The Arakan Army (AA) has emerged as a dominant force in western Myanmar, expanding its territorial control and military alliances while keeping its political objectives—whether secession, confederation, or federalism—deliberately unclear.
In this podcast using AI-generated voiceovers, we explore the challenges the AA needs to handle in pursuing its goals and how these constraints can also work as political guardrails.
Since April 2025, KNLA and allied PDFs have seized key military outposts in the Thai-Myanmar border, with the SAC failing to regain control of the Asian Highway. In response, Thailand is leaning toward China’s conflict resolution strategy, focusing on de-escalating conflict through trade and economic incentives.
In this podcast, using AI-generated voiceovers, we delve into five key differences between Thailand and China in influencing Myanmar’s conflict actors.
AA ဟာ ရခိုင်ပြည်ကနေ ဧရာဝတီ၊ မကွေး၊ ပဲခူးအထိ ထိုးစစ်ဆင်နိုင်တဲ့ တခုတည်းသော တိုင်းရင်းသား လက်နက်ကိုင်အဖွဲ့ ဖြစ်ပါတယ်။ AA ရဲ့ နိုင်ငံရေး ပန်းတိုင်ကတော့ မရှင်းလင်းသေးပါဘူး။ ခွဲထွက်ရေး လုပ်မလား၊ ကွန်ဖက်ဒရေးရှင်းလား၊ ဖက်ဒရယ် ဒီမိုကရေစီစနစ်ကို ရည်ရွယ်ထားတာလား စသည်ဖြင့် ဝါးတားတားပဲ ထားပါတယ်။ ရခိုင်ဟာ မျက်တွေ့အရ De Facto ထီးပြိုင်နန်းပြိုင်ပြည်ပုံစံနဲ့ ရပ်တည်နေပေမဲ့ စိန်ခေါ်မှုတွေ ရှိနေတုန်းပါပဲ။
မြန်မာ့မြေပေါ်က တရုတ်အကျိုးစီးပွားနဲ့ မြန်မာ့ပဋိပက္ခဖြေရှင်းရေးတွေနဲ့ပတ်သက်ပြီး ISP-Myanmar က ကောက်ယူခဲ့တဲ့ စစ်တမ်းမှာ ဖြေခဲ့တဲ့ လူကျော်လူမော်တွေရဲ့ အမြင်ကို ချိန်ထိုးကြည့်တဲ့ တင်ပြချက်ကို အပိုင်းသုံးပိုင်းခွဲ ဖော်ပြနေတာပါ။ အခုတတိယပိုင်းမှာတော့ မြန်မာ့အရေး တရုတ်နိုင်ငံရဲ့ ချဉ်းကပ်မှုနဲ့ တရုတ်နည်းတရုတ်ဟန် မြန်မာ့ပဋိပက္ခဖြေရှင်းရေးဆိုတာကို မြန်မာ့လူကျော်လူမော်တွေရဲ့ အမြင်တွေနဲ့ ချိန်ထိုးဆွေးနွေးသွားပါမယ်။
မြန်မာ-တရုတ် နှစ်နိုင်ငံအကြား ဆက်ဆံရေးကို ဘယ်လို သဘောပေါက် ရှုမြင်ကြသလဲဆိုတာ သိရှိနိုင်ဖို့ ‘မြန်မာ့မူဝါဒအသိုက်အဝန်း’ရဲ့ သဘောထားစစ်တမ်းကို ISP-Myanmar အဖွဲ့က ကောက်ယူပြီး ထုတ်ဝေလာခဲ့တာ အခုဆိုရင် သုံးကြိမ်ရှိပါပြီ။ ဒါကို မြန်မာ့လူကျော်လူမော်တို့ရဲ့အမြင်လို့ ခေါ်ဆိုထားတာပါ။ အခုပေါ့ကတ်စ်မှာတော့ မြန်မာနိုင်ငံမှာ ရှိနေတဲ့ တရုတ်အကျိုးစီးပွားတွေက ဘာတွေရှိမလဲဆိုတာကို ရှင်းလင်းတင်ပြသွားမှာ ဖြစ်ပါတယ်။
