hoi zäme✨ ih dere folg redemer drüberd wie mir üsi fründschafte pfleged. Wieso sprachmemos vo friends mengmal fluech und sege sind und dases d‘flavia unverschämt finded, wemmer ihri memos uf 1,5 oder sogar 2-fachi gschwindigkeit lost.
jenny verzellt wiesos mitere fründin grad ned so rosig gloffe isch und was sie degege gmacht hed.
und gege de schluss chunt au no churz d‘frag uf, öb mir zwei SCHO 24gi sind oder ERST 24gi sind. einig simmer üs da ned würkli worde. vill spass bim dri lose!👯♀️
🔗 Artikel zu Performative Male Contest: https://tsri.ch/a/iced-matcha-und-labubu-so-lief-zuerichs-performative-male-contest
hoi zäme ✨ ih dere folg redemer drüber, was eus scho alles über euse podcast z'ohre cho isch. vo guet gmeintem feedback, bis hin zu kritik isch alles echli debi. au, was sich eusi fründ:inne oder fremdi mengisch denked. . .
aber apropos kritik, mer redet au churz über en artikel, wo über euse podcast gschribbe worde isch, bespreched, was mer drus glernt hend und wo eusi grenze sind, wo selbst mir denked "das seg ich jetzt lieber nöd ide öffentlichkeit".
denach machemer en churze abstecher uf las vegas, wo d jenny vom casino verzellt. ob sie de jackpot knackt het und was sie vom ghypte "japanese scalp spa" haltet und no vill meh, ghörsch ih dere folg. vill spass bim lose 😘
Mom'N'Bass Party: Link
hoiiii zäme ✨ ih dem EXTRAudio grassemer nöd eis, sondern grad mehreri theme ab. zerscht verzellt d'Flavia vonre dating-erfahrig mit cringe potenzial: während en typ sich vor ihre uszieht, isch sie komplett überfordered mit de situation. was sie schlussendlich gmacht het? und wie d'Jenny reagiert hetti? das erfahrsch bim drilosse. usserdem begegnet d'Jenny mal wieder glichgsinnte steckdose-suechende am HB, nachdem sie fascht öppis klaut het. aber apropos diebstahl. was mir scho alles klaut hend, verratemer denn geg de schluss, denne wo denn no dra sind. 🤫 vill spass bim drilosse! ✨
hoi zäme ✨ ih dere folg redemer über die grosse und die chline schiiterhuufe, wo mir zwei scho gleit hend. d'flavia verzellt zum ihstieg, wie d'jenny letschtens bim gmeinsame gang id brauerei gschiiteret isch, während d'jenny findet «schiitere» isch ahsichtssach. denach füehred d'jenny und d'flavia en diskussion drüber, ob de flavia ihre weg zum höhepunkt mit schiitere verbunde isch, oder doch eifach eh reini erfolgsgschicht? geg de schluss redemer über chlini sache ah denne mer im alltag schiiteret, warum d'jenny an aletschgletschter denkt und mer erinneret eu gern dra mal wieder euri passwörter z manage 👀 schön bisch da und danke fürs drilosse ⭐️ vill spass!!!
hoi zäme! ✨ ih dere folg wirds EHRLICH!!! Mit de Fernseh-Moderatorin Lynn Grütter hemmer über s'Thema Nied & Gönne gredt. Mer sind ih verschiedeni Gschichte ihtaucht, hend eus gegesiitig gfragt, wenn mir s letschte mal niedisch gsi sind und verzellt, wie mir versueched mit dem Gfühl um z gah.
Ih dere Folg gebemer eus offe und ehrlich, will d'Flavia verrated warum sie niedisch gsi isch uf d'Lynn, d'Jenny verratet was früehner ihri gröschti unsicherheit gsi isch und uf wer sii drum niedisch gsi isch, d'Flavia git zue wenn sie niedisch gsi isch uf d'Jenny und d'Lynn verzellt wie sie Nied und Gönne so ide Mediebranche erlebt.
Und was macht mer, wenn mer mal de eigene Fründinne öppis nöd chan gönne??? Das und meh, beredemer ih dere folg! ✨
Viel Spass bim drilosse!!!
hoi zämme! ✨ ih dere folg verzellt d'flavia warum sie ernsthaft d'handynummere voneme 93-jährige het welle und wie er sie denn aber korbt het (autschhhhh), denach verzellt d'jenny vonre interaktion mitme typ im zug, aber d'flavia cringed sich nurscho bim zuelose eine ab 😵💫
(TW) ca. ab minute 25 räbblets chotz-gschichte: d'flavia rööhred is taxi und de jenny flügt erbrochnis um d ohre. zum schluss schwelgemer in erinnerige an en gmeinsami limousinefahrt mit cringe potenzial und d'flavia verrated wie d'jenny sie mengisch triggered.
das ALLES und meh, ih dere folg 🥰 und übrigens: hüt fiiremer 1 jahr fiasko famoso , say whAaaaat??? 🥹 drum danke, dass du immer wieder bi eus ihschaltisch!!
hoi zämme!!! für die folg hemmer eu nach spannende inputs gfrögt & ihr hend sowas vo delivered 💅🏼 mir bespreched ...
