De Carlo und de Ädu vo Deafsight hend üs bsuecht und mit üs übere ihri neui Musik, Zuekunftsplän, Background Story und vieles meh verzählt. De Ädu kennsch villicht vo A Small District und de Carlo isch de ehemalige Sänger und Gründigsmitglied vo Breakdown Of Sanity.

Die ersti Single vo Deafsight "Never Erase" chasch etzt überall lose wo du Musig lose chasch!

Bruder Dammis isch zBesuech gsi und het mit eus über Memes, Internet Culture, Minecraft, Youtube Rabbitholes, Musik und über einiges mehr diskutiert. Ricky het mega Freud a die neui Kamera und hofft Ihr hend au Freud :)

Hüt simmer zBesuech im Proberuum vo de Internationale Wacken Metal Battle Sieger Band, Expellow!

Ihr kenned Mik und Nici bereits vo Metal Cervelat Folg #36 wo mir im März 2024 ufgnoh hend. Siit dem isch aber vieles passiert und sie teiled mit eus ihri Erfahrig am Wacken Metal Battle mit und was susch no alles passiert isch :)

Falls die Folg unterhaltsam findsch oder a Mik und Nicci öpis mitteile wotsch? Dann schriibs mal dunne i de Comments ^^

Hoi liebi Lüüt, hüt simmer wieder mal da zum eu über die wunderschöni Local Community z'belästige. Gönnd a Shows, nutzed de Repost Funktion uf IG und nehmed eui casual Brudis mit a Shows, nur so wird die lokali Szene grösser <3

Saletti mitenand. Mir sind nani vo eusi Sendigspause zrugg, hend aber öpis bsonders für eu us üsem Archiv. Anina & Thimo hend uns im September 2024 im Rahme ihrer Vertiefigsarbeit fürd Berufsschule interviewt. Hend ihr eus scho immer welle biz besser kenne lerne? dann isch das hier eui Chance :)

Saletti mitenand, mir sind zrugg im Studio und hängeds mal e Rundi mit eu, verzähled mal über Gott und die Welt und holy hell gits viel Konzert i negscht Ziit.

Part III vo de Open Air Gränichen 2025 Saga isch endli mal da. De Samstig isch heavy gsi, mir hend einiges meh a Interviews gha nachdem mir scho de Live Podcast ufgnoh hend, sgit also gnueg zum lose. Merci vielmal Open Air Gränichen, merci a alli Bands wo mit eus gschwatzt hend, es het mega Spass gmacht. 

Hier gits e chline Übersicht:

00:00:00 Intro

00:07:01 Zirka

00:39:21 Yannick vo Paleface

01:06:33 Drill

01:19:41 Final Story

01:42:35 Trust The Shark

02:12:40 Recap mit Lea

Cheerio und bis zum negscht Jahr!

Am Samstig Morge am Gränichen hemmer zum erste Mal e Live Podcast gmacht. Isch e absolute neui Erfahrig für eus, mir sind e biz nervös gsi aber es het mega Spass gmacht. Merci a alli wo so frueh ufgstande sind und eus zuegluegt und zueglost hend. Es spezielles Dankeschön am Open Air Gränichen für die Chance, ufd Bühni dörfe so öpis machen, am Timo für die Technik/Sound und au am Liechttechniker Gentleman wo nach 40min Schlaf ufgstande isch nur um eus Liechter iizrichte!

Das Jahr sindmer wieder am Open Air Gränichen debi gsi, sowohl hinter die Kulissen sowie auf der Bühni. Es isch nass gsi, es isch luut gsi, und Hauptsache hets brutal Spass gmacht. De schwiizer Sigma Festival isch hammer gsi, diesmal lieferemer eu de Podcast in 3 Parts. Bald chömmed also die negschti Episodene dezue ;)

Mir sind mitts ide Festival Season und es chömmed paar sehr cooli Sache. Zum erste Mal hemmer e Liveschaltig via Handy, was super klappt het und eus zeigt, das mir eifach eusi liebi Lüüt ide Szene ab jetzt mitem Handy terrorisiere chönnd. Vorfreude uf Open Air Gräniche herrscht und wenn brav bis am Endi losisch, gits vlt. e chline Spoiler für di ;)

Yo saletti mitenand, mir sind zrugg ide MC Headquarters und berichted e biz über die Szene, was mir alles i letzt Ziit gmacht oder ned gmacht hend und was susch na für Musik usecho isch. Es paar Konzerte chömmed au gli, also losed mal inne und gönnd eui Local Scene go supporte.

