Karsten Warholm treng eigentleg inga nærare introduksjon. Han er truleg den mest kjende sunnmøringen sidan Gange-Rolv. I denne episoden fortel Karsten om oppveksten på Sunnmøre, og korleis grunnverdiane han tok med seg derfrå har lagt grunnlaget for karrieren hans. Han deler historier om menneska og miljøa som har inspirert han, og peikar særleg på kor avgjerande laget rundt han har vore, med mor- Kristine og trenar- Leif Olav i spissen. Karsten reflekterer òg klokt over framtida, både si eiga og samfunnet rundt. Han understrekar kor viktig det er å tole motgang, og å kunne springe i motvind. Merittlista talar for seg sjølv: 1 OL-gull, 3 VM-gull og 3 EM-gull. I tillegg har han verdsrekorden på 400 meter hekk, med tida 45,94.