Eftir langa pásu frá hlaðvarpsupptökum þá hef ég ákveðið að koma því aftur inn. En í þessum þætti fékk ég þann heiður að spjalla við Pál Jakob Líndal sem er doktor í umhverfissálfræði frá háskólanum í Sydney. Páll hefur talað ötullega fyrir því hvaða áhrif umhverfið eins og þétting byggðar t.a.m. á heilsu og vellíðan og einnig hvaða áhrif við höfum á umhverfið, hann talar einnig virkt um sálfræðilega endurheimt (e.psychological restoration). Páll er kennari í HÍ við umhverfissálfræði, sinnir ráðgjöf á þessu sviði sem og er að vinna að rannsóknum. Mig langaði til þess að spyrja hann nánar út í þetta viðfangsefni svo maður sé einhverju nær. Þetta er eitt af því sem má taka inn í þá flóru sem kemur til með að hafa áhrif á okkar heilsu og ákvarðanatökur okkar, því ég er sannfærður um það að þetta viðfangsefni hefur meiri áhrif á okkur en við stundum höldum frá frá degi til dags, allt telur! Ég mæli virkilega með því að leggja við hlustir svo þið séuð einhverju nær svo þið getið bætt þessu við sarpinn
Það hefur legið fyrir í nokkurn tíma að gefa út þætti þar sem ég tek fyrir ákveðið efni og fjalla um það út frá mínu sjónarmiði. Hér er sá fyrsti kominn í loftið og er ég í meginatriðum að fjalla um mikilvægi þess að beina sjónum að vítamínum, stein og snefilefnum fyrir starfssemi líffæra í stað þess að horfa eingöngu í hlutfall orkuefnanna þriggja og hitaeiningar, fer inn á mínar skoðanir gagnvart fæðusamsetningu og vitna í rannsókn sem gerð var við háskólann í Minnesóta sem sýndi afleiðingar af því að borða of fáar hitaeiningar til lengri tíma.
Um er að ræða mitt sjónarmið og ekki skal taka því sem kemur fram sem almennum ráðleggingum. Við erum öll misjöfn og til að ákvarða leið einstaklinga þá þarf að skoða "ökkla og eyra" viðkomandi. Það sem virkar fyrir X þarf ekki endilega að virka fyrir Y.
Þátturinn er unninn í samstarfi við World Class og HealthyCo
Áður en við tókum upp þáttinn þá tókum við æfingu saman sem var virkilega góð, og við hæfi að byrja spjallið á því sem við ræddum um á æfingunni. Á 13 mín byrja ég að spyrja Helga út í það sem hann og kona hans Rut Sigurðardóttir ákváðu að gera eftir mikla rannsóknavinnu sem var að hafa börn sín tvö í heimaskóla þar sem þau blómstra. Helgi sem er kennaramenntaður auk þess að vera íþróttafræðingur og einkaþjálfari segir frá áhugaverðri sín sinni á skólakerfið og hugmyndafræði heimaskólans sem börn hans sækja, mjög áhugavert!
Þátturinn er unninn í samstarfi við World Class og HealthyCo
Sigrún rekur FitbySigrún og Kvennastyrk sem er nýleg líkamsræktarstöð í Hafnarfirði. Hún hefur sérhæft sig í þjálfun fyrir nýbakaðar mæður og fyrir konur á meðgöngu. Í þættinum segir hún frá sjálfri sér, hvernig það kom til að hún fór í þennan rekstur og hugmyndafræði sína. Hér er á ferðinni gríðarlega flott stelpa sem lætur verkin tala.
Viðmælendur þáttarins eru hjónin Íris Huld Guðmundsdóttir íþróttafræðingur og markþjálfi og Einar Carl Axelson nuddari og yfirþjálfari í Primal. Ég fékk þau til mín í viðtal eftir að hafa lengi fylgst með þeirra flottu vinnu sem þau hafa unnið og vinna. Í þættinum segir Íris frá upphafi Sigrum streituna námskeiðsins sem er mjög vinsælt, og Einar Carl talar um hugmyndafræði Primal, sögu þess og gefur parktísk ráð við þjálfun. Þau bæði eru mjög áhugaverðir einstaklingar sem athyglisvert er að fylgjast með.
Viðmælandi þáttarins er Jón Ívar Einarsson prófessor við læknadeild Harvard og skurðlæknir við Brigham and Women‘s Hospital í Boston
Jón hefur sterkar skoðanir á hlutum sem tengjast covid. Í þættinum lýsir hann einnig virkni bóluefnisins frá Pfizer.
Bergsveinn Ólafsson, betur þekktur sem Beggi Ólafs, er knattspyrnumaður, mastersnemi í hagnýtri jákvæðari sálfræði og þjálfunarsálfræði og fyrirlesari.
Beggi hefur mikla ástríðu fyrir því hvernig fólk getur lifað þýðingamiklu lífi og hámarkað tilvist sína á þessari jörð. Einn liður í því að verða betri einstaklingur í dag en í gær er að sinna heilsunni, sem Beggi hugar mikið að, hann er nýbúinn að gefa út bókina tíu skref í átt að innihaldsríku lífi sem er stórkostleg bók. Beggi heldur úti vefsíðunni www.beggiolafs.com og er á instagram undir beggiolafs.
Viðmælandi þáttarin er Pálmar Ragnarson einn vinsælasti fyrirlesari landsins þar sem hann talar fyrir bættum samskiptum en þar getum við eflaust alltaf blómum á okkur bætt. Hann er einnig nýbúinn að gefa út bókina samskipti sem er bæði þarfandi og fræðandi lestur. Pálmar er einn af þeim einstaklingum sem gefur allt sem hann á í það sem hann fæst við og hefur uppskorið ríkulega eftir því. Í þættinum fjöllum við um mikilvægi góðra samskipta á heilsu okkar, hvernig þú nærð að framkalla það besta fram í sjálfum þér, fyrirlestra hans og bókina samskipti og hvernig hún kom til. Frábær hlustun!
Gestur þáttarins er Björgvin Páll Gústafsson landsliðsmarkvörður í handbolta, öndunarsérfræðingur og lífskúnstner. Í þættinum spjöllum við um átaksverkefni hans Vopnabúrið sem er átaksverkefni við einelti og andlegri líðan í grunnskólum, streitu, kvíða, ADHD og farið inn á öndun og taugakerfið með tilliti til andlegrar líðan. Ég spurði hann út í ferilinn og hann segist enn eiga 10 ár eftir miðað við hvernig hann er í dag. Ekki missa af þessum þætti!
Gestur þáttarins er Rafn Franklín. Rafn er mikill viskubrunnur og hefur fetað áhugaverðar leiðir og ere inn þeirra sem hafa óþreytandi áhuga á að bæta við sig þekkingu sem er næg fyrir. Eftir að hafa kynnst Rafni fyrr árinu þegar ég fór í viðtal í hlaðvarpið hans 360heilsa hefur okkur orðið vel til vina þar sem við deilum mörgu sameiginlegu og mér fannst við hæfi að fá hann í viðtal á þessum tímapunkti þegar við erum í mesta skammdeginu og líkamsræktarstöðvar eru lokaðar, við fjöllum um covid æfingar og strúktúr, veltum við steinum í mataræðispælingum og svörum spurningum.
Rafn starfar sem einkaþjálfari og heilsuráðgjafi í hreyfingu, er sölu & markaðsstjóri Purenatura og heldur úti hlaðvarpinu og vefsíðunni 360 heilsa.
Góða hlustun!