ਲੋਕ ਇਤਿਹਾਸ ਦੇ ਇਸ ਐਪੀਸੋਡ ਵਿੱਚ ਮਨੁੱਖੀ ਸਮਾਜ ਦੇ ਵਿਕਾਸ ਦੀ ਪੜਚੋਲ ਕਰਦਿਆਂ, ਅਸੀਂ ਇਸ ਪ੍ਰਚਲਿਤ ਧਾਰਨਾ ਨੂੰ ਪਰਖਾਂਗੇ ਕਿ ਮਨੁੱਖ ਕੁਦਰਤੀ ਤੌਰ 'ਤੇ ਲਾਲਚੀ ਅਤੇ ਹਿੰਸਕ ਹੈ। ਗੱਲ ਕਰਾਂਗੇ ਕਿ ਕਿਵੇਂ ਸ਼ੁਰੂਆਤੀ ਮਨੁੱਖਾਂ ਦਾ ਬਚਾਅ ਆਪਸੀ ਸਹਿਯੋਗ, ਸੰਦ ਬਣਾਉਣ ਦੀ ਸਮਰੱਥਾ ਅਤੇ ਸਮੂਹਾਂ ਵਿੱਚ ਰਹਿਣ 'ਤੇ ਨਿਰਭਰ ਸੀ, ਨਾ ਕਿ ਸਵਾਰਥ 'ਤੇ। ਅਸੀਂ ਹੋਮੋਸੇਪੀਅਨਜ਼ ਦੇ ਅਫ਼ਰੀਕਾ ਤੋਂ ਦੁਨੀਆ ਭਰ ਵਿੱਚ ਫੈਲਣ, ਵੱਖ-ਵੱਖ ਵਾਤਾਵਰਨਾਂ ਵਿੱਚ ਢਲਣ ਅਤੇ ਭਾਸ਼ਾਈ ਤੇ ਸੱਭਿਆਚਾਰਕ ਵਿਭਿੰਨਤਾ ਦੇ ਉਭਾਰ ਦੀ ਗੱਲ ਕਰਾਂਗੇ। ਸਮਝਾਂਗੇ ਕਿ ਮਨੁੱਖੀ ਸੁਭਾਅ ਸਥਿਰ ਨਹੀਂ ਸਗੋਂ ਹਾਲਾਤਾਂ ਅਨੁਸਾਰ ਢਲਦਾ ਹੈ, ਅਤੇ ਅੱਜ ਦੇ ਲਾਲਚ ਤੇ ਗੈਰ-ਬਰਾਬਰੀ ਵਰਗੇ ਗੁਣ ਬਾਅਦ ਵਿੱਚ ਖਾਸ ਸਮਾਜਿਕ-ਆਰਥਿਕ ਸਥਿਤੀਆਂ (ਜਿਵੇਂ ਖੇਤੀਬਾੜੀ) ਵਿੱਚ ਪੈਦਾ ਹੋਏ, ਜਿਨ੍ਹਾਂ ਦੀ ਚਰਚਾ ਅੱਗੇ ਕੀਤੀ ਜਾਵੇਗੀ।