Yasawi Podcast-тың жаңа эпизоды жарық көрді! Бұл жолы біз ерекше кейіпкердің оқиғасын назарларыңызға ұсынамыз.
Түркияның Дүзже қаласында туып-өскен Мұхаммедәлі Боз 18 жасында тарихи Отаны Қазақстанға оралып, небәрі бір ай ішінде қазақ тілін үйреніп, шанқобыз аспабын өз бетінше меңгерген.
Бұл эпизодта:
- Мұхаммедәлінің тарихи Отанына оралу туралы шешімі, ата-анасының қарсылығын қалай жеңгені;
- Шанқобыз бен даңғыра сияқты аспаптарды ұстазсыз үйренуі;
- Қожа Ахмет Ясауи университетіндегі студенттік өмірі мен университет оркестріндегі рөлі;
- Тарих пен өнер арқылы өз жолын тапқан жас таланттың оқиғасынан хабардар бола аласыз.
Мұхаммедәлі Боздың бұл оқиғасы өз арманына жетуді көздегендерге шабыт береді. Оның өнерге, тілге және ұлттық мәдениетке деген сүйіспеншілігі кез келген жанның жүрегін тебірентері сөзсіз.