Ása Baldursdóttir, dagskrárstjóri í Bíó Paradís, spáir í Evrópsku kvikmyndaverðlaunin 2022.

Helgi Snær Sigurðsson ræðir við Arnar Eggert Thoroddsen um Verdens veste menneske og Madres paralelas. Varað er við spilliefni, að sagt er frá mörgu sem gerist í myndunum og mælt með því að fólk hafi séð myndirnar áður en hlustað er.

Helgi og Þóroddur ræða við Markús Má Efraím, aðdáanda Guillermo del Toro, um nýjustu kvikmynd leikstjórans, Nightmare Alley.

Bond-aðdáandinn Jón Agnar Ólason ræðir við Helga Snæ Sigurðsson og Þórodd Bjarnason um James Bond í áranna rás og nýju myndina. Varað er við því að kjaftað er frá mörgu um nýjustu myndina, No Time To Die, og þeir sem hafa ekki séð hana ættu því að hlusta að lokinni bíóferð.

Gísli Einarsson, eigandi Nexus, er fróður mjög um Dune, rómaða vísindaskáldsögu Franks Herbert frá árinu 1965 og ræðir við umsjónarmenn um hana og nýja kvikmynd sem byggð er á helmingi bókarinnar, þeirrar fyrstu af nokkrum sem höfundur skrifaði.

Helgi Snær og Þóroddur ræða við leikarann og grínistann Villa Neto um hina skondnu, ofbeldisfullu og blóðugu sumarmynd Suicide Squad.

Rætt er við Marvel-aðdáandann Arnór Inga Hjartarson um nýjustu Marvel-myndina, Black Widow.

Helgi Snær Sigurðsson ræðir við Davíð Má Stefánsson, einn handritshöfunda sjónvarpsþáttanna Kötlu, um þættina, námið við Columbia, handritsskrif og dálæti hans á X-Files.

Helgi Snær Sigurðsson ræðir við Göggu Jónsdóttur, leikstjóra og annan handritshöfunda gamanmyndarinnar Saumaklúbburinn.

Brynja Hjálmsdóttir, kvikmyndafræðingur og rithöfundur og Godzilla- og King Kong-aðdáandi, ræðir við Helga Snæ Sigurðsson um nýjustu kvikmyndina um risaskepnurnar tvær.

Helgi Snær Sigurðsson ræðir við Sigríði Pétursdóttur um frábæra frumraun leikstjórans Emereld Fennell sem hlaut Óskarsverðlaun fyrir besta frumsamda handrit.

Rætt við tónlistarmennina Þóri Georg og Jóhannes Birgisson um plötuna Hvörf - music library 02 sem hefur að geyma tónlist í anda tónlistarsafna fyrir kvikmyndir og sjónvarpsþætti. Einnig rætt um kvikmyndatónlist vítt og breytt og þá m.a. þá sem er í uppáhaldi hjá þeim félögum.

Helgi Snær Sigurðsson ræðir við sjávarlíffræðinginn Eddu Elísabetu Magnúsdóttur um merka heimildarmynd sem fjallar um vináttu manns og kolkrabba.

Rætt við Ásu Baldursdóttur um Þýska kvikmyndadaga 2021 sem hefjsat 12. mars og lýkur 21. mars.

Rætt við Önnu Hildi Hildbrandsdóttur, leikstjóra A Song Called Hate sem segir af þátttöku Hatara í Eurovision.

Helgi Snær Sigurðsson og Gunnar Ragnarsson ræða saman um hina furðulegu grínmynd um vinkonurnar Barb og Star.

Helgi Snær ræðir við handritshöfund og leikstjóra hinnar íslensku Hvernig á að vera klassa drusla, Ólöfu Birnu Torfadóttur.

Helgi Snær ræðir við Sigtrygg Berg Sigmarsson, sérfræðing í gríðarlega undarlegum kvikmyndum.

Helgi Snær Sigurðsson ræðir við Gunnar Ragnarsson kvikmyndagagnrýnanda um nokkrar myndir á dagskrá hátíðarinnar.

Helgi Snær ræðir við Mörtu Sigríði Pétursdóttur um kvikmyndaárið 2020 sem einkenndist af bíóleysi og heimaglápi.