မြန်မာ-တရုတ် ဆက်ဆံရေးမှာ တရုတ်က မြန်မာကို ‘အမျိုးသားအကျိုးစီးပွား’အရ ဘယ်လို ရှုမြင် သလဲဆိုတာ နားလည်ဖို့ လိုအပ်ပါတယ်။ တဖက်မှာလည်း မြန်မာက ဘယ်လို ‘အမျိုးသား အကျိုးစီးပွား’ အခြေခံနဲ့ တန်ပြန်ဆက်ဆံမှာလဲဆိုတာကိုလည်း စဉ်းစားရမှာ ဖြစ်ပါတယ်။ အခုပေါ့ကတ်စ်မှာ မြန်မာ-တရုတ် ဆက်ဆံရေးရဲ့ လက်ရှိအခြေအနေကို အကျဉ်းချုပ် တင်ဆက်ပေးသွားမှာ ဖြစ်ပါတယ်။
၂၀၂၅ ခုနှစ် ဧပြီလကုန်ကနေ မေလဆန်းအထိ တနင်္သာရီတိုင်းမှာ KNLA တပ်မဟာ-၄ နဲ့ PDF ပူးပေါင်းတပ်တွေက စစ်ကောင်စီရဲ့ ထီးထာဗျူဟာနဲ့ ထီးခီးစခန်းတွေကို သိမ်းပိုက်ခဲ့ပါတယ်။ ကော့ကရိတ်နဲ့ ကြာအင်းဆိပ်ကြီးမြို့နယ်တွေမှာလည်း KNU တပ်မဟာ-၆ လက်အောက်ခံတပ်တွေနဲ့ တိုက်ပွဲတွေ ပြင်းထန်နေပါတယ်။ စစ်ကောင်စီက အာရှလမ်းမကြီးကို ပြန်ထိန်းချုပ်ဖို့ ကြိုးစားနေပေမဲ့ မအောင်မြင်သေးပါဘူး။ ထိုင်းနိုင်ငံကတော့ မြန်မာ့ပဋိပက္ခကို ဖြေရှင်းဖို့ စိတ်ဝင်စားပြီး အာရှလမ်းမကြီး ပြန်ဖွင့်ဖို့နဲ့ ငြိမ်းချမ်းရေး ရရှိဖို့အတွက် ကြားဝင်ဆောင်ရွက်နေပါတယ်။ ထိုင်းနိုင်ငံအနေနဲ့ ရှမ်းမြောက်မှာ တရုတ်နိုင်ငံရဲ့ ချဉ်းကပ်ပုံဖြစ်တဲ့ ကုန်သွယ်ရေးနဲ့ စီးပွားရေးမက်လုံးအပေါ် အခြေခံပြီး ပဋိပက္ခလျှော့ချရေး မိုဒယ်ကို လိုက်ပြီး ကျင့်သုံးဖို့ဆိုတာမှာ အခြေအနေ မတူတာတွေ ရှိနေပါတယ်။ ဒါပေမဲ့ ဒီကွာဟချက်တွေကို အခြေခံပြီး ကာလံဒေသံနဲ့ ကိုက်ညီမယ့် မဟာဗျူဟာ ဖန်တီးနိုင်မယ်ဆိုရင်တော့ ရလဒ်ကောင်းတွေ ထွက်ပေါ်နိုင်ပါတယ်။
မြန်မာနိုင်ငံမှာ ညစ်ညမ်းရုပ်သံဟာ တရားမဝင်ပေမဲ့ အင်တာနက်ပေါ်မှာ အလွယ်တကူရနိုင်ပါတယ်။ အာဏာသိမ်းမှုနောက်ပိုင်း ဆင်းရဲမှုကို အလွန်အမင်းချဲ့ကားပြီး သနားညှာတာစိတ်ကို ဖမ်းယူတဲ့ “poverty porn” လို့ ခေါ်နိုင်တဲ့ ရုပ်သံတွေ လူမှုကွန်ရက်မှာ ပေါ်ထွက်လာပါတယ်။ ဒီညစ်ညမ်းရုပ်သံတွေဟာ လိင်ကိစ္စမပါဘဲ လူသားဆန်မှုကို အာသာဖြေဖို့ ဆင်းရဲသားတွေရဲ့ ဘဝကို အသုံးချပြီး အလှူငွေရှာလာကြပါတယ်။ “Poverty porn” ပျံ့နှံ့လာတဲ့ အကြောင်းအရင်းနဲ့ ပတ်သက်ပြီး အခု Podcast မှာ နားဆင်ကြရမှာ ဖြစ်ပါတယ်။
