Við bjóðum velkomna Björgheiði Margréti Helgadóttur. Björgheiður lauk BS gráðu í heilbrigðisverkfræði frá Háskólanum í Reykjavík árið 2014 og meistaragráðu í sömu grein frá HR árið 2016. Eftir útskrift starfaði hún sem verkefnastjóri hjá Landlæknisembættinu, sem forritari hjá Annata og sérfræðingur í upplýsingatækni hjá Innnes. Árið 2019 réði hún sig sem verkefnastjóra í verkfræðideild hjá Alvotech þar sem hún starfaði þar til í september í fyrra þegar hún réði sig sem sérfræðing í sjálfbærniráðgjöf hjá EY á Íslandi þar sem hún leggur áherslu á félagslega hluta sjálfbærni svo sem mannréttindi og jafnrétti. Með vinnu stundar Björgheiður einnig diplomanám í hagnýtri jafnréttisfræði við Háskóla Íslands.

Í þættinum ræða Hildur og Björgheiður meðal annars:

• Hvað það mótaði hana að alast upp á landsbyggðinni
• Hvað varð til þess að hún valdi að fara í heilbrigðisverkfræði eftir að hafa stefnt á nám í læknisfræði
• Hvað það kom henni á óvart hvað forritun reyndist skemmtileg
• Stjórnarsetuna í UAK og allar þær flottu fyrirmyndir sem hún kynntist þar
• Þegar hún klessti á vegg og þurfti að forgangsraða öllu upp á nýtt
• Áhættuna sem fylgir fullkomnunaráráttu og það „mental load“ sem verður að þriðju vaktinni
• Starfið hjá EY og hvað sjálfbærni snýst um
• Hvað hún brennur fyrir jafnréttismálum sem varð til þess að hún er í námi með vinnu í HÍ
• Hvað hugleiðsla og morgunjóga er besta leiðin til að byrja daginn ef mögulegt er

Björgheiður minnist á tvo hlaðvarpsþætti sem hún mælir með:

Karlmennskan #9 Mental load

Þegar ég verð stór

Þátturinn er í boði: Geko - Specialists in Innovation Talent, Taktikal og Tern Systems