Di vê xelekê da Mamoste Hudaî bi mektûbekê ser dersên zimanê Çerkezên li Tirkîyê detayan dide. Foto: Wikimeida
Di vê xelekê da bi kevirên kuştinê mektûba Mekiya Baran Erden heye. Fotografa li qapaxê: Mekiya Baran Erden
Metnên Perxudres Podcast li ser vê lînkê ne, tu dikarî ji vir bixwînî.
Di vê xelekê da bi guleka di rengê hîvê da mektûba Guhdar Hemîd heye. Resim: Gao Qipei
Metnên Perxudres Podcast li ser vê lînkê ne, tu dikarî ji vir bixwînî.
Adresa mektûban: omerfarukbaran@hotmail.com
Di vê xelekê da Edîtorê Perxudres Podcastê Omer Faruk Baran digere û li xwe digere.
Metnên Perxudres Podcast li ser vê lînkê ne, tu dikarî ji vir bixwînî.
Di vê xelekê da bi gazincên ji înternetê mektûbeka Zinarê Xamo û cewaba Omer Faruk Baran heye. Fotografa li qapaxê: Zinarê Xamo li Stockholmê hêlehêl e, bi banka xwe ra şer dike.
Metnên Perxudres Podcast li ser vê lînkê ne, tu dikarî ji vir bixwînî.
Adresa mektûban: omerfarukbaran@hotmail.com
Di vê xelekê da di ser pirs û meraqan ra mektûba Guhdar LZ. cewaba Omer Faruk Baran heye. Resim: Gerrit van Vucht
Metnên Perxudres Podcast li ser vê lînkê ne, tu dikarî ji vir bixwînî.
Di vê xelekê da Simko Gerok ji Meksîkoyê mektûbekê dişîne. Fotografa li qapaxê Simko Gerok kişandiye.
Metnên Perxudres Podcast li ser vê lînkê ne, tu dikarî ji vir bixwînî.
Seba mektûban e-mail: omerfarukbaran@hotmail.com
Di vê xelekê da mektûba Mamoste Hudaî heye. Resim: Claude Monet
Metnên Perxudres Podcast li ser vê lînkê ne, tu dikarî ji vir bixwînî.
Seba mektûban e-mail: omerfarukbaran@hotmail.com
Di vê xelekê da di ser şiîreka Qedrî Sipranî ra bi dilekî şikestî dîndar, sekuler û sosyalîst hene.
Metnên Perxudres Podcast li ser vê lînkê ne, tu dikarî ji vir bixwînî.
E-mail: omerfarukbaran@hotmail.com
#kürtçepodcast #kurdishpodcast
Di vê xelekê da di ser ribabê Reşît re minaqeşeyen ser mitribî û eşîrîyê hene. Fotografa li qapaxê ji arşîva Şerefxan Cizîrî ye.
Metnên Perxudres Podcast li ser vê lînkê ne, tu dikarî ji vir bixwînî.
*Qeydên dengê Reşît yên di vê xelekê da ji YouTubeê ji arşîva Berakat Özmen hatine girtin.
**Ji ekîba dildar ya Perxudres Podcastê, Mihemed Baqî Kurun jî deng daye vê xelekê.
***E-mail: omerfarukbaran@hotmail.com
Di vê xelekê da ser destekên ji Patreonê çend gotin hene: Resim: Claude Monet
Metnên Perxudres Podcast li ser vê lînkê ne, tu dikarî ji vir bixwînî.
E-mail: omerfarukbaran@hotmail.com
#kürtçepodcast #kurdishpodcast
Di vê xelekê da mektûba Guhdar D. heye. Fotografa li qapaxê Guhdar D.
Metnên Perxudres Podcast li ser vê lînkê ne, tu dikarî ji vir bixwînî.
E-mail: omerfarukbaran@hotmail.com
#kürtçepodcast #kurdishpodcast
Di vê xelekê de kêfxweşîyek heye. Resim: Vincent van Gogh
Metnên Perxudres Podcast li ser vê lînkê ne, tu dikarî ji vir bixwînî.
E-mail: omerfarukbaran@hotmail.com
#kürtçepodcast #kurdishpodcast
Di vê xelekê da bi kitaba Plandanîna Zimanê Kurdî ya Zülküf Ergün yek du tecrûbeyên şexsî hene.
