وصلنا الحلقة الخامسة والأخيرة لموسمنا الرابع من بودكاست حقاني، كان موسم مليان قصص وتجارب، حكينا فيه مع نساء ملهمات قويات، حكولنا على قصصهم وتجاربهم المختلفة باختلاف أعمارهم، خلفياتهم وأعمالهم، وبالرغم من الاختلاف هذا كل وحدة فيهن واجهت نوع من أنواع العنف والتحديات والهمتنا بشجاعتها.اليوم حنركزو على سبل التغيير، وكيف ممكن نخلو واقع النساء في ليبيا أحسن، لنا وللجيل الي بعدنا.ضيفتنا في حلقة اليوم هي إلهام السعودي، مديرة منظمة محامون من أجل العدالة في ليبيا، أم, ناشطة، محامية، وإنسانة مرت ب...

في حلقتنا الرابعة من بودكاست حقاني في موسمه الرابع، حنهدرزوا مع نورا وضيفتنا تزيري العمراني. تزيري ناشطة نسوية وحقوقية، صحفية، وأول مراسلة تلفزونية في مدينة مصراتة. تزيري لها دور كبير في مساعدة النشطاء الي يتم اتهامهم بتهم كاذبة ويواجهوا في قضايا تلفيق. حتحكيلنا على المشاكل الي واجهتهن شخصيا وممكن تواجههن اي بنت ليبية تختار النشاط السياسي، الصحفي أو الحقوقي.تزيري واجهت اشكال هلبا من العنف، من الطفولة لليوم وعانت ولا زالت تعاني من العنف الإلكتروني من قبل حتى ما تكون ناشطة. وتعرضت لحملات تخوين ...

حلقة اليوم مختلفة شوية وفيها تفاصيل ماحدش تناولهم من قبل. حنحكو فيها مع ناشطتين ملهمات: شهد وأمل. بنتين ليبيات، حقوقيات وناشطات في المجتمع المدني الليبي.. حيحكولنا على كواليس العمل المدني للمرأة في ليبيا والتحديات الي مالهنش نهاية..الحلقة حتتناول مواضيع وزوايا عديدة، منها العمل المدني بصفة عامة، نظرة المجتمع السلبية للحقوقيات والناشطات، الضغط الي يسير على العائلات الداعمة من البيئة المحيطة من أهل وأقارب وحتسلط الضوء على القيود المفروضة على حرية التنقل والسفر للبنات، وحيقولولنا شهد وأمل على تج...

حلقتنا اليوم مختلفة... ضيفتنا "أسماء محمد" اختارت تحكيلنا قصتها تحت اسم مستعار عشان تحمي نفسها.. أسماء محامية من الشرق الليبي وحقوقية تطمح ان تخلي ليبيا مكان أحسن وأأمن. اختارت المحاماة عشان تنصر المظلومين وتساعد كل الناس يأخذوا حقوقهم.. أسماء حتحكيلنا على العنف الأسري وضعف القوانين المفروضة عليه في ليبيا وهذا الشي الي يخلي فيه يتكرر بشكل مستمر.. وكله بسبب عدم المحاسبة! أسماء تعرضت للتشهير، الاعتقال، التهديد، ووصل الموضوع للتهجم عليها في بيتها; الشي الي أثر على عملها وأسرتها و...

في حلقتنا الأولي من الموسم الرابع من بودكاست حقاني، حنتناقشو موضوع العنف الالكتروني ضد النساء في ليبيا مع راوية ونورا – نساء ليبيات وناشطات في مجال حقوق الأنسان وحقوق المرأة، تعرضن ولازالن يتعرضن للنوع هذا من العنف بأشكاله المختلفة، وحيحكولنا على تجربتهن الشخصية وكيف أثر الشي هذا عليهن، وعلى حياتهن، عائلاتهن وعملهن وحتى صحتهم النفسية.حتحكي الحلقة على العنف الالكتروني في ليبيا والمنطقة العربية بصفة عامة، أنواعه وأشكاله والعواقب والمشاكل الي ينتجن عنه وتأثير العواقب هذه على النساء الليبيات، وحت...