Ihr findet eus natürli au im "Mosh Stübli" Discord Channel, falls ihr mal mit eui liebi Mitmensche ide Szene plaudere wönnd (üs inklusive)

Hüt gits e kurzi und sponti Folg usem Wald, defür gits spannendi Gspräch rund ums Greenfield, Linkin Park Absage, was de Brian alles während dem GF gmacht het wil er ned am GF debi gsi isch, und susch no Gschicht usem Lebe vo Metalnerds.

Wenn du gmeint hesch, dass de Bella in zviel bands spielt und zviel Projekte startet, dann besser haltisch di fest, denn die Brudis vo Crowdkill Report sind da.

Mir hend mit de Jungs 3h lang über Moshpit Culture, Hardcore shows, Willie Nelson, warum Dying Fetus so Genius sind, Vocal Techniques, und und und geredet, diskutiert und debatiert.

Crowdkill Report mached the Lord's work, checked die brudis mal ab ( uf Youtube erhältlich, bald uf Spotify)

Chum ide Mosh Stübli (Discord) mit eus alli go hänge und wird Teil vo dere wunderschöni Community :).

Yo mir sind zrugg im Studio und bringed eu wieder mal die Local Scene biz näher wie mir susch mached.

Yo Salü mitenand, hüt isch e ganz spezielli Folg mit ganz spezielli Gäst. Open Air Gränichen isch in da House, nämli de Lehni (Marketing) und de Umi (Booking). Flachwitz sind gfloge und cooli Stories sind da verzählt worde.

Wenn ihr bim Abbau vom Festival ushelfed und debi es selfie vo eu mached, dann schickeds eus bitte, dann chönndmer eu ine Metal Cervelat Folg ide Wall of Fame hinterlege

Bella und Ricky hends endli gschaffed, die Gwünner vo de Metal Cervelat Awards 2024 ihri wohlverdienti Pokale verbi zbringe. Sie hend sich dur Umwetter und Müedigkeit durekämpt et voila, drus isch e neui Podcast Folg worde.

Yo die brudis vo People Die at the Fair sind gad in Südostasie gsi und verzähled üs alles drüber. Mir erfahred das Schwiiz tatsächlich es Dorf isch und findet zsamme usse dass es doch na e Schwiiz in Südostasie git. Das isch ja praktisch e National Geographic Dokumentarpodcast.

Playlist von alle Südostasie Bands uf de Tour:

https://open.spotify.com/playlist/45q2BctCvQQBs9ScQfxv3B?si=z6yos1b3QvactTJJiJYgcg&pi=_mRODkH2Qs6Ym&nd=1&dlsi=7f226a60f0634def

Mir sind zrugg mit paar Updates und haued dann gli die negschti Folg usse mit eusi Gäst :)

Salü zsamme, mir sind letztens am Bullhead Festival 2025 debi gsi und hend mit paar cooli Lüüt Vorort Interviews ufgnoh. E grosse Shoutout a alli Lüüt vom Team Bullhead, ihr sind super!

@lexliana.music het mega cooli Fotis gmacht, wenn ihr e super Fotografin sueched, dann hit her up!

Saletti mitenand, hüt isch Cveti vo Irony Of Fate zBesuech und het mit eus über Gott und die Welt geredet.

Debi isch wiedermol eusi lieblings Extra Wurst de Brian, wo Ziit i sim sehr volle Ziitplan gfunde het um eus mit sini grandiose Radiostimme zu bewundere.

Ziehnd eu de inne, mir hend e wunderbari Ziit mit de Cveti gha und hend uhuere viel glacht und cooli Stories ghört.