Plattetaufi im 3egg, a wildi Geburtstagsparty uf über 1000 meter im Berneroberland und es Stuck Speck wo s Innere chind füre bringt.

Ich chan sege, endlich wiedermal tüüf. So gern ich au dumm schnorre und seich uselaah. Jetzt isches wiedermal tüüf. Worum, wieso und wege was mach ich den das und wie machis? Egal aber geil wies machsch!

Asado vom Grill isch den allweg schono chli besser gsi als die Französische schnegge vom Burgunderland. Oder öppe doch nöd?

T Jungs händ a dä Synthesizer moduliert und ich han ä neui sauna usprobiert. Trotz äre Wuche am chränkle hämmers fertig bracht glich na chli unterwegs si und unter t lüüt zgah.

Quer vo Schaffhuuse an Walesee go Liecht mache bevor mir ufere lustige Goa landet.

Dä Phlibi! Üsen erste Gast. Fründe sit öppe 12 Jahr und er hät scho so einiges Erlebt. Vo Crazy skater events über katamaran parties uf ibiza. Ä kurzi, lustigi und heissi folg. Gnüsseds!

S Raclette überem füüür wo genau sone härti Sole gsi isch wie Jahre lang min innere Kern. Und jetzt dä Zuegriff und tüüffi ufsmal. Viellicht hes ja au mitem Podcast ztue. Wär weiss. Anelose doh bim Podcast und anelose bi dir.

E lustigi Urintank Nachtaktion, scho wieder en ungspürig luute Nachbar, gfürchigi Velo rentner und ä tüüfs Gspräch über kommunikation zwüschet zwei vertraute Fründe wo sich so nööch sind und trotzden nöd chönd nööch kommuniziere.

In Chletterluune am Gotthard, en hässige Grimselbuur, ä gspürigi Sauna Frau oder ungspürigi Pass Camping Kacker. Die Erst Folg bütet so einiges an überraschige und das ned nur im positive Sinn. Trotzdem hemmer au ziit gfunde zum au na chli tüüf gah und liebi verteile.