Ef þú myndir fletta upp orðinu nagli í orðabók kæmi mynd af Heiðdísi Maríu, hún hefur þurft að labba á marga veggi til að fá lausn mála sinna og kafa djúpt eftir þolimæði til að komast í gegnum þau verkefni sem lífið hefur gefið henni. Heiðdís er einstök perla sem segir okkur frá hennar lífsins sögu, sem auðvitað inniheldur endó líka.

Karen og Unnur fóru yfir það hvernig það er að vera ungur með endó og fyrstu árin þegar þær fóru að finna fyrir einkennum.

Við fengum til okkar hann Ragnar, annan eiganda Ró CBD. Við ræddum við hann um endó og fyrirtækið meðal annars. Fróðlegur og áhugaverður þáttur.

Við tókum saman nokkrar frægar konur með Endó og einnig þær sem hafa glímt við ófrjósemi, fósturlát og talað um það opinsgátt. Þáttur sem við ræðum hlutina á léttu nótunum.

Unnur Regína er ný kynningarstýra Endósamtakanna, Unnur er ekki bara klár og fyndin, heldur reynslubolti með þunga endósögu. Unnur tekst á við lífið með húmor og von sem gæti peppað mjög marga. TW á þáttinn þar sem við ræðum ófrjósemi og sjálfsskaða.

Við fengum Unni okkar til þess að hlaupa í skarðið fyrir Eyrúnu í þessum þætti og ræða þær Karen um hvaða ofurkraft endókonur geta búið yfir, hvort sem þær séu búnar að átta sig á því eða ekki.  Orkumikill þáttur með húmor og sjálfsstyrkingu.  

Þórunn Ívars mætti til okkar í skemmtilegt og einlægt spjall. Þórunn lagði spilin á borðið og segir frá sinni endó sögu, ásamt því að ræða ófrjósemi og meðgöngu. Þrátt fyrir ótrúlega flókna sögu þá er húmorinn ekki langt undan hjá henni sem gerir þetta að ennþá skemmtilegra spjalli. Við setjum TW á þennan þátt.

Þátturinn sem við leyfðum Chat gbt að hjálpa okkur að búa til spurningar, léttur þáttur sem mögulega gerir daginn þinn betri eða kemur með spurningar sem fá þig til að hugsa hvernig þú getur gert daginn betri.

Eydís Sara er mætt aftur, nú deilir hún endósögunni sinni og því að vera ófrísk með endó. Heiðarlegt, einlægt og oft erfitt spjall sem þarf samt sem áður að heyrast.Þátturinn getur verið triggerandi vegna óléttu og átröskunar.

Þegar sólin fer að skína léttist lundin og orkan eykst, við með endó gleymum okkur oft í gleðinni og lendum svo á vegg nokkrum sinnum yfir sumarið. Við vinkonurnar töluðum opið um allar tilfinningarnar sem tengjast sumrinu og rútínuleysinu.

Kristjana fyrrum ritari endósamtakanna kom í spjall um sína endó vegferð, Kristjana hefur fengið allskyns verkefni í lífinu og tekst á við þau með lausnum og bros á vör. Viðtalið fjallar meðal annars um barneignaferli og gæti stuðað einhvern en á sama tíma heiðarleika um ferlið.

Þátturinn sem hefur verið óskað eftir frá okkur, við förum yfir leiðir okkar af vinnumarkaði og á hann aftur. Ræðum hvað hjálpaði okkur og hvað ekki. Vonandi er þetta þátturinn sem svara spurningum um endó og skerta vinnugetu.

Í þessum þætti fengum við til okkar hana Sigrúnu Örnu, en hún hefur átt ótrúlega flókna og erfiða Endó sögu. En hún fékk til dæmis endó greininguna sína svo seint að endóið skemmdi hluta líffæra hennar varanlega. Þáttur sem enginn má missa af!

Gestur þáttarins er Alma Sigurðardóttir. Alma er algjör demantur sem á mjög langa og erfiða Endósögu að baki og segir okkur frá henni hér á djúpum og einlægum nótum. Alma er einnig nýkjörin ritari Endósamtakanna og eru samtökin ekkert smá heppin að hafa fengið hana í lið með sér. Alma á reynslu af þurfa að fara í aðgerð erlendis vegna Endó og langa og erfiða baráttu við Sjúkratryggingar.

Eftir stormasama byrjun á árinu þá erum við mættar aftur! Við erum að fyllast af orku aftur og það er margt spennandi framundan.

Axel og Tjörvi hafa reynst samtökunum vel með sinni vinnu.Axel hannaði lógó samtakanna meðal annars og Tjörvi var myndatökumaður í myndinni okkar.Þeir eiga það sameiginlegt að vera líka aðstandendur kvenna með Endó.Skemmtilegt spjall með einlægum tón.

Sigga okkar varaformaður Endósamtakanna kom í spjall um samtökin og hennar sögu sem er átakanleg. Sigga talar hreint út um aðstoð sem hún fékk erlendis og gæti þátturinn því gagnast þeim sem vilja leita utan Íslands.

Alexandra er eigandi Orku kírópraktík. Hún hefur reynst mörgum endó konum vel. Við fengum hana í spjall um kíró, endó og það að elta draumana sína.

Við höfum fengið spurningar frá konum sem eru á leið í legnám eða eftir legnám hvort allskyns sé eðlilegt eða við hverju megi búast.Hér fórum við yfir ferlið okkar beggja.