Ég er farin í sumarfrí og við Emilía sendum ykkur kveðju frá Tene, stay strong and healthy og hafðu gaman ❤️❤️

Kapha dosha er uppáhalds fólkið okkar 😍 Hlýjasta og traustasta fólkið er með ríkjandi Kapha. Enn þær þurfa að passa rosalega vel uppá mataræðið og svefninn 🙏

Þessi þáttur er um Pittu doshu sem er eldurinn í okkur.

Öll höfum við allar þrjár Doshur í okkur en oft er ein ríkjandi, þá getur verið gagnlegt að vita af hverju við erum einsog við erum og hvers vegna eitthvað sem hentar vinkonu okkar í mataræði hentar okkur alls ekki.  Skilningur á þessu efni hefur hjálpað mér mikið síðustu 10 árin ég reyni að útskýra þetta á einfaldan og gagnlegan hátt. Hvaða matur getur hjálpað okkur að halda jafnvægi, hvaða matur gæti komið okkur úr ójafnvægi og athafnir.

Í þessum þætti spjöllum við Inga um endurræsingu líkamans. Hvaða leið er best að fara og hvenær væri það góð hugmynd eða er líkaminn kannski bara fullfær um að sjá um þetta sjálfur eða getur verið gott að endurræsa kerfið okkar reglulega.  Ef þú upplifir orkuleysi, svefnvandamál, bjúg, meltingartruflanir, þanin kvið eða ofþyngd þá gæti verið að þú þyrftir að hlusta á þennan þátt. Alltaf í uppáhaldi hjá mér að tala við Ingu um allt mögulegt enda ein sú klárasta og heilsteyptasta kona sem ég þekki í bransanum.    Ofurhelgi Ingu og Gurrý verður 16.-18.maí ef þú vilt vera með okkur. Ofurhelgi 16.-18. maí hægt að skrá sig hér :)   Instagram Ingu Instagram Gurrý   Takk fyrir að hlusta og góðar viðtökur ég kann virkilega að meta það, allar ábendingar um umræðuefni má senda mér á instagram. 

Ingunn Guðbrands er svo ótrúlega skemmtileg og fróð um heilsutengd málefni og hér förum við í hennar sögu og ferðalag í gegnum breytingar í mataræði og hreyfingu. Í dag lyftir hún þungum lóðum, hleypur og hennar fókus í mataræði er að ná inn nóg af próteinum til að næra líkamann en það hefur ekki alltaf verið þannig.  Hún tók stóra U-beygju fyrir rúmum tveimur árum og hefur orkan og árangurinn heldur betur tekið því vel. Fullt af visku og góðum ráðum.   Mjög mjög ánægð með þetta viðtal þó ég segi sjálf frá og vel þess virði að hlusta í ræktinni, göngutúrnum, bílnum eða bara hvar sem er. 

Skilaboð til þeirra sem hafa ekki hreyft sig í einhvern tíma eða eru í vandræðum með mataræðið og eða bæði.  Gef einföld ráð til að byrja vegferðina en oft hindrar það okkur að hefja hana því það er oft sem við höldum að við þurfum að breyta öllu í einu til að ná árangri en það er bara rangt.  tvær venjur sem ætti að vera  auðveldar, en gætu gert kraftaverk eða allavega betri líðan og heilsu. Stuttur þáttur sem þú ættir að hlusta á ef þetta á við þig.  

Það var svo gaman að spjalla við Kristu um upphafið af KristaKetó vinsældunum á instagram þar sem hún deilir með okkur ýmsu um mataræðið en hún er á Carnivore með hennar útfærslu, framkvæmdum heima fyrir og ýmsu öðru.  Ótrúlega hvetjandi hún Krista með einlægri framkomu og það besta er að hún kemur bara dyranna nákvæmlega eins og hún er klædd.  Það er best að hlusta á þáttinn og fá smá innblástur í lífið. 

Í þessum þætti fer ég yfir þrjú hagnýt ráð eða leiðir sem hafa hjálpað mér mikið að líða betur og einfalda líf mitt. Þessi ráð koma frá mínum frábæru yogakennurum og yoganáminu mínu hjá Kristbjörgu Elí.  1: Gera daglegt skipulag, hér erum við að skipuleggja svefn, matmálstima, hreyfinguna og það sem við þurfum að gera á hverjum degi. Skyldur okkar í vinnu og gagnvart fjölskyldu en líka fyrir okkur sjálfar. 2: Ekki taka hlutum eða orðum perónulega án þess að skoða á ég þetta eða er hugurinn minn að rugla í mér núna. Þurfti virkilega að læra þetta og fékk harða kennslu í gegnum td. Biggest Loser og fjölmiðlaumfjöllun í kringum það allt. Góður skóli Takk fyrir það :) 3: Þurfum ekki að hafa skoðanir á öllu eða hlusta á fólk með skoðanir á hlutum sem þau hafa ekki hundvit á. Þvílíkt frelsi að sleppa þessu bara.  

