في الحلقات اللي فاتت اتكلمنا عن مواضيع كتير "في المصنع"اتكلمنا عن التكلفة , و التحسين المستمر و المخزون و الصيانة و حتى مشاكل العمالةالمرة دي هنتكلم عن نظام ادارة الجودةيعني ايه؟ازاي تبنيه؟ازاي تحافظ عليه ؟مع ضيف الحلقة مهندس ابراهيم الهواري , اللي عنده خبرة في مجال الجودة اكثر من 15 سنة اشتغل خلالهم في شركات كبيرة جدا زي Unilever و Mondelez و اسس نظام الجودة في شركات ناشئة زي Breadfast
مكنة تعطلت. الإنتاج واقف. العميل بيستنّى. والكل بيقول: "هاتوا الصيانة!" بس الحقيقة؟ اللي وقّف المصنع مش العطل... اللي وقّفه هو نظام إدارتنا للمكنة.في الحلقة دي من "في المصنع" هنتكلم مع ضيفنا المهندس كريم بشير عن مفهوم بيغيّر طريقة تفكير أي مصنع: TPM – الصيانة الإنتاجية الشاملة.هتعرف:إزاي تخلي المكنة شغالة بأعلى كفاءة.وإزاي المشغّل نفسه يبقى شريك في الحفاظ عليها.وإزاي تمنع الأعطال قبل ما تحصل، بدل ما تجرّي وراها بعد فوات الأوان.وكمان هنتكلم عن خطوات عملية لتطبيق TPM .المهندس كريم بشير عنده خبرة 25 سنة في مجال الصيانة .. اشتغل في صناعات كتير مختلفة و في احجام و ثقاقات شركات مختلفة و معاه اعتماد من JIPM في الصيانة الانتاجية الشاملة
فيه مصانع بتغرق في خامات مش بتتستخدم، ومصانع تانية الإنتاج بيوقف عشان “قطعة صغيرة مش موجودة”! الاتنين عندهم نفس المشكلة… إدارة المخزون في الحلقة دي هنتكلم عن :
لو سألت أي حد في مصنع في مصر:
"إيه أكبر مشكلة عندك دلوقتي؟"
هتلاقي الإجابة شبه موحّدة:
"العمال!"
نقص في العمالة،
دوران عالي،
ناس بتمشي بعد أسبوع،
وشباب كتير مش عايز يشتغل في الصناعة أصلاً.
بس هل فعلاً المشكلة إن “مفيش عمال”؟
ولا المشكلة في شكل الشغل اللي بقينا بنقدمه؟
في ثقافة المصانع؟
في المرتبات، التدريب،و للا المعاملة؟
ضيفنا المرة دي استاذ Karim Mounir خبرة اكتر من 19 سنة في الموارد البشرية ... اشتغل في القطاع الصناعي في شركات كبيرة زي جهينة و فارم فريتس
هنتكلم بصراحة عن أزمة العمالة في مصر:
الحلقة دي هتشوف فيها عالمين مختلفينمش بس عشان الحلقة عابرة للقارات و متصورة بين مصر و كندا
لكن حقيقي هتشوف عالمين عالم بيربط بين الدراسة الاكاديمية و الحياة العملية و عالم بيعتمد على التجربة و الخطأو المرة دي مع ضيف بيجمع بين الخبرة العملية و الخبرة الاكاديمية في مصر و كندا و الخليج دكتور Hussien Hegab - استاذ مساعد الهندسة الميكانيكية في University of Guelph في كندا - اشتغل على مشاريع process optimization في Aerospace Industry و Nuclear Industry هناك و صاحب رحلة علمية و مهنية مشرفة جدا !هيعلمنا :يعني ايه Process Optimization?ليه نستخدمها ؟ازاي نستخدمها ؟مع مناقشات كتير عن امكانية استخدامها في المصانع في مصر و الشرق الاوسط
في الحلقة دي هنعرف يعني ايه تحسين مستمر بجد !هيحصلك ايه لو ما بدأتش ثقافة التحسين المستمرتبدأ ازاي ؟ايه المشاكل اللي هتواجهك ؟ تتعامل معها ازاي ؟مع ضيف الحلقة اللي عنده خبرة +25 سنة في التصنيع , اسس مصانع من الصفر اكتر من مرة , و خبرة في شركات كبيرة جدا لينك فورم الاسئلة و الاقتراحات :https://docs.google.com/forms/d/e/1FAIpQLSeu1gQhsKtipHCG3YnWfiU2zJiUWMT3kqzvzBie0L22lyKEZA/viewform?usp=header
في الحلقة دي هنعرف يعني ايه تخطيط انتاج و ازاي تطلع المنتج الصح في الوقت الصح بالكمية الصحمع ضيف الحلقة اللي هيشاركنا رحلته و خبرته سواء في الانتاج او تخطيط الانتاج
في الحلقة دي هنعرف اكتر عن عمليات تصنيع الاثاث و ازاي بيتم ضمان الجودة على مستوى الانتاج الكمي كمان هنعرف بعض التحديات الموجودة في الصناعة و ازاي ضيف الحلقة اللي عنده خبرة اكتر من 15 سنة في الصناعة قدر يتغلب عليها
في الحلقة دي هنعرف ازاي نفكر في تخفيض التكلفة كعملية مستدامة مش مجرد مشروع و ايه الطرق الصح اللي نقدر من خلالها نقلل التكلفة
كمان هنتعرف على امثلة حقيقية من ارض الواقع نفذها ضيف الحلقة اللي عنده خبرة كبيرة في التصنيع و في نفس الوقت قدر يحول شغفه لبزنس في مجال المطاعم
في الحلقة التعريفية من بودكاست في المصنع، هنشرح ليه عملنا البودكاست، إيه المواضيع اللي هنناقشها، وإزاي هيكون مفيد لمديري وأصحاب المصانع، وكمان للمهندسين المهتمين بمجال التشغيل والإدارة الصناعية.
هتعرف:
الهدف من البودكاست.
نوع الحلقات اللي جاية (أفكار عملية، استراتيجيات، تجارب من أرض المصنع).
ليه البودكاست مختلف عن المحتوى التقليدي.
دي أول وردية… بداية المشوار عشان نفتح باب النقاش حوالين التصنيع، وازاي نطوره خطوة بخطوة.