Kyrkjeåret har også eiga søndagens tekst for reformasjonsdagen 31. oktober. I ein samtale med Karl Johan Bjørge, prost i Nordre Sunnmøre prosti, tek vi ein prat om teksta i Johannes 1, 16-17. Nåden og lova er tema og vi samtalar om kva dette betyr.

Nyleg var fleire vidaregåande elevar på Sunnmøre til Kenya for å besøke arbeidet til North South Partnership Aid. To av elevane går på Borgund vidaregåande skule og fortel i eit nytt program at turen har endra dei. Vi får høyre William og Diana fortelje om møtet med afrikanske born og ein annan kvardag enn dei sjølv er vande med.  Per Gunnar Hamnøy tek ein prat med William og Diana i vekas program.

Volsdalen salme -og lovsongskor inviterer til julekonsert onsdag 3. desember. Det er Johnny Peder Pettersen som har starta koret i sin tid, og koret syng både salmer, lovsongar og vekkelsessongar. - Det er enkelt, det er lett og folk kan senke skuldrane. Og her syng vi alle melodien, seier Peder Pettersen, som inviterer med til allsong på denne konserten. Koret hadde sin fyrste julekonsert i 2024 i ei fullsatt kyrkje. I år har dei med seg gjestesolist Marianne Klokk i tillegg til eigne solistar. Ørskog allspelorkester skal også delta. Høyr intervjuet med Johnny Peder Pettersen.

Vi har tatt ein prat med ein ny utflytta sunnmøring. Rolf Kjøde hadde store delar av barndomen i Bergen, men har halde godt på sunnmørsdialekta. Hovedslekta er i frå Spjelkavika og Kjøde har mykje å fortelje om då han kom til sunnmøre som elleveåring. Høyr heile praten med Rolf Kjøde.

I Ord til ettertanke denne veka tek sokneprest på Valderøya, Gunnhild Roaldsnes Bremer, tak i dei fem kjærleiksspråka. I eit intervju på Radio Sunnmøre seier ho at kjelda til all kjærleik er Gud sjølv, både kjærleiken mellom vener, familie og ektefolk. Høyr heile intervjuet og andaktene med Gunnhild Roaldsnes Bremer.

Ord til ettertanke av Gunnhild Roaldsnes Bremer

Ord til ettertanke av Gunnhild Roaldsnes Bremer

Ord til ettertanke av Gunnhild Roaldsnes Bremer

Ord til ettertanke av Gunnhild Roaldsnes Bremer

Ord til ettertanke av Gunnhild Roaldsnes Bremer.

Ålesund Soul Children skal få nytt liv med Mathilde Isabell Gudmundsdottir Haug i spissen. Ho har sjølv bakgrunn frå konseptet og tenkte at ho ikkje kunne slutte med dette når ho skulle flytte frå Bergen. Etter at ho bestemte at ho skulle flytte til Ålesund kjende ho at dette vil ho dra i gong igjen i byen. Etter at ho la ut på sosiale medier at ho ynskjer å starta opp igjen Ålesund Soul Children har det vore enorm respons.

I eit nytt intervju med Geir Sakseid, sokneprest i Ålesund og Volsdalen og rådgivar i NMS (Det Norske Misjonsselskap) med ansvar for Midtausten, tek vi ein prat om kva som er realiteten for dei kristne i Midtausten i dag. Nyleg fekk Sakseid ein rapport frå Middle East Concern, ein kristen menneskerettsorganisasjon, med ulike døme som viser til at kristne blir forfulgt. Høyr heile praten med Geir Sakseid på Radio Sunnmøre.

Søndag er det Allhelgensøndag og i evangelieteksta snakkast det om dei sæle og dei usæle. Teksta er henta frå Lukast 6, 20-23 og i ein samtale med prost Karl Johan Bjørge snakkar vi om kva denne teksta handlar om.

-Det har vore historiske dagar i Israel det med å få heim gislane, fortel Te`ena Ben-Haim. På same tid fekk ho heim både mann og son frå deira teneste i militæret i denne perioda der ein har fokusert på å overleve. - Det er framleis komplisert for folket vårt der ein skal bearbeide det ein har opplevd og at ein framleis ventar på gislane som ikkje har kome heim, seier Ben-Haim på telefon frå Jerusalem. Vi høyrer henne fortelje om korleis det var då dei levande gislane kom tilbake og kva som har blitt formidla i media av dei i Israel. 

