All content for Tifaouine is the property of Hadjer Ben and is served directly from their servers
with no modification, redirects, or rehosting. The podcast is not affiliated with or endorsed by Podjoint in any way.
نهدر بالدارجة الجزائرية على واش نحب خطاكش بيها نخمم .. مرحبا
Cover : a picture taken by Bruno Boudjelal @agenceVu
ليوم راح نحكي على الغجر لي لاطالما اهتممت بيهم من صغري .. ربما كانت بدايتو بفضول بصح من بعد افتتنت بموسيقاهم و ثقافتهم ، ليوم راح نحكي عليهم من خلال افلامهم و غناهم .. راح نتعرفو عليهم من خلال الفن و خاصة سينما و موسيقى طوني غاتليف الهايل !
زعما العثمانيين جاو بنية "المنقذ" ولا كانت ليهم نوايا استعمارية ؟ و كيفاه حتى كارل ماركس جا لدزاير ، و واش عجبو فيها ؟ و زعما الديموقراطية الي لطالما افتخروا الدول بيها هي النظام الامثل ؟
في حلقة ليوم راح نهدر على نظام تسيير الامازيغ .. ثاجماعث ، و على شوي عفايس كذا منا منهيه .
الفن كان سلاح لأصحاب الحق ، بيه يوصلو صوتهم و قضيتهم على جال الرأي العام .. في حلقة اليوم راح نهدرو على فنانين جندّوا الفن نتاعهم لخدمة قضايا التحرر ، و لنصرة الثورة و الثوّار .. للحريّة . و شكر خاص للصديق محمد أمين بن لولو على مشاركتو معايا لمعلومات بزاف ( خاصة في الراب ) يعطيك الصحة 🙏🏼
ليوم و بدون سابق إنذار هزيت التلفون و بديت نسجل في حلقة اليوم مع مامّا . هدرنا خفيف ظريف على تأثير مانديلا و مع اللخر على أخينا لي يبيع لاتاي قدام دارنا.. راح تسمعو بزاف جملة : حبس مخي .. خطاكش صح مخي حبس
ليوم هدرت على عفسة لي لطالما بهرتني و عجبتني .. الفن الإيراني و السينما على وجه الخصوص ، و ما نقدرش نقول السينما الايرانية من غير ما نذكر المخرج الكبير عبّاس كيارستمي . أحمد طارق راح يشرف حلقة اليوم و يعرفنا بدورو على لمحة من تاريخ إيران الحاضر ، و كيفاه تأثرت السينما الايرانية بيها . و يهدرلنا على أفلام حبها لواقعيتها و شاعريتها ♥️ .
الوشام ماكانش فقط رمز من رموز الجمال عند المرأة الامازيغية ، الوشم ذكرى و تاريخ .. الوشم مقاومة و رفض الاستعباد . في حلقة اليوم راح نحكيو حكاية الوشم عند النساء الامازيغيات قديما و علاقتهم بيه في يومنا هذا .