Inga Kristjánsdóttir næringarþerapisti er algjör snillingur í öllu varðandi mataræðið og það sem er best að útskýra á einfaldan og gagnlegan hátt fyrir okkur.  Við ræðum um: Prótein og hvað þau gera fyrir okkur konur. Hvaða prótein eigum við að velja úr mat. Inga útskýrir próteinduft, mismunandi tegundir og hvað ber að varast. Hvað við þurfum mikið af próteinum á dag. Gagnlegt fyrir allar konur sem vilja bæta eigin heilsu og vera meira upplýstar.

Særún Lúðvíksdóttir er ein af mínum uppáhalds konum en hún æfði hjá mér í mörg ár og við kynntumst vel, en hún steig upp og hjálpaði mér á erfiðum tímum í rekstri líkamsræktarstöðvar sem ég rak Yama Heilsurækt og fyrir það verð ég henni alltaf þakklát.  Særún segir okkur frá sjálfri sér sem ung einstæð móðir í Keflavík og Njarðvík með tvo syni, Örlyg Aron Sturluson og Elvar Sturluson. Örlygur var alltaf kallaður Ölli og var vel þekktur íþróttamaður fyrir hans einstöku hæfileika í körfubolta.  Ölli var einungis 18 ára gamall þegar hann lést. Á þessum tíma var Særún með þriggja mánaða gamalt barn. Særún segir okkur frá því hvernig það er að missa barnið sitt og læra lifa með því en hún segir sjálf að það sé lífstíðardómur að missa barn og hún jafni sig aldrei en hafi lært að lifa með sorginni. Árið 2013 stofnaði Særún Minningarsjóð Ölla: Minningarsjóður Ölla - Forsíða en sjóðurinn styrkir börn til íþróttaiðkunar sem eiga ekki kost á því vegna bágrar fjárhagsstöðu foreldra eða aðstandenda. Sjóðurinn heldur minningu Ölla á lofti með kærleika og stuðningi til þessara barna.   

Fórum yfir spurningar frá hlustendum sem voru flestar um dating lífið og samskipti við hitt kynið. 

Dæja vinkona mín er ein skemmtilegasta kona sem ég þekki. Í þessum þætti ræðum við um vináttuna sem styrktist svo mikið þegar við fórum á sama tíma í gegnum skilnað og hvernig við fórum í gegnum þetta og vandamálin sem við þurftum að takast á við.   

Ræddum um bætiefnin, hvað þarf að taka og er nauðsynlegt að taka inn bætiefni.  Það sem við fórum yfir: Þessi fimm frænku: Magnesíum, omega 3, gerla, D-vítamín og fjölvítamín. Bætiefni fyrir streituna: B-vítamín, magnesíum og fleiri Bætiefni fyrir líkamsræktina: Kreatín og Glutamine. Bætiefni fyrir breytingaskeiðið.      

Helga Björk er góð vinkona mín og við spjöllum um að það má skipta um skoðun hvað maður ætlar að verða þegar maður er orðin stór, og ræddum stórt skref sem hún tók þegar hún fór í meðferð á Vogi og eftirmeðferð á Vík.  

Auður Harpa og Gurrý ræða um stefnumóta lífið og hvernig það er að missa mojo-ið sitt og finna það aftur á miðjum aldri.

Inga fræðir okkur á einfaldan hátt um mataræði, hvað við eigum að borða og hvenær en líka hvernig óregla í fæðu hefur áhrif á streitu, líkamsrækt ofl. Fyrsti þátturinn okkar Ingu saman en alls ekki sá síðasti.     

Hér fer ég yfir af hverju ég er að byrja með þetta hlaðvarp, létt kynning og spjall. Mátt endilega senda mér skilaboð ef þú veist um áhugaverðar konur sem væru til að deila með okkur sögum, fræðslu eða öðru sem gæti gagnast okkur öllum. Senda á gurrytorfa@gmail.com