編劇大師兄的話：
「緣」偶爾然會送你一個邂逅。能否把握呢一次邂逅，再變返一段緣，就睇你嘅本事。
一般人遇到 long distance relationship 都會卻步，但其實 long D冇咩可怕，因為只要心繫之處相同，縱隔千里心仍是近。將來？ 將來嘅嘢，就交畀將來啦。
聲演演員：
施嘉露 （Alice）
程路 （大師兄）
編劇：大師兄
後期製作：大師兄
字幕：Alice
主題曲《心仍是近》
主唱：Suno
作曲：Suno
作詞：大師兄
#廣播劇 #林明禎 #廣東話 #馬來西亞 #香港 #語言 #中馬文化交流 #浪漫邂逅 #人氣熱話 #揸字有玄機 #馬來西亞廣東話 #未打羽毛球 #了解中
編劇Ryan Sir 的話:
寫於出街之前-
Gogo嘅後製係好有心機同心思，而佳少嘅後製就真有創意，由上次陪着你走揀嘅不協和音配樂，到今次嘅自製，真係畀到驚喜我，完全夾到成個故事同我嘅諗法，高興加入港聲你聽同身處世界各地嘅香港人合作，多謝Simon製造呢個機會。近期林明禎成為熱搜，其實最初邀請監製演出都係因為監製講嘅廣東話有時都好有趣聯想到林明禎嘅BB語，唯一可以挑剔係監製嘅演出仲係未完全做到馬來西亞廣東話嘅效果，講到明係挑剔，我個人非常多謝監製嘅努力演繹馬來西亞嘅廣東話。
寫於創作劇本之時-
當開會聽到最新嘅廣播劇會寫有關旅遊，心仍是近系列，不期然諗起最喜歡嘅Facebook旅遊專頁—— Ling is travelling。喜歡Ling幽默嘅筆觸，每次完結時啜核抵死嘅Punchline，好多時當有機會寫1分鐘劇場嘅時候，我相信我係有模仿Ling嘅寫法。今次既然有機會寫旅遊故事，當然要向Ling致敬。問題係既然係向Ling致敬，一定要順便寫埋甜古，不過監製認為港聲你聽呢個台除咗要聯繫香港人同保育廣東話之外，仲係一個要提升社會風氣，提高年青人內涵，有使命感嘅YouTube Channel。甜古？唔好諗喇。不過經我一番討價還價之後，就好似國興咁第341次成功爭取到可以寫甜古，條件係只可以兩句起三句止。所以大家聽到嘅故事，已經係淨化版，大家如果想聽比較到肉、每六秒一蚊嗰款，記得同監製反映，想要Ryan Sir唔好寫啲咁不痛不癢、冇料到嘅故事😜
一直好喜歡大馬華人嘅廣東話，每次傾偈真係感覺到嗰一種南洋風情，而香港同吉隆坡同樣係廣東話，個意思真係可以差天共地，有部份廣播劇中廣東話鬧出嘅笑話，其實真係多年前嘅親身經歷。
多謝好友J義務作為馬拉話、馬拉廣東話顧問及校對稿件，更加多謝每一個支持港聲你聽嘅聽眾。 聲演演員：
佳少 （佳仔）
Steven （Steven） Alice （Alice）
後期製作：佳仔
字幕：佳仔
插圖：Alice
音樂/聲音特效：佳仔 特別嗚謝：
馬來西亞顧問-Ryan Sir 好友 J
編劇Ryan Sir 的話：
港聲你聽開台都已經超過一年，一直感激多位忠實嘅支持者，尤其係Anna，喺開台開始一直都支持，留言打氣。喺一次有嘢就講現場嘅時候，Anna留言問會唔會寫酒色男女嘅續集，仲提議寫Ryan呢個渣男嘅故事，因為一開始就將Ryan呢個角色寫死，變咗冇乜空間去發揮，而Ryan同Gogo之前發生嘅事，一早已經有設定，所以由始至終Gogo都係好討厭Ryan。不過我想報答長期忠實支持者Anna，就開始構思Simon同Gogo嘅結局。算係對長期支持港聲你聽Anna嘅小小心意❤️。喺近來港聲你聽亦都多咗好多好有趣嘅組員加入，尤其係我哋劇本創作比賽嘅得獎者Angel ，佢喺旅遊筆記-泰國篇嘅節目我覺得好好笑，特此借用🙏如果大家未聽過，記得順便click入去聽吓
