Kosova dhe Gjermania ndajnë një lidhje të gjatë historike, ekonomike dhe njerëzore, e cila është përforcuar ndër vite nga mijëra biznese, profesionistë dhe familje të diasporës. Por, përkundër kësaj lidhjeje të fortë, bashkëpunimi ekonomik mes dy vendeve ende nuk po arrin potencialin e plotë të tij. Në një intervistë për podcastin “Përballje" në Telegrafi.com, Besnik Vasolli, drejtor ekzekutiv i Odës Ekonomike Gjermano-Kosovare, foli për sfidat dhe mundësitë e këtij bashkëpunimi, duke theksuar se Kosova duhet ta shfrytëzojë në mënyrë shumë më strategjike përvojën dhe ndikimin gjerman në zhvillimin e saj ekonomik.
Mbështetur nga:
- EXFIS
- Exfis është kompani që vepron në tregun e derivateve të naftës në Kosovë, e specializuar në importin, shpërndarjen dhe shitjen me pakicë e shumicë të karburanteve me standarde evropiane.
Për më shumë: https://www.facebook.com/exfisqualit
Në episodin më të ri të podcastit“Përballje” në Telegrafi, nënkryetari i Kuvendit të Kosovës dhe lider i Partisë për Liri, Drejtësi dhe Mbijetesë, Nenad Rashiq, ka folur për presionet që, sipas tij, Serbia po ushtron ndaj serbëve të Kosovës që nuk i përkasin Listës Serbe.
Mbështetur nga:
- EXFIS
- Exfis është kompani që vepron në tregun e derivateve të naftës në Kosovë, e specializuar në importin, shpërndarjen dhe shitjen me pakicë e shumicë të karburanteve me standarde evropiane.
Për më shumë: https://www.facebook.com/exfisqualit
Në këtë episod me ish-kryetarin e Prishtinës, Shpend Ahmetin, diskutohet për rezultatet e zgjedhjeve lokale në Prishtinë dhe në mbarë Kosovën, me theks te balotazhi dhe ndikimi i “votës neutrale” në kryeqytet. Ahmeti analizon raportet ndërmjet partive politike, mundësitë e bashkëpunimeve pas raundit të parë dhe e cilëson garën në Prishtinë si njërën ndër më të ngushtat ndonjëherë. Në pjesën e dytë, biseda zhvendoset në skenën qendrore politike, ku Ahmeti flet për bllokimin institucional, për mundësinë e zgjedhjeve të reja nacionale, si dhe për ndikimin e diskursit të Lëvizjes Vetëvendosje në gjithë opozitën. Ndërsa në fund, fokusi kalon te gjendja ekonomike e vendit, ku Ahmeti e përshkruan ekonominë e Kosovës si “zemrën që rreh ngadalë”, duke theksuar problemet me mungesën e investimeve, rritjen e normave të interesit dhe ndikimin e buxhetit të bllokuar në zhvillimin ekonomik.
Mbështetur nga:
- EXFIS
- Exfis është kompani që vepron në tregun e derivateve të naftës në Kosovë, e specializuar në importin, shpërndarjen dhe shitjen me pakicë e shumicë të karburanteve me standarde evropiane.
Për më shumë: https://www.facebook.com/exfisquality/
Në episodin e parë të podcastit "Përballje” në Telegrafi.com, i ftuar ishte Uranik Begu, drejtor i “Plug and Play Tech Center” për Evropën Juglindore. Ai theksoi se Kosova ka potencial të madh në inovacion, teknologji dhe inteligjencë artificiale, por mungon strategji dhe mbështetje institucionale. Begu paralajmëroi për një vakuum institucional të krijuar nga mungesa e politikave të qëndrueshme dhe rënia e mbështetjes së donatorëve.
Ai krahasoi situatën me Shqipërinë, e cila po avancon me projekte si Piramida e Tiranës, Plug and Play dhe shkolla “42”. Sipas tij, Kosova duhet të fokusohet në infrastrukturë teknologjike, aftësim profesional dhe përkrahje për startapet.
Begu bëri thirrje për veprim të shpejtë strategjik, duke vlerësuar rininë, internetin dhe diasporën si përparësi kryesore. Ai theksoi se për zhvillim të qëndrueshëm nevojiten investime në aftësim dhe kapital.
Mbështetur nga:
- EXFIS
- Exfis është kompani që vepron në tregun e derivateve të naftës në Kosovë, e specializuar në importin, shpërndarjen dhe shitjen me pakicë e shumicë të karburanteve me standarde evropiane.
Për më shumë: https://www.facebook.com/exfisquality/