အာဏာသိမ်းမှုနောက်ပိုင်း စစ်ကောင်စီကို ပြန်မတိုက်ဘဲ စောင့်ကြည့်နေခဲ့ကြတဲ့ တိုင်းရင်းသားလက်နက်ကိုင်အဖွဲ့ တွေထဲမှာ ကယန်းပြည်သစ်ပါတီလည်း ပါပါတယ်။ အဲဒီလို အဖွဲ့တွေကို free rider လို့ခေါ်ပါတယ်။ ကယန်းပြည်သစ်ပါတီဟာ ပြောင်းလဲလွယ်တဲ့ စစ်ရေးရပ်တည်ချက်ကို ထိန်းသိမ်းတာ၊ ကယန်းလူမျိုးရေးအခြေခံတဲ့ ဇာတ်ကြောင်းကို အရှိန်မြှင့်တင်တာ၊ တော်လှန်လူငယ်တွေကို တဆင့်ခံသဘော ကြီးကြပ်ပေးတာ ပါတီရဲ့ နိုင်ငံရေးလိုအပ်ချက်ပေါ်မူတည်ပြီး ပါဝင်ပတ်သက်ရေးနဲ့ ကြားနေရေးနှစ်မျိုးလုံးကို လက်ကိုင်ထားပါတယ်။ ဒါပေမဲ့ ကယန်းပြည်သစ်ပါတီဟာ စစ်ရေးပျက်ကွက်မှုကြောင့် သြဇာကျဆင်းလာပါတယ်။ သူ့ရဲ့ညှိနှိုင်းရေးအင်အားဟာ ဘယ်ပုံဘယ်နည်းနဲ့ ဆက်ရှိမလဲ ဆိုတာနဲ့ ပတ်သက်ပြီး သုံးသပ်ချက်ကို အခု Podcast မှာ နားဆင်ကြရမှာ ဖြစ်ပါတယ်။
The China-brokered Lashio Model, which allowed the SAC to retake Lashio while the MNDAA held surrounding areas, marks a shift toward “subcontracting sovereignty” through externally mediated ceasefires. It risks deepening Myanmar’s fragmentation and weakening statehood.
In this podcast generated by AI, we unpack what the Lashio Model reveals about shifting power dynamics, contested sovereignty, and the urgent need for political guardrails.
တရုတ်နိုင်ငံရဲ့ ကြားဝင်မှုကြောင့် MNDAA အနေနဲ့ လားရှိုးမြို့ကို စစ်ကောင်စီလက်ထဲ ပြန်အပ်ခဲ့ရ ပါတယ်။ စစ်ကောင်စီဟာ သူ့ရဲ့ အားနည်းချက်ဖြစ်တဲ့ တိုင်းပြည်ကျရှုံးနိုင်ငံဖြစ်ပြီး ပြိုကွဲနိုင်ခြေကို လက်နက်သဖွယ်အသုံးချပြီး ဗဟိုမပြိုလဲရေးအတွက် တရုတ်နိုင်ငံကို ပြန်လည်ကျားကန်ခိုင်းတဲ့ နည်းလမ်းတခုလို့ ရှုမြင်နိုင် ပါတယ်။ အခု လားရှိုးမိုဒယ်က အောင်မြင်လာရင် အလားတူ ဆင်တူယိုးမှား မိုဒယ်တွေ၊ ဥပမာ- TNLA ထိန်းချုပ်ထားတဲ့မြို့တွေ၊ ဒါမှမဟုတ် မြန်မာ-ထိုင်းနယ်စပ်နဲ့ မြန်မာ-အိန္ဒိယနယ်စပ်က မြို့တွေမှာရော ပေါ်လာ နိုင်မလား ဆိုတာကို သုံးသပ်စရာ ဖြစ်လာပါတယ်။ မြန်မာ့ပဋိပက္ခဖြေရှင်းရေး တရုတ်နိုင်ငံရဲ့ လုပ်ငန်းစဉ်ဟာ မြန်မာပြည်သူလူထုဆန္ဒရဲ့ အထိန်းအထေ၊ ပါဝင်သင့်သူတွေ ပါဝင်ဖို့ လိုအပ်တဲ့အထိန်းအထေနဲ့ နိုင်ငံတကာက လက်ခံထားတဲ့ မူဘောင်တွေရဲ့အထိန်းအထေနဲ့တူတဲ့ ‘ကရွတ်ခွေ’ လိုအပ်နေတာ သတိပြုရပါမယ်။
The March 28 Sagaing Earthquake brought severe destruction to central Myanmar and prompted swift international aid and temporary ceasefires. While it offers a rare opening for “earthquake diplomacy,” structural weaknesses and ongoing conflict cast doubt on lasting peace.
