Es gseht scho nöd nach vill uus, und doch isches Öppis. Dankbarkeit für die chliine Sache mached oft chlini Momänt scho bsunderig. Was das Münz demit z’tue hätt, ghörsch i dere Episode. Vill Vergnüege. Sendung vom 20.10.2025 Moderation und Redaktion: Martin Bachmann

Mängisch gseht mer gar nöd so gnau, was es isch oder was es sött si. Grüen oder Wiis Din oder duss Das ligt immer im Auge des Betrachters. Was so en Linie oder Gränze macht, was si bewürkt oder wie sie sich aafühlt, das verzelle ich i dere Episode. Sendung vom 15.09.2025 Moderation und Redaktion: […]

Mängisch blätteret d’Fassade ab oder mer chnüüblet sie ab. Dänn chunnt öppis füre. Doch was chunnt füre? Was steckt hinder de glatte, schöne Oberflächi? I dere Episode verzelli ich über die versteckti Charte, wo sich hinde dra verbirgt. Sendung vom 18.08.2025 Moderation und Redaktion: Martin Bachmann

Kännsch dä Satz? „Dasch jetzt aso en rundi Sach gsi.“ Was das genau sött bedüte und wo überall so en Chreis dinesteckt, und was isch, wennd um de Chreis umelaufsch, ja das ghörsch i dere Uusgab. Vill Vergnüege. Sendung vom 21.07.2025 Moderation und Redaktion: Martin Bachmann

Angst – Fründ oder Feind?I dere Episode rede ich überd Angst, was sie mit eus macht, was sie eus seit und wie mir eus chönnd mit ihre aafründe. Sendung vom 16.06.2025 Moderation und Redaktion: Martin Bachmann

Mängisch passiered Sache im Läbe,die mached eifach truurig. Doch was isch dänn? Ich verzelle dir, wien ichs erläbt und erfahre han. Sendung vom 19.05.2025 Moderation und Redaktion: Martin Bachmann

Sendung vom 21.04.2025 Moderation und Redaktion: Martin Bachmann

Wennd Fahrt ufnimmsch, alles rasant a dir verbi zischt, was bliibt ächt hange? So es Schnällzugs Tempo bringt dich vo A nach B, was mängisch tip top isch , doch chann au s’Gägeteil supper si? Was en Ameise mit eme Schnällzug z’tue hätt, das ghörsch i dere Episode Kopfkino. Vill Vergnüege. Sendung vom 17.03.2025 Moderation […]

Mängisch nimmsch s’Muul bitz zu voll.Giirig wird mer. Was da so alles chan passiere ghörsch ide Sändig, und was das gnau mit eme Ascht und eme Holzbalke z’tue hätt, das ghörsch au da. Sendung vom 17.02.2025 Moderation und Redaktion: Martin Bachmann

Schönheit erschaffe? Es Ziel wo sich lohnt? Doch was isch Schönheit? Chan au d’Kehrsiite Schönheit verkörpere?Ganz vill Frage.Was die Sändig Kopfkino mit all dene Frage z’tue hätt, das ghörsch da. Sendung vom 20.01.2025 Moderation und Redaktion: Martin Bachmann

En Veränderig chann Angscht mache, chan verunsichere und Staub uufwirble. Doch was, wenn hinder dere Veränderig öppis Neus wartet wo no schöner oder besser oder no besser isch? Villicht bruuchts bitz Muet, ich würd säge es lohnt sich  Sendung vom 01.01.2025 Moderation und Redaktion: Martin Bachmann

Mängisch machsch es zur Not, mängisch us Fuulheit und villicht us Verlägeheit oder Scham. Doch was bringt dir en Lüg? Was wettsch bewürke? Was das alles mit eme Baum z’tue hätt, das ghörsch du da, i dere Episode. Vill Vergnüege. Sendung vom 16.12.2024 Moderation und Redaktion: Martin Bachmann

Wenn dir im Läbe en Staumuur bausch, en Schlüüse iibausch und luegsch was passiert, dänn bestaht d’Möglichkeit, dass rs guet chunnt. Was passiert, wenn uf zmahl ganz vill Räge chunnt? Bisch gwundrig, dänn vill Vergnüege bim zuelose. Sendung vom 18.11.2024 Moderation und Redaktion: Martin Bachmann

Wenn alles seit, das gaht nöd und doch die Stimm da isch, wo behaupted, los gang, probiers eifach, ja dänn, stahsch vor de Wahl. Es isch din Entscheid. Bisch ready?  Härzlich willkomme im Kopfkino. Sendung vom 21.10.2024 Moderation und Redaktion: Martin Bachmann

Wennd so dastahsch und dänksch, was chunnt ächt als nexschts? Villicht hilft vertraue, dass scho s’richtige chunnt. Mängisch isch au s’richtige, das wot nöd dänksch das es das isch. Am beschte losisch d’Sändig. Sendung vom 16.09.2024 Moderation und Redaktion: Martin Bachmann

Mängisch lohnt sich en Blick i die gliichi Richtig, mängisch lohnt sich de Blick i die ander Richtig. Doch wänn isch was aagseit? Villicht verratet dir die Sändig s’Gheimnis. Sendung vom 19.08.2024 Moderation und Redaktion: Martin Bachmann

Wennd im Schnällzug sitzisch und d wedsch uusstige, det wos grad so schön isch, wennd zum Fänschter uusluegsch, dasch eher schwirig. Da hilft de Griff zur Notbrämse. Was das mit Schueh wo abzoge sind z’tue hätt, das ghörsch da. Sendung vom 15.07.2024 Moderation und Redaktion: Martin Bachmann

Wennd ganz allei stahsch, zwar wachsisch und blühsch, aber glich dänksch, da gitz doch meh, rundume isch alles andersch, und ich so ganz allei da? Wennd meh wetsch wüsse, dänn los doch ine. Vill Vergnüege. Sendung vom 17.06.2024 Moderation und Redaktion: Martin Bachmann

Willkomme im Momänt, wo ganz oft andersch isch, als dass mir in vorgsellt händ. Und jetzt bisch enttüscht, villicht verruckt oder truurig. Isch das dänn au s’Glück und d’Liebi? Was das alles mit eme abgschnittne Baum und de verschlagne Stimm z’tue hätt, das ghörsch i dere Episode. Sendung vom 20.05.2024 Moderation und Redaktion: Martin Bachmann

D’Wält drait sich immer, sowie s’Läbe immer wiitergaht. Doch drait sich dini Wält eso wis wetsch oder gaht dis Läbe i die Richtig wot du wetsch. Ich lade dich i ufene Reis, eimal umd Wäld und zrugg zu dir. Wänn seisch du ja zu dir? Sendung vom 15.04.2024 Moderation und Redaktion: Martin Bachmann