到底要唔要生小朋友？呢個睇落好私人嘅問題，其實充滿住政治與「香港人」身分嘅糾結。 本集由三位主持 Sharon、Samuel 同 Kennedy 展開一場深刻對話，從各自嘅生活經驗、移民背景同教學內容出發，討論「生育」作為一個政治選擇與文化實踐。我哋由 reproductive justice（生育公義）講起，反思生唔生下一代，會唔會逼小朋友學廣東話，應唔應該為延續集體而生育，去到點樣處理作為 diaspora 家長嘅矛盾與焦慮。 當中我哋細談以下幾個關鍵問題： 1. 「我哋就係最後一代」vs「要傳承香港人命脈」：兩種香港離散社群中的論述拉鋸 2. 語言、文化與責任：應唔應該逼小朋友學廣東話？佢地會唔會問：「學嚟做咩？」 3. 生唔生小朋友，係唔係真係自由選擇？制度、移民政策同種族歧視點樣影響決定？ 4. 當你想生都未必能生：美國墮胎限制、醫療危機與對懷孕者的系統性壓迫 5. 從反送中講起：點解催淚彈都可以變成 reproductive justice 的議題？ 6. 家長的焦慮與責任：點樣面對「自由教養」帶來的不確定？可唔可以接受小朋友最後咩都唔係？ 節目尾聲，Sharon 亦分享自己作為繼母的真實心路歷程，帶出親職權力與道德反思。我哋無意為任何人提供單一答案，只希望透過呢一集，一齊拆解社會對「下一代」嘅焦慮，思考點樣創造一個容得下選擇、有得選擇的社會。 延伸閱讀： Sharon Yam, “Hong Kong’s fight for political freedom is also a fight for reproductive justice.” Hong Kong Free Press, 2020.08.23 https://hongkongfp.com/2020/08/23/hong-kongs-fight-for-political-freedom-is-also-a-fight-for-reproductive-justice/ Margaret Atwood, The Handmaid’s Tale https://www.penguinrandomhouse.com/books/61618/the-handmaids-tale-by-margaret-atwood/   錄製日期： 2025年8月13日 本集連結： https://linktr.ee/podcastkennedywong — 《For Example：一個政治不正確的香港 DEI podcast》 主持人：Sharon Yam、Samuel Chan、Kennedy Wong