Daar is iets vreemds aan Kebospark - dis nie die eienaardige inwoners nie, ook nie die geheimsinnige, stom oom wat in die hoek van die park woon nie. Dis die nagapies wat Kruhan bekruip én die stem wat hy by die strandmeer se riete hoor... Kom deel in die 12-jarige Kruhan Malherbe se avonture in Kebospark - 'n anderste vakansieplek wat belowe om hom vir altyd te verander. Constant van Graan gesels oor sy nuwe boek in hierdie episode en lees kort uittreksels van Kruhan, Wijkie en die eksentrie...

In hierdie episode gesels Constant met 'n paar Jungu Josh-aanhangers, en eet hy en twee gaste eienaardige (en soms grillerige) kos uit Kalimbula. Kom kuier saam!

In hierdie episode besoek ons die Gombi-moerasse waar die monstermannetjies - die Minokkos - woon. Met hul kort lywe, skrikwekkende maskers, en aardige voorliefde vir mensvleis, boesem hulle vrees in by selfs die sterkste manne. Oudergewoonte neem Constant van Graan, skepper van die Jungu Josh-reeks, jou op 'n magiese toer deur Kalimbula. [Let wel: Hierdie episode is nie bedoel vir kinders jonger as 10 jaar nie en moet liefs nie voor slapenstyd geluister word nie.] Besoek jungujosh.com om mee...

In hierdie episode hoor jy oor die Magani-taal: waar dit vandaan kom, hoe dit klink en hoe jy dit vlot kan leer praat! Sluit aan by Constant van Graan, skepper van Jungu Josh (en Magani), om te hoor oor die Magani-woordeboek, frases, en sy gunstelingwoorde en -gesegdes. Were waijona!

Is jy 'n sosiale sebra? Of 'n vorstelike leeu? Miskien 'n onverskrokke krokodil? Kom luister saam na die nuutste podsending oor Jungu Josh, die avontuurreeks, en vind uit wat is jou gunstelingkarakter (en jou eie!) totemdier. Oudergewoonte neem Constant van Graan, skepper van Jungu Josh, jou op 'n bondige, magiese reis deur Kalimbula.

Welkom by die heel eerste episode van die Jungu Josh-podsending! In hierdie kort en avontuurlustige 15 minute leer ken jy: Wie Josh McGreer is – ’n 13-jarige seun wat homself skielik in ’n magiese, verborge Afrika-vallei bevind…Wat Kalimbula is – ’n wêreld gevul met totemdiere, gevaarlike diere, ’n antieke taal, en geheime wat wag om ontbloot te word…En hoekom hierdie fantasie-reeks anders is as enigiets wat jy al gelees het.Constant van Graan, die skrywer van Jungu Josh, neem jou saam op rei...