موسم جديد وحلقات جديدة، وقصص جديدة.. بودكاست 'حقاني' رجعلكم بموسمه الرابع مع نورا وراوية. في الموسم هذا، حنركزو بشكل خاص على قصص نساء ليبيات مميزات، و حيتم تسليط الضوء على تجاربهن والتحديات التي تواجههن في مجالات عملهن المتنوعة. انضمولنا عشان نسمعو قصصهن الملهمة وتجاربهن المختلفة. ترقبوا الحلقة وكونوا على الموعد.

وصلنا للحلقة الخامسة والأخيرة بعنوان " اللي نكسر فعلاً يتصلح" من بود كاست حقاني، الحلقات اللي فاتوا تكلمنا على شن هو مفهوم العدالة بالنسبة لليبيين خلال العشر سنوات اللي فاتوا، وتكلمنا بالتفصيل عن العدالة الجنائية وناقشنا ملابسات العفو والقوانين الي صدرت وحكينا على المصالحة الوطنية و علاش مساعيها فشلت في كل مرة وهلبا تفاصيل. في حلقتنا اليوم راح نتكلموا عن جبر الضرر اللي تكرر ذكره هلبا مرات في خلال الحلقات السابقة، وكيف هو يختلف في المفهوم والمعنى عن التعويض وكيف جبر الضرر ليه دور في...

لطالما كانت المصالحة الوطنية هي الحل الأول لفض النزاعات المسلحة، ومرحلة اولى في حال تحققت ،تحقق معها التعايش السلمي بين ابناء الوطن الواحد، وهنا ربما ينطلق التساؤل اللي اصبح مؤخراً تساؤل جدلي في ليبيا، شنو هو الشي الي مخلينا مش قادرين نحققوا المصالحة الوطنية برغم كل المحاولات الي فاتت خلال العشر السنوات الي فاتو ومن خلال كل الحكومات المتتالية او الحكومات المتقاتلة على سبيل تجسيد الواقع الليبي . في حقلتنا " مناش معترضين على المصالحة،لكن" حناقشوا مساعي المصالحة في ليبيا، مركزين فيها على ال...

في عام 2012 أصدر المجلس الانتقالي القانون رقم 38، القانون اللي يمنح العفو لكل شخص ارتكب أي جرائم في فترة ثورة 17 فبراير وبعد 4 سنوات اي عام 2015 أصدر مجلس النواب قانون رقم 6 لمنح العفو العام واللي شمل حسب رأيهم سيف الاسلام القذافي . في حلقتنا "مافيش عفو بالنياب" حناقشوا بعض الاسباب اللي ادت لفشل هادي القوانين ومساهمتها في اطالة النزاع المسلح والأزمة في ليبيا، وكيف انها مكانتش بأسس صحيحة وتهاونت هلبا مع جرائم حرب وجرائم ضد الانسانية، وهل ممكن اشراك الضحايا في منح العفو؟! وشن كان رأي الليب...

عشرة سنين فاتوا ولتوا مازالت العدالة الجنائية في حالة تعثر مستمر في ليبيا هذا من غير ذكر العقود السابقة! فلا وجود لمحاكم عادلة، القضايا متوقفة، ملفات وأدلة اختفت، جُناة خارج قضبان السجون، وأسماء متهمين بُرئت ! في حلقتنا " مافيش حد فوق القانون" حتتعرفوا فيها على تصورات الليبيات و الليبيين عن العدالة الجنائية، وشن ممكن يصير لو ما تحققتش حسب رأيهم، ومن هم المسؤولين عن عدم تحقيقها، زي مثلا ما صار في مجمع محاكم غريان، مازلتوا مذكرين؟! من خلال حلقتنا تسمعوا تفاصيلها. وراح تسمعوا قصة يوس...