https://youtu.be/NfX7oUVrIDc
真係好好笑。 至於眉筆，記憶中聽過Agnes 某個訪問提到被拉之前唔記得帶眉筆，非常後悔，可能眉筆對女人真係好重要。我諗男同女對某啲事情處理方式真係幾唔一樣。最後，多謝支持港聲你聽嘅你哋。如果發覺呢個故事無頭無尾，不妨去聽吓酒色男女呢個系列。https://www.youtube.com/playlist?list=PLqiNnRz2IP_2nWSd-OTBMxUgxRp4fT7tR
寫於後製之後：
聽完製成品之後，感覺Simon 就好似一大塊𥔵石，凝聚吸引咗好多有心有力又認真嘅人。感謝Gogo咁用心有心思又認真嘅後製，由thumbnail 嘅數學題目，到主題曲完結後嗰句風行一時嘅廣告用語彩蛋，搞到我呢啲傾向寫後不理嘅懶人都好認真咁整咗首主題曲，不過仲未係好識用Suno做廣東歌, 出嚟效果唔係好滿意。再由廣東話開始轉做國語，大大話話做咗三四十首先楝出呢首主題曲，點知監製聽完之後只係問究竟唱緊乜，普通話定係廣東話？要出字幕！可能Ryan sir普通話比較普通，我聽落發音幾好呀😅始終Suno出嘅廣東歌，香港人聽上去會覺得怪怪地。另外亦都想講講四不嘅不糾纏，我哋係好認真內部開會討論究竟應該用正確讀法「九」定係約定俗成嘅「豆」，有考慮到用「九」會怕聽眾聽到「不久前」，結果選擇咗用「豆」，不如你哋又留言俾我哋知道依家選擇咗用「豆」會唔會覺得哽耳？最後多謝聽完呢個故事嘅你哋，我哋其實真係一個製作好認真嘅團隊。
（**呢張設計圖係一個數學題，睇唔睇得出啲圖嘅size 係用咗邊個數學計算？）
聲演演員：
Simon（Simon）
Gogo（Gogo）
後期製作/字幕/插圖/聲音特效：Gogo
歌曲：也許從開始已是錯誤
填詞：Ryan Sir
作曲/主唱：Suno
編劇Mon姐的話：
三個校友，Pam，Lise 和 May，各有生活取態，有人早年移民，在世界的另一角，尋求長遠發展，多年後，定期回到出生地, 定點旅行，嘗試尋回昔日的光景；另外，有人選擇在土生土長的地方，安身立命，透過旅行，認識不同的國度；又有人投入社區，更因應發達的資訊網絡，踏上數碼牧民之路，以旅居方式, 探索地球，體驗不同的人文風景；歸根究底，無論那種取態，只有適合與否，沒有所謂對錯，你又會如何選擇？
聲演演員：
Lise（Angel）
May（Gogo）
Pam（Flora）
後期製作：佳仔
插圖：大師兄
編者Angel的話：
這一篇「我們的第三眼」，裡面並沒有很多故事情節，反而平舖直敘把一些意念說出來。我相信每一個生命都有其能量，互相牽引，互相影響，甚至乎某程度上是一個整體而不自知，又或者你會否想到正正就是這某一種能量，令到今天的你，看到這一篇編者的話。 聲演演員：
方生（大師兄）
方太（Angel）
趙醫生（阿龍）
插圖：大師兄
後期製作：Alan
編劇 Gogo 的話：
