I denne episoden får du møte Gunvald Ottesen og Runa Våge Krukhaug, to sentrale personar bak Bømlo Teater si storsatsing The Sound of Music – for aller første gong på nynorsk og på utescene i majestetiske Moster Amfi.
Me snakkar om strekk og sveitte, myggar (altså mikrofonar – ikkje insekt), oversetjingar som både må høyrest fine ut og vere gode å synge, og kvifor Edelweiss fekk gamle karar til å bryta ut i mannskor på aldersheimen.
Me får høyre om kvifor det å bygge scenografi i Amfiet er som å bygge eit hus (som straks skal rivast), og kvifor det faktisk kan vere heilt greitt.
Og kvifor åtteåringar som står timevis i solsteiken, får Gunvald til å skjerpa seg.
Her blir det smil, inspirasjon og ekte teatermagi – ispedd litt matematisk forvirring om kor gamal filmen eigentleg er...
Dette er episoden for deg som:
elskar musikal
lurer på kva «strekk» betyr i teaterverda
og som kanskje (bittelitt) vurderer å bli frivillig neste gong Bømlo Teater ropar ut!
Sponsor: Finnås Kraftlag
Finnås Kraftlag er eit allmennyttig samvirke, eigd av medlemmene sine.
Målet er å fremja interessene til innbyggjarane og verksemdene i konsesjonsområdet.
Dette gjer dei ved å driva med produksjon, distribusjon og sal av energi, tilby breibandstenester gjennom attraktive produkt frå Altibox, og ved å dela ut gåver til allmennyttige tiltak i lokalsamfunnet.
Medlemmene får også kjøpsutbytte basert på samhandel med selskapa i konsernet.
Finnås Kraftlag er ein lokal aktør som er genuint oppteken av utvikling og trivsel i nærmiljøet til kundane sine.
Ein stor takk til Finnås Kraftlag for at dei sponsar denne episoden!