من عشرة سنوات قامت الثورة من أجل تحقيق العدالة لكل الليبيين، من وقتها والليبيين مروا بعدة مراحل صارت فيها هلبا انتهاكات اثناء النزاعات المسلحة ، خلال العشرة سنوات هادو تغير منطق وتفكير الليبيين لمعنى العدالة. ومن خلال الحلقة الاولى من الموسم الثالث من بودكاست حقاني "العدالة مليهاش تاريخ صلاحية"، نعكسوا تصورات وأفكار وآراء الليبيين حول مفهوم العدالة، شن تعنيلهم وشن هي طموحاتهم وآمالهم وشن ممكن تحققلهم في حالة انها اطبقت في بلادنا على الجناة، ومش هكي وبس حنسمعوا مع بعض محمد والهام وهم يتبا...

في الحلقة الخامسة والأخيرة من الموسم الثاني حقاني "التعذيب: كيف تقدر تحمي نفسك" وصلنا في رحلتنا لمحطتنا الأخيرة، في المحطات السابقة، تكلمنا على أساليب التعذيب و أغراضه و الضمانات ضده ومن هم المسؤولين، في حلقتنا اليوم حنتكلموا على كيفية الوصول للعدالة لجوهر ولكل الأشخاص الي تعرضوا لهذا الانتهاك الصارخ "التعذيب"كل هذا يصاحبه نقاشات وتساؤلات تطرحها إلهام السعودي و يطرحها محمد المسيري تعليقاً على احداث قصة جوهر وتصويرها و شرحها للمستمعين في اطار قانوني بسيط ، مستعرضين في هادي الحلقة اشكال ا...

في الحلقة الرابعة من الموسم الثاني حقاني " التعذيب: " من المسؤول؟! " نواصلوا رحلة العدالة الي خديناها خطوة خطوة مع قصة جوهر علي، وفي الحلقة هادي راح اناقشو من هو الشخص او من هو المسؤول الي سبب في هذا التعذيب.كل هذا يصاحبه نقاشات وتساؤلات تطرحها إلهام السعودي و يطرحها محمد المسيري تعليقاً على احداث قصة جوهر وتصويرها و شرحها للمستمعين في اطار قانوني بسيط ، وحنركزوا فيها على ما من تقع المسؤولية ، وهل في آليات معينة تمارس بين الدول وشن هو ممكن الابتكار الي نقدروا نستعينوا بيه في تحميل المسؤ...

في الحلقة الثالثة من الموسم الثاني حقاني " التعذيب: " كيف تحمي نفسك" حتأخد الحلقة منحى جداً مهم من قصة جوهر وهو يحكيلنا في ظروف اختطافه وكيف حاول أن يحمي نفسه وشن هو الي صارله؟! كل هذا يصاحبه نقاشات وتساؤلات تطرحها إلهام السعودي و يطرحها محمد المسيري تعليقاً على احداث قصة جوهر وتصويرها و شرحها للمستمعين في اطار قانوني بسيط ، وحيركزوا في شن المفروض يديره القانون باش يتوقف التعذيب ، شن هي الضمانات الي ممكن تعرفها وتفهمها وتستوعبها باش تحمي نفسك؟! هي قصة ماساة وانتصار ! ، ويشرفنا ان نح...

في الحلقة الثانية من الموسم الثاني "التعذيب: هذا سببه" نتعمقوا أكثرفي قصة جوهر علي ، شن كانت اسباب اختطافه ، و شن هي اللحظات الي عاشها قبل وبعد ، وحنبحروا أكثر في أغراض التعذيب . كل هذا يصاحبه نقاشات وتساؤلات تطرحها إلهام السعودي و يطرحها محمد المسيري تعليقاً على احداث قصة جوهر وتصويرها و شرحها للمستمعين في اطار قانوني بسيط زي ً اغراض التعذيب ، وكيف تم تضمين هذه الاغراض في داخل التعريف ، كيف تتعامل الدول والحكومات مع هادي الاغراض ، وكيف ممكن للمجتمع المدني ان يتص...

