کەمانچەژەن، ئەو کتێبەی بە گشتی خوێنەران چێژیان لە خوێندنەوەی بینیوە.
کەمانچەژەن کتێبێکی بچووکە و پیرەمێردی شاعیر وەری گێڕاوەتە سەر زمانی شیرینی کوردی، ڕەنگە ئەمەش وای کردبێت زیاتر لەناو خوێنەراندا شیرین بێت و هەست بە پاراوی و خۆڕسکی زمانەکەی بکەن.
کەمانچەژەن سەربوردی لاوێکی هەژار و بێکەسە کە باوکی لە ماڵ دەری دەکات و لە ڕێگە تووشی خانمێکی شۆخ دەبێت. خانمەکە بەزەیی پێدا دێتەوە و لای خۆی داڵدەی دا، بەڵام هاوکات شیرینی زمان و دڵسافییەکی وا لە لاوەکەی ئێمە دەکات بکەوێتە داوی ئەوینی کچەوە و تا دواهەمین وێستگە هەوڵی بەدەستهێنان و گەیشتن پێی بدات.
کەمانچە ژەن، باس لە خۆشەویستییەکی پاک و بێگەرد و ڕاستەقینە دەکات، لە قاڵبی ئەدەبیاتێکی تەنزئامێزدا کە فێرمان دەکات کۆڵنەدان بۆ گەیشتن بە خۆشەویستییەکی مەحاڵ و قوربانیدان لە پێناو عەشقێکی بێگەرددا بە چ واتایەک دێ، لێرەدا مۆسیقا ئامرازێکە بۆ بەیەک گەیشتن...