Metnên Perxudres Podcast li ser vê lînkê ne, tu dikarî ji vir bixwînî.
Di vê xelekê da ser Kurmancbûn û Zazabûnê nivîseka bi maske, di ser merasîma çekşewitandinê ya PKKê ra çend gotin, bi şiîrên Melê Kurd û Jan Dost etîmolojîya îsota Urfaliyan û kitaba senaryoya Bîraxane ya Bilal Korkut û silav bo destekçiyên ji Diyarbekir û Batmanê heye.
Metnên Perxudres Podcast li ser vê lînkê ne, tu dikarî ji vir bixwînî.
*Ji ekîba dildar ya Perxudres Podcastê, Mihemed Baqî Kurun jî deng daye vê xelekê.
Di vê xelekê da mektûba Guhdar O. heye. Fotografa li qapaxê Guhdar O kişandiye.
00:20 - 01:36 Ronakpak
01:42 - 03:44 Meyroyê Girê Sîra
04:00 - 05:45 Tirsa Spotifyê
05:50 - 07:00 Şiîrên Umer Barasi
***
Resima li qapaxê: Vincent van Gogh - Natureza Morta, Wikimedia.
Çend hefte ne li vê dinyaya derewîn bi nexweşî û bi derzî û derman, parîyekî perîşan çerx dibim, lê min teberik û teselî, di çenteyê min da şiîrên Xidirê Başî hene.
Xidirê Başî, ew şair û sazbendê bi navê Hıdır Çelik jî tê naskirin, di şiîrên xwe da bi Zazakîyeka zehf zelal hal û hikayeta xwe gotiye.
Wî dilşewitîyê ji hêla Mûşê, 2006an, 17 salan berî wefat bike sala 2023yan, di şiîrekê da helalî ji sazê xwe xwestiye û xwestiye ew wî bîr neke.
ez mireno ti manena
mi xo vîra meke sazê mi
ti halê mi rind zanena
mi xo vîra meke sazê mi
…
vengê xo mi rê zelal ke
roja Xidirî delal ke
heqê xo mi rê helal ke
mi xo vîra meke sazê mi
Omer Faruk Baran
Jibo malumatên zêdetir:
Gula Xizirî - Xidirê Başî, Weşanxaneyê Vateyî - 2012
Dîwan - Xidir Baş, PİYA Yapım - 2021
***
***
25ê Hezîranê 2025: Îro bi royekê saleka din qut dikim ji heyata xwe, saleka din mezin dibim.
Bi vê qutkirinê û bi vê mezinbûnê ra nola ku nû ferq dikim saeta di destê xwe de; saeta min ji sehafekî kirîbû.
Çend deqeyan carê li saetê dinêrim, lê dinêrim û kûr-kûr difikirim.
Ji xwe re dibêjim wexta ez î zar bûm zeman zûbizû derbaz nedibû, lê va çito ro bûn hefte, hefte bûn meh, meh bûn mewsim û mewsim bûn sal û qulibîn û va çito heyat û hikayet derbaz bûn û çûn; çûn û çend xatira tenê jê man, eynî nola wê strana Teoman.
Dîsa vedigerim li saeta di destê xwe da dinêrim, saeta di saetê de, deqîqeya di saetê de û sanîyeya di saetê de.
Hema qirareka xwe didim û di germê de, vê germa Diyarbekir disincirîne, radibim ji Ofîsê berê xwe didim Sûrê.
Çerx dibim, doş dibim, dimeşim, darim dikevim dikana Saatçi Celal.
Merhebayeka efendî li Saatçi Celal didim, saeta xwe sivik û çapik ji destê xwe derdixim û bi dengekî hinekî fedî dike bêmehne, dibêjim: ‘’Iiiii, saeta min, vê saetê, ez dixwazim saet û deqîqe têda tune be, tenê sanîye bira hebe..’’
Osteyê di ser îş û karê xwe ra saet bi saet sal li dû xwe hiştine çavekî li saetê dixîne û hema ‘’temam’’ dibêje berê, dûra heqê çêkirinê dibêje.
Ez jî qebûl dikim, seba tenê bi sanîye be saeta min ew çi bêje qebûl dikim zati: Dibêjim ‘’temam’’ û Saetçi Celal dest bi çêkirina saeta min ya tenê bi sanîye dike.
