Gadé an fondè tou sa mwen viv té pli long ki sa an té ka kwè, pawòl méné pawòl é fanw sonjé dòt pasaj a vi an mwen ki fè sa an divini jòdi jou.

Pon chimen pa fasil an vérité, lavi pa ka baw lèson pou résité, mè fò-w aprann kanmenm sa...

Avan mwen rantré an nannan a larèl po sav ola an kay mè an kay kanmenm, an vin konprann on bagay pòtalan. Si mwen vé ay an sans a émancipation, an pé pa rété an sitiyasyon ki pa bon pou mwen! Mi sé kon sa pawòl méné pawòl lè an komansé palé lavi mwen viv dèpi jénès an mwen. E kijan on chwa gidoné mwen pannan enpé lanné. Fin lékòl, poukisa an pati an fwans, pasyon an mwen etc...

Alòs an ka èspéré tout bagaj anrèsjistré? Nou pati pou on bèl vwayaj mézanmi.

Mélani sé on madanm an kontré pa ni lontan é pouwtan an ni lenprésyon sé lanné é lanné ki fè nou zanmi. Une inspiration, une belle rencontre, son nom m'est venu naturellement en pensant à partager en musique l'expérience de mon invitée.

Pa sav ola an kay, mè an kay kanmenm! Sé adan larel lasa nou ka komansé Kwédé Talk Podcast. Souvantfwa, nou sav on koté oben on sitiyasyon pa bon pou nou. Mè kijan chanda, pati? Ka nou ké touvé? Es sa ké pi bon ki sa nou lésé? Pou mwen sé mawonaj... Nou ké bokanté toutlongalé a lanné la épi lidé lasa. Lanmou, limyè!"