In this On Point, we examine whether the Sagaing Earthquake could become a turning point for Myanmar—or if it will be another crisis lost to politics and missed opportunities.
တော်လှန်ရေးကာလမှာ ရန်ပုံငွေရှာဖွေပေးနိုင်တဲ့ အင်အားကြောင့် နိုင်ငံရေးအရ ပြောရေးဆိုခွင့်ရှိသူဆန်ဆန်၊ ခေါင်းဆောင်ဆန်ဆန် ပြောခွင့်အနေအထားတွေရသွားတာကလည်း စိုးရိမ်ဖွယ်ပါ။ လွန်ခဲ့တဲ့ နှစ်အနည်းငယ်က တော်လှန်ရေးအစိုးရ ဝန်ကြီးဆိုသူကပါ တော်လှန်ရေးဆယ်လီ ရန်ပုံငွေရှာဖွေသူတဦးကို ပြန်လည်တောင်းပန်ရတဲ့အထိ ဆယ်လီအရှိန်အဝါက ကြီးလာခဲ့ပါတယ်။ ဆယ်လီတွေ နိုင်ငံရေးအရပြောဆိုလာတဲ့ကိစ္စတွေ နိုင်ငံရေးသမားတွေကို ပုဂ္ဂိုလ်ရေးကိုးကွယ်မှုပေါ် အခြေခံပြီး ဆယ်လီပုံသွင်းတာတွေနဲ့ ပတ်သက်ပြီး အခု Podcast မှာ နားဆင်ကြရမှာ ဖြစ်ပါတယ်။
မြန်မာနိုင်ငံနဲ့ တရုတ်အကျိုးစီးပွားလို့ ပြောကြတိုင်း ပထဝီနိုင်ငံရေးသြဇာချဲ့ထွင်တာ၊ အခြေခံအဆောက်အအုံတွေ၊ စီမံကိန်းကြီးတွေ၊ စီးပွားရေးစင်္ကြံကြီးတွေကို ပြေးမြင်ကြပါတယ်။ ပဋိပက္ခမီးတွေနဲ့အတူ ပိုပြီးကျယ်ပြန့်လာတဲ့ သယံဇာတတူးဖော်မှုတွေ ဥပမာ-မြေရှားတူးဖော်မှုလို ကိစ္စတွေကို မေ့ထားလို့မရပါဘူး။ တရုတ်နိုင်ငံအတွက် မြန်မာ့မြေရှားအရေးပါမှုနဲ့ မြေရှားတူးဖော်မှုတွေကြောင့် မျက်ကွယ်အခြေအနေတွေမှာ ဒေသခံတွေ ဘယ်လိုဒုက္ခရောက်နေကြရသလဲဆိုတာနဲ့ ဒေသခံတွေ လိုချင်တဲ့၊ လုပ်ချင်တဲ့ အရာတွေကဘာတွေလဲဆိုတာကို အခု Podcast မှာ နားဆင်ကြရပါမယ်။
‘စိမ်းလန်းစွမ်းအင်’ ကဏ္ဍ အကူးအပြောင်းဖြစ်စဥ်မှာ အရေးကြီးတဲ့ ဓာတ်သတ္တုတချို့ရှိနေပြီး မြန်မာနိုင်ငံဟာလည်း အဲဒီအရေးကြီးဓာတ်သတ္တုတွေအတွက် ဗဟိုချက်မကျတဲ့ အခန်းကဏ္ဍက ပါဝင်ပတ်သက်နေပါတယ်။ မြေရှားသတ္တုဟာ ကမ္ဘာ့အင်အားကြီးနိုင်ငံတွေအတွက် မရှိမဖြစ်ပါ။ အဲဒီ မြေရှားသတ္တုတွေကို ပဋိပက္ခဖြစ်ပွားရာ မြန်မာနိုင်ငံမြောက်ပိုင်းဒေသတွေမှာ တရုတ်နိုင်ငံရဲ့ ပါဝင်ပတ်သက်မှုနဲ့ ထုတ်လုပ်နေကြပါတယ်။ မြေရှားတူးဖော်မှုတွေကြောင့် မျက်ကွယ်မှာ ဒေသခံတွေ ဘယ်လိုကြုံတွေ့နေကြသလဲ၊ ဒေသခံတွေ ဘာလိုချင်ကြသလဲဆိုတာနဲ့ပတ်သက်ပြီး အခု podcast မှာ နားဆင်ကြရမှာ ဖြစ်ပါတယ်။
