Folg 13 isch e Spezialfolge: Und zwar hämmer e Wohnung gfunde!!! Zwüscheddure gits chli Microsoft Teams hate, wo mer ois fast nömä erhole chönnd devo. Es werded au grossi Frage ufgworfe wie "wo chauft mer überhaupt Holz?" und Misconceptions über s Informatikstudium ufklärt. Sich z erinnere, was mer so gmacht hät, isch scho huere schwer. Darum müesst mer eigentlich ebe es Tagebuch schriebe. Aber macht mer s denn au würklich? Und zum Schluss en fette Shoutout a alli Mütter!
Besser z spat als nie: Folge 12 (am 12ten) "Beef im Gym" isch endlich released! Natürlich verzellemer au wieso s zu dere Verspätung cho isch. De Hodel natürlich wieder mal tiptop vorbereitet: Während de Hauri vom Rammstein Konzert verzellt, mues de Hodel no sin bstellte Znacht go hole. Nachher verzellt de Hodel vo sim Struggle nach em eigene Match no an FCZ match inklusive Meisterfeier z gha. Und als Abschluss haut de Hauri no e Podcast Empfehlig use!
Osterferien isch de MVP vom Frühligssemester! Doch leider sind die Ferien au scho ume. Dementsprechend isch Folge 11 volle vo oise Ferien-Aktivitäten: De Hodel isch a de PolyLan gsi, de Hauri isch durch halb Skandinavie greist! Passend dezue gits 5+5 essentials PolyLan und Kopenhagen!
Zum Schluss hämmer scho mal oisi nächsti Folge plant und oise Beef mit Dräck Glänzt teased.
Fetter Zehner! Nach langem Warten isch d Jubiläumsfolge endlich da: Episode 10! Zerst gahts um die "mega vill" Arbeit, wo de Hauri immer hät und nach es paar Ausschweifer uf random Topics chömmed die lang ersehnte 10 Essentials. Folg 10 mit 10 Essentials wie versproche. Das mal ganz klassisch redemer über oisi eigene persönliche 10 Essentials.
Aufgrund er aktuellen Lage in der Ukraine ist diese Folge unsere Sanktion für unsere <1% russischen Hörer.
Episode 9.5 ganz im Zeiche vo de Lernphase. Mir sind beidi chli dure und dementsprechend laberemer eif irgendöppis (ja, no meh als suscht!). De Hodel verzellt vo sim Leben im Exil und stellt ois sin typische Tag vor. De Hauri hät no paar Zoll Stories, wo er voller Elan verzellt. Natürlich dörf e churzi Hauri Austausch Story, die neuste Modetrends und vor allem die Legende Abishek au nöd fehle. Und en fette Shoutout a Github!
Mir fanged a mit em neue Banger vom L. Red und verzelled d Origin Story devo. Immerno voll hyped schwärmt de Hauri grad zwei Mal vom Kayne x Drake Konzert. Muetig wie er isch, probiert er live im Podcast Cini Minis mit Himbeer Joghurt. Nachher gahts wiiter mit em ganze Endi vom Semester/Weihnachts-Stress. Mir verzelled eu d Gschicht vo de Legende Abishek. S historische Formel 1 Finale dörf natürlich au nöd fehle. Und zum Schluss gits leider no es F in the chat
S Jahr und demit au s Semester neigt sich am Endi zue und somit isch mer natürlich immer im Stress. Passend zu dem fangt Folg 8 au mit dem Thema a: Mir sind beidi chli am Aschlag... De Hauri hät sich inmitte vom Semester en Budapest Trip gönnt und de Hodel verzellt vo sim riese Wuchenend, wo er unter anderem de League of Legends Worlds Final go luege gange isch. S Stichwort "Esports" hät denn au für vill Gspröchsstoff gsorgt. De Jogurt-Connaisseur Hodel git jetzt endlich mal sini Joghurt-Empfehlige ab und verrated eis vo sine dirty pleasures. De Hauri verzellt sini Stories wie er 2 Mal fast agfahre worde isch. Am Schluss vo de Folg erfahremer am Sokka sis Schicksal...
Folg 7 pünktlich am neue Release Datum! Mir redet über oisi Usflüg is Kino und bewertet de Film Dune. Zudem git s e wiiteri Episode vo de Mc Donalds Gutschein story. De Hauri isch s erst Mal imene Casino gsi und hät s hauptsächlich weird gfunde. Nachher gits en themawechsel zu Fussball und de Hodel verzellt vom Zürcher (FCZ) Derby und zum Schluss gits no 10 Essentials für Fussballspieler. Wo s denn de Hodel Hops gnah hät, isch es en guete Ziitpunkt gsi zum die Folg z beende.
Mir sind komplett lost und reded über d Lernphase&Prüefige, de Cliff verzellt Militärstories vom WK und vom Fnatic Spiel gege G2. Fussball mit Real Madrid, FC Barcelona, Ronaldo (CR7) und Messi isch es grosses Thema die Folg und GANZ WICHTIG: Mir bringed de Kanye West dezue sis neue Album Donda z release.
Mir reded über die verloreni Folge 1 vom HaHa Podcast, paar technischi Sache zum Podcast, EURO 2020, was mer krasses träumt hend, am Hauri sin Bulgarien-Trip und was det krasses passiert isch und no vill meh.
Mir bespreched um was es im HaHa Podcast überhaupt gah söll und leged sache wie Name, Folge-Bild, Folge-Titel, und Theme fest. Dezue redemer über Autoprüefig, Texting, Ustusch in Kopenhagen, Socke und vill meh.