All content for Invité:e vum Dag is the property of radio 100,7 and is served directly from their servers
with no modification, redirects, or rehosting. The podcast is not affiliated with or endorsed by Podjoint in any way.
Invitéen am Mëttelpunkt vun der Aktualitéit: Mir stellen hinnen déi Froen, déi Dir Iech och stellt. An haken no, wa mir keng Äntwert kréien.
De President vum LCGB erkläert, firwat d'Union syndicale sech mat zwee kritesche Bréiwer - géint den Aarbechtsminister an iwwer d'Gesondheetspolitik - un de Premier geriicht huet.
Déi fréier Ëmweltministesch an aktuell Deputéiert vun déi gréng fënnt, datt den Ëmgang vun der Regierung mam Offallgesetz symptomatesch ass fir hir inkohärent Ëmweltpolitik.
Gutt fir de Mënsch an d'Ëmwelt, schlecht fir d'Betriber? Iwwer dat europäescht Liwwerkettegesetz ass ee sech net eens, och net zu Lëtzebuerg. Wat ass de Mëttelwee? Den Industrielleverband Fedil (René Winkin) an d'Initiative pour un de devoir de vigilance (Jean-Louis Zeien) sti sech an engem Gespréich géintiwwer.
Dee Stater Affekot ass President vun der Kontroll- an Evaluatiounskommissioun iwwer d'Euthanasie, déi an hirem neiste Rapport eng Partie Recommandatioune mécht.
D'Vertriederin vun der Associatioun vun de médecins en voie de spécialisation, ALMEVS, reagéiert op d'Kënnegung vun der Konventioun mat der Gesondheetskeess duerch d'AMMD. Wéi eng Fuerderungen huet den Nowuess bei den Dokteren?
Den CSV-Ëmweltminister ass aktuell zu Bréissel fir mat deenen aneren EU-Ëmweltministeren en EU-Klimazil bis 2040 festzeleeën. Wéi no ass een antëschent engem Accord?
De President vun der Spidolsfederatioun an Direkter vun den Hôpitaux Robert Schuman reagéiert op d'Ukënnegung vun enger geplangter Findel Clinic. Wier esou eng Struktur eng Chance oder Konkurrenz fir d'Spideeler?
Nodeems an der Gemeng Conter d’Zesummenaarbecht tëschent der CSV an der LSAP auserneegebrach ass, huet d’lescht Woch e Mëttwoch déi nei Dräierkoalitioun aus DP, LSAP an déi gréng en Accord ënnerschriwwen. D’DP stellt mam 37 Joer alen Dali Zhu deen neie Buergermeeschter. Wat si seng Ambitiounen a Prioritéite fir säin zukünftegt Mandat?
100 Deeg no der Cyberattack op den Telekommunikatiounsreseau vun der Post verréit de Post-Generaldirekter, wat zënterhier erausfonnt an ënnerholl gouf.
D'ASTI ass alarméiert iwwer den Niddergang vun der franséischer Sprooch hei am Land. Den Directeur politique vun der Auslännerorganisatioun erkläert firwat.
De Generaldirekter vum Grupp Cactus, engem vun den Haapt-Employeuren hei am Land, iwwer d'Ouverture vum neie Geschäft zu Esch a säi Réckzuch aus dem Alldags-Geschäft.
"Kënne mir bleiwe wat mir sinn?" freet sech den neie President vun der Fédération des Jeunes Dirigeants d'Entreprise a Patron vun engem Betrib an der Baubranche.
Emmer méi Online-Banking, ëmmer manner Agencen: wou steiert d'Bankegeschäft mat de Privatclienten hin? Froen un de President vum Retail Banking Cluster vun der ABBL.
Vill geopolitesch Tensiounen, ëmmer méi Staatsscholden, an héich Douanestaxen - wéi grouss ass do d'Gefor virun enger Wirtschaftskris? Mir de Investment-Direkter vu BLI.