Før flyet lettar til Kypros tek Irene Krokeide Alnes seg tid til ein liten kvardagsprat med Radio Sunnmøre. Ho er på veg til ein forsinka ferie med nærmaste familie. I praten så ser vi tilbake på vekemøta på Ellingsøya Irene hadde saman med Marit Stokken Berland. - Det var godt å kjenne på fellesskapet i bøn, og det merkast at det var forventningar, gode samtalar og song. Og vi kjende på ei vekkelsesånd i møta, seier Krokeide Alnes. Høyr heile kvardagspraten med Irene Krokeide Alnes.

I fjor fekk Sula vekst prisen for Årets vekstbedrift, og i år vart dei nominert til prisen Årets Teamwork, på IDC Norway Awards. Det var Ulstein Group som gjekk av stabelen med fyrste plassen i år, men Sula vekst er det også ein seier å vere nominert som ein av tre.  Vi har tatt ein prat med Øyvind Vebenstad som fortel oss meir om bedrifta Sula vekst AS, som driv med tilrettelagt arbeid, og verdiane dei jobbar med.

På friskuledagen 5. november skal Møre Barne -og ungdomsskule Skodje feire 10 år. Skulen har i dag eit skuletilbod for 1. -10. klasse og held til i Brusdalen. I desse ti åra har skulen hatt nokre utfordringar med plasseringa av skulen ved Brusdalsvatnet, og arbeidar framleis med å få på plass ei fast tomt for skulebygget.  Onsdag 5. november skal det feirast med kake, talar og underholdning, og rektor Hilde Renate Sæthre Nes håpar at alle som har lyst tek turen.

I ein kronikk i Sunnmørsposten skriv Aud Farstad, historikar og forfattar, at ho er kritisk til redaktørstyrte medier. Ho fortel til Radio Sunnmøre at ho etterkvart har opparbeida seg ein sunn skepsis til det som skrivast i redaktørstyrte medier. Farstad fortel at ho ikkje klarer å fylgje med i alle medier, men at ho særskilt henviser til NRK som einsidige i tida etter massakren i Israel. Ho meiner Israel heile tida blir mistenkeleggjort og ansvarlege, og at det blir lite kritikk av den andre skulen. - Eg har desse to åra vore utruleg takknemleg for at eg meistrar andre språk enn norsk og kan gå ut på nettet å finne anna informasjon og det som for eksempel NRK og andre store aviser har som ferdig fortelling, fortel Farstad til Radio Sunnmøre. Høyr heile intervjuet med Aud Farstad, historikar og forfattar.

Onsdag var ni folkehøgskulerektorar på Stortinget for å protestere mot regjeringa sitt nye budsjettforslag om å kutte stipendandelen til elevane frå 40 til 15 prosent. Lars Johan Klokk, rektor ved Sjøholt folkehøgskule, var tilstades på Stortinget i møte med KrFs stortingsgruppe. Sjøholt folkehøgskule er ein av to folkehøgskular i landet med 16 års aldersgrense. - Eg trur det er eit vere eller ikkje vere om ein mister stipendet, seier Lars Johan Klokk til Radio Sunnmøre. - Og det vil igjen bety at fylket må trå til meir for desse elevane som i dag går folkehøgskule, legg han til. Ved Sjøholt folkehøgskule har nokre av elevane vore opptil seks år utanfor vanleg skule og for nokre elevar er det ei stor utfordring å berre gå inn i matsalen. Klokk seier i ei pressemelding at på folkehøgskulen har desse elevane igjen fått trua på framtida. - Eg opplever at for vår elevgruppe vil det å få seg  eit arbeid vere nok og vil nok kanskje aldri få seg ei mastergrad, fortel Klokk til Radio Sunnmøre. Han forstår ikkje heilt kva Arbeiderpartiet har tenkt med dette forslaget.   

Etter heile 46 år har Arne Johan Gagnat og kona Kari leia Solhøgda leirstad som gjer noko så sjeldan å gå med overskot. Det gjer det blant anna fordi ein har bygd opp ein svært attraktiv leirskule, som tek elever frå Sunnmøre i sør til Trondheim i nord med på naturopplevingar og industrisamfunnet Sunndalsøra. Men no må eigaren, Misjonssambandet, sjå seg etter ny leiing av Solhøgda leirstad. Høyr intervjuet med Kari og Arne Johan Gagnat.