في الحلقة الأولى من الموسم الثاني "حقاني" نستكملوا رحلة العدالة الي بديناها، المرة هادي راح نعيشوا مع "جوهر" الي يحكيلنا في قصته المؤثرة وكيف تعرض للاختطاف في لحظة تسليم نفسه! كمية من المشاعر والاحساسيس المتناقضة الي عاشها، وتفاصيل دقيقة لكل ما عناه من تعذيب جسدي ونفسي. كل هذا يصاحبه نقاشات وتساؤلات تطرحها إلهام السعودي و يطرحها محمد المسيري تعليقاً على احداث قصة جوهر وتصويرها و شرحها للمستمعين في اطار قانوني بسيط زي تعريف التعذيب، اشكاله، وبعض الامثلة الحية. هي قصة مأساة وانت...

في الموسم الثاني، "حقاني" نستكلموا رحلة العدالة مع شخصية مؤثرة و هي “جوهر علي" ،صحفي ومؤسس مشارك لمنصة "حصة." جوهر ا يحكيلنا قصته في مقاومة القمع لتحقيق العدالة ومن خلال هذا الحوار هنستعرضوا موضوعات مهمة منها تعريف معنى التعذيب وأثره على الشخص سواء كان نفسي او بدني او الاثنين وكيف يقدر يجتاز هادي ا التجربة، و هنستعرضوااا مسؤولية القيادات والرؤساء في حالات التعذيب (الشخص الي خارج غرفة التعذيب)، و اناقشوا أغراض التعذيب ومنها استخدام التعذيب لمعاقبة الحقوقيين،...

الحلقة الخامسة والاخيرة من الموسم الاول بود كاست حقاني حلقة مميزة: فيها صوتكم واسئلتكم واستفساراتكم ، فيها اجوبة وطرح افكار وفيها حلول. كل هذا في رحلتنا رحلة العدالة مع الهام وامل و محمد . مشاركتك وتفاعلك معانا يهمنا: لأي سؤال او اقتراح، ابعتلنا برسالة صوتية على صفحتنا في الفيس بوك أو الانستاجرامFacebook Instagramتقديم : الهام السعودي / أمل نصارانتاج : طارق الميري"اعداد مقابلات : "جمانLumiCre8 - Creative consultancy agency: تصميم الغلافResources on Covid-19, conflict and human rightsCOVID-19 ...

في الحلقة الرابعة من بود كاست حقاني ، حناقشوا فيه موضوع النازحين ، موضوع فيه نقاشات هلبا بين دور الدولة و تكرار النزوح ، تفتحلنا قلبها "عائشة" وهي تحكيلنا قصة معاناتها مع النزوح المتواصل لمدة 7 شهور ، كل هذا يصاحبه نقاشات وتساؤلات تطرحها الهام وامل في رحلة العدالة من بود كاست حقاني . نشكروا كل من ساهم في اعداد هذا البرنامج وشكر خاص لضيوفنا الي شاركونا قصصهم . مشاركتك وتفاعلك معانا يهمنا ، لأي سؤال او اقتراح ابعتلنا برسالة صوتية على صفحتنا في الفيس بوكFacebookInstagramننوه عناية مس...

في الحلقة الثالثة يفتح بود كاست حقاني ملف الاختفاء القسري ، في هادي الحلقة "ايمان" تحكيلنا قصة غياب زوجها المفاجئ في ظروف مش مفهومة ، وحنسمعوا لألم "سوسن" وهي تحكيلنا على والدها المختفي كل هذا يصاحبه نقاشات وتساؤلات تطرحها الهام وامل في رحلة العدالة من بود كاست حقاني . نشكروا كل من ساهم في اعداد هذا البرنامج وشكر خاص لضيوفنا الي شاركونا قصصهم . مشاركتك وتفاعلك معانا يهمنا ، لأي سؤال او اقتراح ابعتلنا برسالة صوتية على صفحتنا في الفيس بوكFacebookInstagramننوه عناية مستمعينا انه قد تم تغيير اسما...