Il-Premju Daphne Caruana Galizia għall-Ġurnaliżmu 2025 ingħata lil “Follow the Money”, pjattaforma Netherlandiża tal-ġurnaliżmu investigattiv. L-investigazzjoni, li saret f’kollaborazzjoni ma’ 13-il kamra tal-aħbarijiet mill-Belġju, id-Danimarka, il-Ġermanja, il-Greċja, l-Italja, in-Norveġja, u r-Renju Unit, kixfet kif is-sidien tal-bastimenti tal-Punent qalgħu aktar minn 6 biljun dollaru mill-bejgħ ta’ 230 tanker qadim lill-flotta mistura tar-Russja.
Il-premju jikkontribwixxi għall-promozzjoni tal-prinċipji u l-valuri tal-Unjoni Ewropea, kif imnaqqxa fil-Karta tad-Drittijiet Fundamentali tal-Unjoni Ewropea. Huwa msemmi f’ġieħ Daphne Caruana Galizia, il-ġurnalista, bloger u attivista Maltija kontra l-korruzzjoni li nqatlet fl-2017.
Il-ġurnalisti mitfugħa l-ħabs, Andrzej Poczobut mill-Belarussja u Mzia Amaglobeli mill-Georgia huma r-rebbieħa tal-Premju Sakharov għal-Libertà tal-Ħsieb tal-Parlament Ewropew 2025.
Il-Premju Sakharov għal-Libertà tal-Ħsieb twaqqaf fl-1988 biex jonora individwi u organizzazzjonijiet li jiddefendu d-drittijiet tal-bniedem u l-libertajiet fundamentali.
Ewropa Kreattiva huwa l-programm tal-Unjoni Ewropea li jrawwem il-kreattività. Għandu l-għan li jiżviluppa u jippromwovi d-diversità u l-wirt kulturali tal-Ewropa. Il-programm jappoġġja s-setturi kulturali u artistiċi, b’mod partikolari s-settur awdjoviżiv, sabiex l-Ewropa ssir aktar inklużiva, diġitali u ambjentalment sostenibbli. Jekk int professjonist żagħżugħ jew organizzazzjoni li taħdem fis-setturi kulturali u artistiċi, skopri kif l-Unjoni Ewropea tista’ tgħinek tagħti l-ħajja lill-proġett kreattiv tiegħek.
Kull sena, sa mill-2011, infakkru l-Jum Internazzjonali tal-Lingwaġġ Ċar fit-13 ta’ Ottubru. Dan xi jfisser?
Il-ħames films finalisti għall-Premju LUX tal-Udjenza 2026 huma: Christy, Deaf, It Was Just an Accident, Love Me Tender u Sentimental Value.
Il-Premju LUX jitfa’ dawl fuq films li jittrattaw ċerti temi soċjali u politiċi. L-għan tiegħu huwa li jħeġġeġ id-dibattitu u r-riflessjoni filwaqt li juża l-films biex jgħin fl-iżvilupp ta’ identità Ewropea aktar b’saħħitha.
Niżżel id-data fil-kalendarju! Fis-27 ta’ Settembru, se nkunu qed inwasslulek skeda ppakkjata mimlija intervisti u għarfien minn Jum il-Multilingwiżmu, kif ukoll mużika mill-Ewropa kollha. Segwina live fuq Europarl Radio.
Fit-13 u l-14 ta’ Ġunju, se nkunu qed inwasslulek skeda ppakkjata, mimlija intervisti multilingwi u informazzjoni mill-Avveniment Ewropew taż-Żgħażagħ, kif ukoll mużika mill-Ewropa kollha. Segwina LIVE fuq l-istazzjon bl-Ingliż ta’ Europarl Radio.
Għandek bejn it-18 u t-30 sena u qed tfittex opportunità biex tgħin lill-komunità usa’, fl-Ewropa u lil hinn minnha?
Tista’ tagħmel dan bis-saħħa ta’ finanzjament u appoġġ mill-Korp Ewropew ta’ Solidarjetà, li jgħin liż-żgħażagħ jieħdu sehem fi proġetti li jsiru jew barra minn pajjiżhom jew f’pajjiżhom stess.
Dawn il-proġetti joffrulek esperjenza li tispirak u li ttik sens ta’ responsabbiltà. Apparti minn hekk, jagħtuk iċ-ċans li tbiddel ħajtek għall-aħjar filwaqt li tiżviluppa l-ħiliet u l-kompetenzi tiegħek.
Fl-4 u l-10 ta’ Mejju, se nkunu qed inwasslulek skeda ppakkjata, mimlija intervisti multilingwi u informazzjoni minn Jum l-Ewropa, kif ukoll mużika mill-Ewropa kollha. Segwina LIVE fuq l-istazzjon bl-Ingliż ta’ Europarl Radio.
- Ir-rebbieħ tal-LUX - Il-Premju Ċinematografiku Ewropew tal-Udjenza 2025 huwa “Flow”.
Il-Premju LUX jixħet dawl fuq films li jittrattaw temi soċjali u politiċi. L-għan tiegħu huwa li jinkoraġġixxi d-dibattitu u r-riflessjoni, filwaqt li juża l-films bħala għodda li tgħinna nsaħħu l-identità Ewropea tagħna.