「桃花依舊，人面全非」形容景色依舊，而人事已非的感傷。大膽地調轉嚟寫，用 「桃花全非，人面依舊」來形容景色已不再的傷感，而人依舊，要面對「景色」的失去，因而這個故事題名為 「桃花全非」。無論如何，大家要珍惜眼前仍然存在的人和物啊！ 亦希望這個劇會為聽眾帶來小小嘅回憶和歡笑。 聲演演員：
老豆（南哥）
阿媽（Barbara）
方丈（Ryan Sir）
飛機廣播（Alice）
後期製作：Gogo 字幕：Barbara 插圖：Gogo、大師兄 音樂/聲音特效：Gogo
（特別演出- podcast 一百種人主播 Candy）
編者南哥的話：
今次寫關於旅行。我諗送仔女去外國留學都算係人生中嘅大事。送仔女讀書順便親子遊應該係個幾美好嘅回憶。但世代矛盾好多時會喺呢度出現。究竟點可以化解？事實上都冇話分對錯。終歸大家都有為對方着想。有乜事坐低冷靜慢慢傾。上一輩人有時諗法都好開通。唔好畀固有印象鎖住而唔講出口。 你愛要出聲至得㗎！
（入面有周星馳彩蛋，睇大家發唔發現到喇）
聲演演員：
爸爸 Jack （Ryan Sir）
媽媽 Queen （Mon 姐）
囡囡 Michelle （Candy ．一百種人 播主）
Chris（佳仔）
後期製作：佳仔
字幕：佳仔
播圖：大師兄，Alice
編劇 Alice 的話：
因為 填詞L 呢套戲令我覺得可以堅持做自己鍾意嘅嘢真係一件好幸福嘅事。我一直都好想用廣東話寫歌詞，但係研究過可能因為押韻嘅關係，其實書面語會比較容易寫出一首動人嘅歌曲，但係今次因為 Simon 係到玩咗一星期作曲好有趣嘅 software，引起我哋對寫歌重新引起信心同興趣。我覺得好開心可以用自己鍾意嘅廣東話歌詞製作一首愛情嘅歌。
所以其實呢個劇本我係用呢首自己作歌詞嘅歌，再倒返過嚟寫返個劇本配合首歌😆，係先有歌曲再有劇本。跟住我同大師兄了解過大家想寫嘅劇本，好似旅行中如果喺機場度有一個浪漫嘅偶遇，應該係幾甜蜜夢幻嘅情節，所以就構思呢個 「唔要句號」 ，一個並肩同行嘅故事，希望大家鍾意呢個故事同埋呢首歌。
聲演演員：
Ken（大師兄）
Kate（Alice）
編劇：Alice
後期製作：大師兄
字幕：Alice 片尾曲《唔要句號》
主唱：Suno
填詞：Alice
作曲：Suno
編劇大師兄的話： 人在途上經常會遇到突如其來嘅倒霉事。但失之東隅未必滿盤皆輸，話唔定亦係一件好事呢！
聲演演員：
Ken（大師兄）
Kate（Alice）
編劇：大師兄
後期製作：大師兄
片尾曲
主唱：Suno
填詞：大師兄/Chat GPT
作曲：Suno
利世民聲演劇中老豆｜大師兄突破自己新玩法 （要聽到最後呀）
編劇大師兄的話：
出國唔一定係去玩。今次試講下尋親同父子關係。第一次嘗試，自覺未夠深入，但父子磨擦往往都係因為自專同缺乏溝通導致。大家聽下有冇同感？
聲演演員：
老豆Sam （Simon ）
Ken（大師兄）
媽媽阿玲（Barbara）
編劇：大師兄
後期製作：大師兄
字幕：Alice
聽吓你又可唔可以同主角一樣頂得順呢一種窮遊鐵人耐力賽嘅方式？
編劇Flora 的話：
《窮遊軼事》係我廿幾歲嘅時候單獨去旅行嗰時真係發生過嘅一啲趣事，用對話嘅形式演繹出嚟。事實上，我唔係咁鍾意同人哋一齊去旅行，因為我知道唔係個個都頂得順我呢一種窮遊嘅方式，真係同鐵人耐力賽有得比！但係講返出嚟畀人聽當時嗰種癲法又真係幾好笑嘅。希望大家鍾意啦！