Çoçikên hesinî yên saet û deqîqeyan, bi Tirkî akrep û yelkovan, ji saetê derdixe, dixe kîsekî biçûk, sanîyeya saetê kontrol dike û dibêje ‘’Temam e, eger, eger tu poşman bibî, dûra, tuyê van dîsa bi saeta xwe xînî..’’
Saeta xwe ya bi tenê sanîye dikim destê xwe, kîsikê radikim, heqê Saatçi Celal didimê, teşekur dikim û derdikevim ji wê dikan-mekana çûk, mîstîk û mekanîk.
Li saeta di destê xwe de dinêrim, ne poşman im, sanîyeyên siwar û her di hereketê de kêfekê didin min, ne poşman im, dikenim, ne poşman im.
Saleka nû ya di heyata min de, îşekî min î sabît tûne, mal û dûzeneka min tune, debara min tune, bê sermîyan û bê sîgorta me.
Bes sax im û saet di destê min de, bê saet û bê deqîqe, sanîye bi sanîye li heyatê me, li pey vê hikayetê me.
Kultûr, sanat û edebîyat; şa û şên im, kêfweş im, min hene ser wan çend malûmat; hem ma ka, ma ka kê çi bi xwe re bir tirbê malmîrat, ne poşman im.
Omer Faruk Baran
Fotografa li qapaxê: Saatçi Celal û di eynikê de ewî bi telefon, Omer Faruk Baran, Diyarbekir - Hezîran 2025
Guhdarên delal, îro 22yê Gulana 2025an e û Perxudres Podcast jiber şertên heyatê, jiber desttengî û nebûna pereyan weşana xwe ya perîyodîk disekinîne.
Adara 2025an piştî ez jî nola gelek hevalên xwe yên medyakar bi fermana Serokê Amerîka Donald Trump ji îş hatim derxistin, ez dîrekt, tavilê berê bo Perxudres Podcastê ketim xeman.
Çinku min bi pereyên ji karên min yên din yên medyayê diketin destên min Perxudres Podcast li ser nigan disekinand û dimeşand.
Bi halê xwe yê parîyekî sofî parîyekî serserî, ti carî ne pereperest ez razî me ji heyata xwe, lê karên medyayê bi vê razîbûnê nameşin. Loma ez li heyatê me, sax im, lê weşana perîyodîk ya Perxudres Podcastê mir.
Berê bo budçeya Perxudres Podcastê çêbe min kovar û kitab û postkart firotin, nebû, min ji Patreonê banga destekê kir, lê ew jî nebû, destekeke hindik çêbû, tiştek neket ser hev.
Ji Patreonê, ji Mêrdîn, Riha û Diyarbekirê 4 kesên pir hêja bi qasî hikmê xwe destek dan. Jibo canikî û camêrîya wan pir û pir spas dikim, ezê ji wan her yekî re hedîyekê bişînim. Mala wan ava.
Yek li sirgûnîyê yek li tercûmanîyê du kekên min destek dan, binbar bûm, kêfxweş bûm. Çêyîya wan bîr nakim û ro were ezê li wan vegerim.
Dîsa gerokekî va çend hefte ne li Latîn Amerîkayê çerx dibe û vê saetê vê gavê li Meksîko ye xwe gihand hawara min ku spasîyek jî, yeka pir spas, bo wî.
Şeva berê ez li cemaeteke dostan bûm: Camêrekî bi dilsozîya xwe, bi dilê şewitî, mealen, got, tu bi salan e bi israr li dora Kurdî karan dikî, ka te çi da ser hev..
Zanim, bi tecrûbeyên pir berbad pir xerab zanim vî zemanî sermayeya entelektuel bi qasî pûl û pereyan ne bi qîmet e. Kes êdî nabêje kane û zane ye, dibêjin, ka wî hene çend erebe û ka wî çend xane ye.
Weşana perîyodîk dilşikestî disekinînim. Hem zati me kiriye xuset e, em ji saxan ne, ji miriyan hez dikin. Bang û hawara Perxudres Podcastê jî piştî vê mirina wê, wê were bihîstin. Vê gavê, vê gavê bi xatirê we guhdarên delal.
Omer Faruk Baran - Gulan 2025, Riha.