‘မတ် ၂၈ စစ်ကိုင်းငလျင်ကြီး’ဟာ မြန်မာ့လူ့အဖွဲ့အစည်းမှာ ကြုံရတဲ့ အကြီးမားဆုံးသော အကျပ်အတည်း သိမ့်ခါမှုတခု ဖြစ်နိုင်ဖွယ်ရှိပါတယ်။ ငလျင်ဘေးနဲ့ ကယ်ဆယ်ကူညီရေးတွေမှာ သိပ္ပံပညာရပ်နဲ့ လူသားချင်းစာနာမှု အကူအညီပေးရေးဆိုင်ရာ ကျွမ်းကျင်တဲ့ သက်ဆိုင်ရာပညာရှင်တွေ၊ လက်တွေ့ဆောင်ရွက်နေသူတွေရဲ့ ထုတ်ဖော်ပြော ဆိုမှုတွေကို အလေးအနက် နားထောင်ရမှာဖြစ်ပါတယ်။ ISP-Myanmar အနေနဲ့ကတော့ အရေးပေါ်ကယ်ဆယ်ရေးအဆင့်ပြီးသွားရင် ကြုံရဖွယ်ရှိတဲ့ နောက်ဆက်တွဲ နိုင်ငံရေးငလျင်တွေ (political aftershocks) အကြောင်း ဖြစ်တန်ခြေကို အကဲဖြတ်လိုပါတယ်။ ဒီအကဲဖြတ်ချက်တွေကို အခု Podcast မှာ နားဆင်ကြရမှာ ဖြစ်ပါတယ်။
စစ်အာဏာသိမ်းကာလ လေးနှစ်အတွင်းမှာ စီးပွားရေးကကျပ်၊ နိုင်ငံရေးကခက်တဲ့အပြင် သဘာဝကပ်ဘေးကပါ ထပ်ဆင့်နေပါတယ်။ ဒီလို အဘက်ဘက်က ထိုးနှက်ချက်တွေကို ဘုံချကြည့်ရင် အမျိုးသမီးတွေရဲ့ကျောမှာ အများဆုံးသွားတွေ့ရပါတယ်။ အတွင်းကျကျဆန်းစစ်ကြည့်ရင် အပေါ်ယံအံကျိတ်ထားတဲ့၊ ပါးကွက်ကြား၊ မိတ်ကပ်တွေနဲ့ ဟန်လုပ်ပြုံးနေတဲ့ မျက်နှာဖုံးတွေအောက်မှာ အမျိုးသမီးတွေရဲ့ဘဝဟာ တလွှာပြီးတလွှာ၊ တချက်ပြီးတချက် အမွှန်းခံထားရတာကို တွေ့ရပါတယ်။ အမျိုးသမီးတွေရဲ့ဘဝဟာ ဘာတွေထူးပြီး ခက်ခဲနေသလဲ။ ISP-Myanmar ရဲ့ သုတေသနကွန်ရက်က လေ့လာနေတဲ့ လူမှုစီးပွားလေ့လာတွေ့ရှိချက်တွေအပြင် ပြည်တွင်းနေ အမျိုးသမီးထုဆီက သိလာရတဲ့ လက်ငင်းအခြေအနေတွေကို အခု Podcast မှာ နားဆင်ကြရမှာ ဖြစ်ပါတယ်။