聲演演員：
Flora（Flora）
Macy（Macy）
編劇：Flora
後期製作：大師兄，Alice
#柬埔寨 #伊朗 #旅遊筆記
柬埔寨驚喜探索、伊朗神秘國度大揭密
最新一系列嘅《旅遊筆記》出爐啦﹗打頭炮嘅係南哥帶我哋去柬埔寨，講吓佢由金邊去暹粒吳哥窟嘅有趣經歷，佢仲食咗當地著名嘅 "特色名物"。之後佢仲分享佢去咗唔多香港人去過嘅伊朗，南哥解構部分人對伊朗同當地人嘅一啲誤解。佢亦分享佢另類嘅旅遊體驗，例如點解男士去厠所反而要排隊？佢又結識當地人相約見面，又同伊朗人屋企人一齊出街。等我哋一齊跟南哥揭開伊朗呢個神秘國度嘅面紗，感受一下南哥獨特嘅旅程啦！
主持：Alice, 大師兄
嘉賓隊員：南哥
後期製作：大師兄
#旅行
#旅遊
#香港人
#香港話
#聲音劇
#港聲你聽
#VOXHK
#德國 #德國工作 #旅遊筆記
德國比人嘅感覺係無法國、意大利、西班牙咁精彩，但其實我地係咪對呢個地方咁了解呢？今集嘉賓阿龍，佢喺德國讀書同工作已經十年以上，佢會分享同探討一些引人深思嘅問題，到底德國人對過去黑暗歷史抱持咩態度?
阿龍會分析德國人對人比較冷淡嘅原因，呢種冷淡係咪純粹可能源於文化背景同社會價值觀嘅不同? 德國人出名重視個人隱私同埋空間，對待陌生人保持距離嘅習慣，原來唔係因為缺乏友好，實情係一種文化上嘅差異。
最後，阿龍會探討德國人對工作嘅態度。德國人以認真、專注兼高效而見稱，佢哋重視工作、生活嘅平衡，又重視長期規劃。呢種工作文化真係唔恨得咁多﹗
今次呢一集，阿龍希望能夠比聽眾更深入地了解德國社會同文化，歡迎你留言分享睇法同觀點，等我哋一齊呢飛去德國探討呢個話題啦﹗
主持：Alice, 大師兄
嘉賓隊員：阿龍
後期製作：大師兄
#德國讀書
#個人隱私
#旅行
#旅遊
#香港人
#香港話
#港聲你聽
#VOXHK
#泰國 #旅行 #地震 #海嘯 #旅遊筆記 唔講都唔知，原來泰國舊年係全球最多遊客旅遊城市！呢個消息真係令我好想去探索吓呢個一向係香港人熱門嘅另一個鄉下。今次，我哋一齊聽吓Angel有咩難忘經歷。 Angel會同我哋講起佢2004年去曼谷旅行嘅突發事件，佢話當時真係無諗過咁大件事，後嚟先真正體會到嗰種恐怖同不幸，佢都講起佢地當時嘅幾個幸運選擇，好期待聽Angel講下佢當時點樣揀，令佢同家人安然無恙咁返到香港、避過一劫啦！ 聽完Angel 嘅故事，我哋都會覺得好感慨。即使有風浪，我哋都要勇往直前，繼續笑住咁去探索呢個充滿魅力嘅世界。 主持：Alice, 大師兄 嘉賓隊員：Angel 後期製作：大師兄 #earthquake#tsunami #南亞大海嘯 #曼谷 #按摩 #旅遊#香港人#香港話#港聲你聽#VOXHK
#南澳 #紅酒 #自駕遊
Ryan Sir 帶你遨遊南澳洲，探索呢片葡萄酒盛產地，同大家介紹當地最著名嘅葡萄酒品種。南澳係世外桃源，地靈人傑，絕對係葡萄酒生產嘅理想環境。除咗揭開南澳洲出產嘅酒嘅獨特之處，佢亦同大家推薦價格實惠且品質出眾嘅酒庄。
仲有，揸車遊覽南澳洲時，唔可避免地會遇到袋鼠，我哋將提供專業建議，教你如何安全應對呢啲突如其來嘅野生動物。
無論你係葡萄酒愛好者定係旅行愛好者，呢個旅遊筆記絕對不能錯過！
