satılan hazır şirələrdən fərqli olaraq, maddələr mübadiləsini sürətləndirir, enerji verir, ürək-damar sistemini gücləndirir.Bəs hansı meyvə və tərəvəzlərin şirəsi müalicəvi ola bilər? Bu barədə fitoterapevt Dr. Elnur Eldaroğlu ilə danışdıq.

Həkim oftalmoloq Ergün Rəşidəlizadə ilə məzuniyyətdən əvvəl, səyahət və istirahət zamanı yarana biləcək sağlamlıq problemlərindən, yayda gözlərimiz üçün potensial təhlükələrdən və onların qarşısını almağın yollarından, günəş eynəklərinin keyfiyyətindən danışdıq.

Adekvat qidalanma və yaxşı tibbi yardım alan, lakin böyüklərlə tam ünsiyyətdən məhrum olan körpə nəinki zehni, həm də fiziki cəhətdən zəif inkişaf edir: boy atmır, arıqlayır, həyata marağı azalır. “Problemli”, “çətin”, “itaətsiz” və “qeyri-mümkün” uşaqlar, eləcə də “kompleksli” və ya “məzlum” uşaqlar çox vaxt ailədəki düzgün olmayan münasibətlərin nəticəsidir. Uşaq psixiatrı doktor Vəfa Şirinova ilə sağlam münasibətlər qurmaq, həm də uşaqlarla münaqişələri azaltmaq üçün valideynlərə uşaq psixologiyası və inkişafı üzrə faydalı ola biləcək məşhur kitablar barədə danışdıq.

Endokrin Cəmiyyətinin yeni təlimatları xüsusi risk qrupları üçün gündəlik tövsiyə olunan qəbuldan kənar D vitamini əlavələrinin məhdudlaşdırılmasını tələb edir. “Kim, nə zaman və nə qədər D vitamini qəbul etməlidir?” Bu mövzuda iyunun əvvəli Boston, Massaçusetsdə keçirilən Amerika Endokrin Konfransında (#ENDO2024) iştirak etmiş həkim endokrinoloq Fərhad Burzu ilə danışdıq. 

• D vitamini diabetin inkişafını yavaşladır?
•  Ultraemal olunmuş qidalar nədir?

Həkim kardioloq, idman endokrinoloqu Zaur İslamovla orqanizmin hormonal sistemindən, hormonların çəkiyə və ümumən sağlamlığa təsirlərindən, fiziki yüklənmədən sonra orqanizmə bərpa üçün tələb olunan istirahətdən, qarın yağlanması və piylənmədən qurtulmağın doğru yollarından danışdıq.
 İdman endokrinoloqu kimdir?
 Fiziki yüklənmə endokrin sistemə necə təsir edir?
 Stres hormonu qarın piylənməsinə səbəb olur?

Qərb mətbuatı britaniyalı həkimlərə istinadən dərin qızardıcıda hazırlanmış “french fry” qızardılmış kartof dənəsinin 1 ədəd çəkilmiş siqaret qədər zərərli olduğunu yazır. Bu bənzətmə doğrudurmu? Qızartma üsulunun sağlam alternativləri nədir? Plastik qablardakı su nə zaman təhlükəli ola bilər? Bu mövzuları araşdırmaq üçün diyetoloq, nutrisioloq Lalə Mahmudova ilə söhbət etdik.
 
Kartof qızartma üçün uyğun qida deyil?
Suyun tərkibindəki plastik zərrəcikləri orqanizmdən çıxarmaq olarmı?
“Əti qızartmayın!” xəbərdarlığı nə qədər doğrudur?

Dəri xəstəlikləri zamanı günəş vannası qəbul etmək olar? Yayda üzdə ləkələrin yaranmasının səbəbləri nədir? Dərini uzun müddət günəş şüalarının təsirinə məruz qoymaq immuniteti azaldır?

Bu və digər sualları həkim dermatoloq Bilqeyis Mustafayeva cavablandırdı.

Alimlər artıq uzun müddətdir ki, qan qohumları arasında nikahın müxtəlif genetik xəstəliklərin üzə çıxmasına səbəb olduğunu deyirlər, ciddi dəlillər gətirirlər. Genetik - mütəxəssis, tibb üzrə fəlsəfə doktoru Könül Həziyeva ilə qohum evliliklərdə ən çox rast gəlinən irsi xəstəliklərdən, genetik xəstəliklərin diaqnostikasından və maarifləndirmənin vacibliyindən danışdıq.

• Qohum evliliklər barədə həyəcan təbili
• “Sağlam genofond naminə” layihəsi
• İrsi xəstəliklərin müalicəsində yeniliklər

2000-ci illərin əvvəllərində Britaniyanın “British Journal of Nutrition” elmi jurnalı dərini qidalandırmaq və onun xüsusiyyətlərini yaxşılaşdırmaq üçün gündəlik rasiona daxil edilməli olan vitamin və qida maddələrinin siyahısını dərc edib. Bu gün, 24 il sonra, dünya əhalisinin demək olar ki, üçdə biri gözəlliyini qorumaq üçün artıq qida əlavələrindən istifadə edir.

