D‘Klierfer Cité de l‘image ass am Wuesstem. Den Owend gëtt hiren neien Ausstellungsraum, déi fréier Tourist Info, offiziell ageweit. A wéi mécht een dat am beschten? Et invitéiert een d‘Leit op de Vernissage vun enger interessanter Fotoexpo an dësem Espace. Zanter gëschter ass alles prett: d‘Expo héiert op den Numm “The River Always Flows“, d‘Kënschtlerin dohannert op Annick Wolfers. Dee seet Iech näischt? D‘Kerstin Thalau wollt dat änneren an huet d‘Annick Wolfers an eise Studio invitéiert.