Are you ready? 唔好忘記點讚、訂閱同開啟通知，確保不好錯過我哋啲任何精彩內容。留下你嘅Comment，話畀我哋知你對南澳洲嘅印象，同埋你最鍾意嘅葡萄酒類型！
主持：Alice, 大師兄
嘉賓隊員：Ryan Sir
後期製作：大師兄
有關Ryan Sir 係港聲你聽寫關於紅酒嘅聲音劇：
【酒色男女】人生自是有情癡
• 廣播劇【酒色男女】人生自是有情癡 ｜利世民聲演「情癡」
【酒色男女】 全集
• 廣播劇 - 港聲你聽｜【酒色男女】🍷
Ryan Sir 影片中提及過嘅酒庄：
有得飲有得睇，去McLaren Vale 屬於應該先去嘅酒莊
https://clarendonhills.com.au/
https://www.darenberg.com.au/dali-at-darenberg
Ryan sir 好鍾意呢個酒莊，酒優質價錢超值
https://bechardy.com.au/
酒莊仲有Dining嘅服務
https://mitolowines.com.au/
#意大利 #威尼斯 #羅馬 #梵蒂岡 #佛羅倫斯 #自駕遊 #旅遊筆記
去意大利旅行，人人都話要去威尼斯、羅馬呢啲打卡熱點，但其實呢啲地方人多擠迫，有時真係有啲overrated。唔去打咭，咁意大利重有咩好玩呢？今集Flora講下意大利一啲鮮為人知嘅去處，同佢嘅旅遊經歷。
主持：Alice, 大師兄
嘉賓隊員：Flora
後期製作：大師兄
#旅遊
#香港人
#香港話
#港聲你聽
#VOXHK
#英國 #伯明翰 #Leads #York #Nottingham #旅遊筆記
今集Steven帶大家遊覽英國城市嘅特色，由南到北，除咗介紹城市地貌，亦分享埋唔同城市嘅英國人嘅風格同特色。
有啲地方，有時候會令Steven真係會以為自己仲喺香港？！不過又會感到有少少不安？！到底係點解會有呢種感覺呢？等Steven之後慢慢話比大家聽啦！
主持：Alice, 大師兄
嘉賓隊員：Steven
後期製作：大師兄
#Emoji
#Birmingham
#旅遊
#香港人
#香港話
#港聲你聽
#VOXHK
#加拿大 #旅遊筆記 #Roadtrip #H0H0H0
到底加拿大有幾大大大~~~呢？當個個都以為加拿大只有溫哥華、多倫多, 即係你地對呢個國家認識唔深咯﹗今集由 Joanne 呢個地膽介紹下呢個一直被世人誤會嘅全世界第二大國﹗由西岸玩到東岸，真係揸車都要不眠不休成個禮拜﹗
沿路風景以至天氣都千變變化 到底有咩推介同值得你地去研究下呢？一齊聽下你地識幾多個地方啦﹗
主持：Alice, 大師兄
嘉賓隊員：Joanne
後期製作：大師兄
#自駕遊
#旅遊
#香港人
#香港話
#港聲你聽
#VOXHK
#日本 #日本旅行 #香港人
人人都話返鄉下去日本，吃喝玩樂 Shopping 樣樣Like，入嚟留言分享一吓日本有咩難忘經歷。
主持：Alice, 大師兄
嘉賓隊員：Alan
後期製作：大師兄
如何用Oyster收服一代女人殺手？酒色男女最終回，香港人常存希望，港聲你聽一路陪著你走。
#陪著你走 #酒色男女 #最終回 #日本箱根溫泉 #Oyster