စစ်ရေးပဋိပက္ခ အရှိန်တက်နေတဲ့ ကျမတို့လို နိုင်ငံမှာဆိုရင် အမျိုးသမီးတွေအနေနဲ့ စစ်ဘေးကတမျိုး၊ ရာသီဥတုဘေးကတဖုံ၊ စားဝတ်နေရေး အခက်အခဲမျိုးစုံနဲ့ ရုန်းကန်နေကြတာပါ။ ကုန်ထုတ်လုပ်မှုစွမ်းအား လျော့နည်းနေချိန်၊ စစ်ရေးပဋိပက္ခ အရှိန်တက်နေချိန်၊ အဘက်ဘက်က စိန်ခေါ်မှုတွေနဲ့ ရင်ဆိုင်နေရတဲ့အချိန်မှာ အမျိုးသမီးတွေရဲ့ဘဝဖွံ့ဖြိုးတိုးတက်မှုက လက်တွေ့မှာတော့ ချန်ရစ်ခံရတတ်ပါတယ်။ ၂၀၂၁ ခုနှစ် စစ်အာဏာသိမ်းမှုအလွန်ကာလမှာ ဘယ်လိုဘယ်ပုံ ပိုကျပ်တည်းနေကြရသလဲဆိုတာ အခု Podcast မှာ နားဆင်ကြရမှာ ဖြစ်ပါတယ်။
မြန်မာ-တရုတ် နယ်စပ်မှာရှိနေတဲ့ တိုင်းရင်းသားလက်နက်ကိုင်တွေအပေါ်မှာ တရုတ်နိုင်ငံရဲ့ ပိတ်ဆို့မှုနောက်ကွယ်က ရည်ရွယ်ချက်၊ တွန်းအားတွေနဲ့ သက်ရောက်မှုတွေကို အပိုင်းသုံးပိုင်းခွဲပြီး အခု Podcast မှာ ဆွေးနွေးသွာမှာ ဖြစ်ပါတယ်။ ပထမအချက်က တရုတ်နိုင်ငံအနေနဲ့ မြန်မာ-တရုတ်နယ်စပ်က တိုင်းရင်းသားလက်နက်ကိုင်တွေပေါ်မှာ ချမှတ်တဲ့ တရုတ်နည်းတရုတ်ဟန် ပိတ်ဆို့မှု အကြောင်းဖြစ်ပါတယ်။ ဒုတိယအချက်ကတော့ တရုတ်အစိုးရရဲ့ ပိတ်ဆို့မှုဆန်ရှင်ဟာ အရင်းအနှီးနဲ့ စွန့်စားရမှု ကြီးမားတယ်ဆိုတဲ့အချက်ပါ။ တတိယတချက်ကတော့ တရုတ်နိုင်ငံရဲ့ ဆန်ရှင်ပိတ်ဆို့မှုဖိအားတွေကို တိုင်းရင်းသား လက်နက်ကိုင်တွေက ဘယ်လိုတုံ့ပြန်နေသလဲဆိုတာ ဖြစ်ပါတယ်။
၂၀၂၄ ခုနှစ် အောက်တိုဘာ ၁၈ ရက်ကစပြီး မြန်မာ-တရုတ် နယ်စပ်ဂိတ်တွေထဲက ၁၄ ခုထက်မနည်းကို တရုတ်အစိုးရက ကာလအကန့်အသတ်မရှိ ပိတ်ခဲ့ပါတယ်။ စစ်ကောင်စီကို တိုက်ခိုက်နေတဲ့ မြောက်ပိုင်းမဟာမိတ် တိုင်းရင်းသားလက်နက်ကိုင်အဖွဲ့ (EAOs) တွေကို ဖိအားပေးဖို့ ရည်ရွယ်တာလို့ ယူဆနိုင်ပါတယ်။ ဒီလိုပိတ်လိုက်တာကြောင့် တရုတ်နိုင်ငံကနေ မြန်မာဘက်ကို တင်ပို့နေတဲ့ ကုန်စည်တွေအတွက် အခက်ဖြစ်စေပြီး ပြည်သူတွေကိုပါ သက်ရောက်မှု ကြီးခဲ့ပါတယ်။ တရုတ်နည်းတရုတ်ဟန်နဲ့ ဆောင်ရွက်လာတဲ့ ပိတ်ဆို့ဒဏ်ခတ်မှုတွေက ဘယ်လိုသဘောဆောင်ပါသလဲ၊ မြန်မာ-တရုတ် နယ်စပ်ကုန်သွယ်ရေး ဘယ်လိုဆက်ရှိနိုင်ပါသလဲ စတဲ့အချက်တွေကို အခု podcast မှာ နားဆင်ကြရမှာ ဖြစ်ပါတယ်။