Kosmetologiyada təklif olunan bioloji qida əlavələri barədə nəyi bilməliyik?
Onları seçərkən nəzərə alınmalı olan vacib parametrlər hansılardır? Bu haqda həkim kosmetoloq Sevda Bayramova ilə söhbət etdik.

• Sosial mediada geniş təbliğat və reklamın gücü;
• Bioloji fəallığa malik qida əlavələri (BFMQƏ) nədir və hansı formada olur?
• Təhlükəsizlik və keyfiyyət nəzarəti;
• Daxilə qəbul edilən kollagen barədə həqiqətlər;
• Təbii hialuron turşusu və kollagen sintezi;
• Elmi təsdiqini tapmış dəri üçün ən yaxşı vitaminlər və mikroelementlər.

Fitnes mütəxəssisi, beynəlxalq idman jurnalisti Əkbər Kərimovla aktiv və həvəskar idmanla məşğul olanlar üçün maraqlı və faydalı ola biləcək məqamlardan danışdıq.

•  Fitnes klublarında “yoqa” adı ilə tətbiq olunan nədir?
•  Səhər güc məşqləri ürək üçün zərərlidirmi?
•  Acqarına məşq arıqlamağa kömək edirmi?

"Sağlam ol Sevda ilə" verilişində fitoterapevt dr. Elnur Eldaroğlu və arı məhsulları üzrə mütəxəssis İlham Atakişiyev ilə birlikdə faydalı söhbətimiz oldu.

"Sağlam ol Sevda ilə" verilişində fitoterapevt Dr. Elnur Eldaroğlu və radioloq Elşən Rəhimov ilə birlikdə faydalı söhbətimiz oldu.

"Sağlam ol Sevda ilə" verilişində fitoterapevt Dr. Elnur Eldaroğlu və inteqrativ tibb həkimi terapevt osteopat Gülnar Quliyeva ilə  birlikdə faydalı söhbətimiz oldu.

"Sağlam ol Sevda ilə" verilişində fitoterapevt Dr. Elnur Eldaroğlu və  nefroloq Taleh Nəğdəliyev ilə  birlikdə faydalı söhbətimiz oldu.

"Sağlam ol Sevda ilə" verilişində fitoterapevt Dr. Elnur Eldaroğlu və doktor terapevt Arzu Hüseynova ilə birlikdə faydalı söhbətimiz oldu.

İnteqrativ tibb həkimi, qastroenteroloq, hepatoloq, endoskopist Nuranə Quliyeva ilə udma problemlərinin ciddiliyindən, qida borusu manometriya müayinəsinin üstünlüklərindən və inteqrativ tibbin qida borusu xəstəliklərinə yanaşmasından danışdıq.

• Niyə udma refleksi pozulur?
• Ezofagial manometriya müayinəsi necə aparılır?
•  Neyroqastroenteroloji baxış - mərkəzi sinir sistemi ilə həzm sistemi arasında əlaqə nədir?

Plastik və estetik cərrah dr. Günəş Piriyeva ilə pasiyentləri cərrahi müdaxilədən öncə narahat edən əsassız və əsaslı qorxulardan, plastik cərraha ən çox ünvanlanan suallardan danışdıq.

• Yaxşı həkimi necə tapmalı?
• Plastik cərraha müraciətin əsas səbəbləri nədir?
• Əməliyyatdan öncə psixoloji dəstək lazımdır?

İnteqrativ tibb həkimi, pediatr Aytən İsmayılzadə ilə qidalanma zamanı çox vaxt buraxılan səhvlərdən, zərərli qida nümunələrindən, bağırsaq sağlamlığının vacibliyindən və gündəlik qida rejimi qaydalarından danışdıq.

• Yanlış qida bağırsaq sağlamlığına necə təsir edir?
• Uşağın istəyinə görə yeməsi doğrudurmu?
• Qidanın miqdarı və qəbulunun tezliyi necə olmalıdır?

Fitoterapevt, apiterapevt dr.Elnur Eldaroğlu və arı məhsulları üzrə mütəxəssis İlham Atakişiyevlə BMT tərəfindən təsis olunan Ümumdünya Arılar Gününə həsr olunmuş efirdə arıların ekosistemə verdiyi töhfədən, arı məhsullarının müxtəlifliyindən və sağlamlığa faydasından danışdıq.

• Niyə arılar belə vacibdir?
•  Hansı hallarda bal ən qısa müddətə müalicəvi təsir göstərə bilər?
• Bal sənayesindəki saxtakarlığı necə anlaya bilərik?

Ortopediya və travmatologiya mütəxəssisi doktor Şəhriyar Fətullayev ilə 20 may Ümumdünya Travmatoloqlar Günündə ayaqla bağlı şikayətlərdən, yastıpəncəlik, daban mahmızı, Halluks valqus, yanlış ayaqqabı seçiminin fəsadlarından və s. haqqında danışdıq.

• Yastıpəncəlik nə zaman xəstəlik sayılır?
• Daban mahmızının müalicəsi necədir?
•  Ayaq baş barmaq əyriliyinin əməliyyatsız müalicəsi varmı?