🎼 陪著你走 一生一世也不分 天天編出兩雙足印 過千山過千海 如果 走到這世界邊端 我倆已是無力前行 跟我一起飛去 一世伴你同路去 🎶 編劇 Ryan Sir 的話：
終於寫完成個系列！酒色男女第一話相愛很難相處更難，由2023年嘅10月開始構思動筆，原本預算作為餘港系列嘅稿，之後嘅轉折喺其他編劇的話有提到，不贅，大家不妨由之前第一話開始重溫
https://youtube.com/playlist?list=PLqiNnRz2IP_2nWSd-OTBMxUgxRp4fT7tR&si=ZifnRsFVHTW7pwP9
（乘機賣廣告硬銷宣傳都係我喺港聲你聽被委派嘅工作之一😅）最終話陪着你走三月底完稿。成個系列斷斷續續差不多寫咗半年，記憶中大部份嘅稿都係喺候機室或者飛機上面完成。感謝監製不斷鼓勵／催促／威迫／利誘，如果冇監製好有可能會爛尾，而監製喺開會時嘅一句要search先知邊個係南官夫人, 同夫人拉高咗成個系列嘅年齡平均值, 令我驚覺到原來同花樣年華嘅監製真係有Generation GAP😱。謝謝各組員傾力協助，尤其感謝後製組組員Alan, Gogo, 佳少同師兄同佢嘅口哨（排名按筆畫次序）特別鳴謝佳少喺最終話提供嘅後製方向，由揀背景音樂到精益求精安排補錄，衷心感謝。同樣感謝🙏🏻Alan為第一集相愛很難、相處更難做後製時嘅評語，邊有男人咁渣男㗎? 聽到想打Ryan，多謝Alan，令我對個劇本增添咗唔少信心。 謝謝男女主角Mon姐同Steven嘅傾力演出，參與聲演嘅Gogo, Simon同佳少。又係另一次非常愉快嘅合作體驗。 寫緊酒色男女呢半年，除咗借用身邊朋友嘅遭遇，對於時事新聞MiuMiu 坊、周小姐記者會、十優求婚……..為寫呢個故事提供咗唔少靈感。而故事嘅內容亦有唔少都係自己呢半年嘅經歷，三分泡嘅啤酒，箱根、生蠔場…..感恩有呢啲體驗又可以放到落個故事裏面。
雖然近月聽到嘅新聞都令我感到沮喪，但我相信心存善念，做一個樂觀正直嘅香港人應該係最好嘅選擇。故事結尾Steven嘅預感，Mon姐嘅盼望，希望可以成真。最後多謝大家支持港聲你聽，同聽晒酒色男女七集嘅你哋。
後製 佳少 的話：
感謝 Ryan Sir 對我嘅信任，好多時都會為咗我一啲吹毛求疵嘅想法而改一大爛餐，重要搵埋兩位公子同千金嚟滿足我嘅要求。
能夠透過咁吸引嘅劇情帶出對環保嘅睇法，真係一絶，抵讚。礙於資源同埋某啲不可抗力嘅因素，我哋暫時未能做到好似我個人好喜歡、好值得我哋致敬嘅18樓C座咁緊貼時事，但係如果大家有興趣啲話，不妨留言話畀我哋知，或者有咩題材想聽，我哋都會積極考慮。
現實荒誕比不上劇情真摰，希望大家能夠喺虛構嘅情境裹面搵到一絲歡樂甚或心靈上嘅慰藉。
記得CLSS呀！
聲演演員： Steven - Steven MonMon - Mon 姐
插圖：Alan, Alice
後期製作:佳少 特別嗚謝 "陪著你走" 口哨：大師兄 "不協和音" 鋼琴：Ryan Sir 公子 酒色男女 playlist: https://youtube.com/playlist?list=PLqiNnRz2IP_2nWSd-OTBMxUgxRp4fT7tR&si=ZifnRsFVHTW7pwP9 #最終回 #原創劇本 #女人殺手 #7個獨立嘅故事 #港人港語講故事 #香港人 #香港話 #聲音劇 #港聲你聽 #voxhk