- ... für welle typ sich anonymi person 1 entscheide söll zum wiiter date. zur uswahl staht: a) de dude mitem gliiche humor wo aber sis lebe nöd im griff het oder b) de neui crush, wo aber vier jahr jünger isch 🧐
- ... was mer mache chan, wenn mer s vertraue unwiederbringlich verlüürt? (will de papi s'mami betroge het) ❤️🩹
und
- ... s dilemma vom mister X: er git zue bim date meh erfolg mit fraue z haa, wenn er nöd mit offene charte datet und sich rar macht. was sini gründ defür sind und was mir devo haltet, erfahrsch alles ih dere folg!
vill spass bim drilosse❣️
Ih dere Extra-Folg erwartet dich es ✨Potpurri ✨ ah Gschichte, wo du so wahrschinlich nonie ghört hesch. D'Flavia verzellt vomne Massage-Horror und warum sie im Takt gstöhnt het, gfolgt vonre Story wie d'Jenny und ihre Fründ mit Fremde es Triple-Date gha hend.
Wer de Massage-Magnus isch, warum sich d'Jenny inre «Lebensfuge» befindet und d'Flavia sich ab Vögel freut, erfahrsch alles ih dere Folg.
No öppis vorweg: Schmunzler sind garantiert! Aso viel Spass bim drilosse. 😘
P.S.: Im August chunt jedi Wuche en Folg online. Ohni Kategorie und Oberthema tüemer ih denne EXTRAudios eifach druflos schwätze. Eifach so, willmer Luscht und Freud hend das mal us z probiere. :) Falls dir die Folg also gfallt, lahn eus gern en Kommentar oder en 5-Stern-Bewertig da. DANKE ❣️
hoi zäme 🍹 will die meiste momentan im ✨vacay mode✨ sind, hend mir ih dere folg eusi lustigste, schlimmste und nervigste ferie stories uspackt.
was dich ih dere folg erwartet: d'flavia verzellt devo wie ihre papi sich früehner als wingman ihgsetzt het, d jenny büglet schmetterling und findet es git "type A fun" & "type B fun".
nacheme churze brülle-exkurs nimmt die folg so richtig fahrt uf, wenn die zwei in erinnerige vo ihrne abentüür uf mallorca schwelged, wobi speziell de abig am ballermann debrieft wird.
du erfahrsch, warum du spötischtens nach dere folg immer würfel für d'ferie packe söttsch und nöd z letscht bechömeder no en exklusive ihblick id ahfäng vo dem podcast.
mer hoffed ihr lossed das irgendwo schöns, piña-collada-schlürfend und gnüssed d folg 😘 vill vergnüege!
Hoi zäme! 💫
Ih dere Folg redemer über es zwar umstrittnigs aber es sehr wichtigs Thema: Schwangerschaftsabbruch. Eusi Kollegin d'Selina (Name gänderet) het ih de 12. Schwangerschaftswuche abtriebe und verzellt ih denne rund 100 Minute vo ihrere Erfahrig.
- Wie het sie reagiert und ghandlet, wo sie erfahre het, dass sie schwanger isch?
- Wie isch d'Vorbereitig und d'Durchfüehrig vode Abtriebig abgloffe?
- Wie het sie das mit ihrem starke Glaube chönne veribahre?
- Wie het ihres Umfeld reagiert?
- Und was het sie gern früehner gwüsst?
Imne offene Gspräch besprechemer all die Frage & Antworte ih de Hoffnig dem Thema meh Ruum z‘geh.
Triggerwarnung: Ih dere Folg redemer sehr explizit und im Detail über de Selina ihri Erfahrig vom Schwangerschaftsabbruch. Falls dir das Thema nöch gaht oder Unwohlsii bewirkt, überleg dir bitte ob du die Folg mit öppertem zäme möchtisch lose oder ob du sie überhaupt möchtisch lose. 🫶🏼
Falls du grad aktuell Hilf oder Unterstützig bruchsch oder öppert kennsch, wo das brucht, findsch da en hilfriiche Links:
🔗 Verzeichnis der Fachstellen sexuelle Gesundheit: https://www.sexuelle-gesundheit.ch/beratungsstellen?city=&radius=500&topic=Schwangerschaftsabbruch#consultancy_search
Hüt redemer über eusi vier Ex-Boyfriends. Je zweimal hemmer glitte und bi de eine isch die letschti trennig no gar nöd so lang her.
Ih dere Folg verrated d'Jenny wie ihres Herz broche worde isch und d'Flavia verzellt, wenn ihres Selbstwertgfühl vom OG is EG abe isch.
Mer redet über eusi Schlussmach-Gründ und überlegged, wie echt de beschti "Break-Up" usgseht. Usserdem besprechemer euri Inputs zum Thema und man(n), oh man(n), sind die herzzerrisend und truurig. . . aber au schön!
Vill spass bim drilosse! <3
D'Jenny het mal en herte Crush uf de Schauspieler Sandro Stocker gha – so verschosse ih ihn, dass sie weg Herzrase en Apothek ufgsuecht het. Zumindest isch das so im Werbespot, wo die beide zemme 2018 dreht hend (Link wiiter unne).
Die beide verbindet nöd nur d Liebi zu de Kamera, sondern au ihres Doppelbürgertum als Schwiiz-Latinos. Ih dere Folg packt de Sandro us über sis (Dating-) Lebe als Schauspieler in Peru, mer diskutiered d Unterschied zwüsched de Schwiiz und Südamerika & studieret über eusi Definition vo «Dihai».
Usserdem konfrontiert eus dasmal ide Slanguage School d'Flavia mit Innerschwyzer Wörter. Geh hets en heibsch gueti Folg. (ja gsehsch, da muesch etz halt sauft drilose zums checke.)
Vill Spass debi 😘✨
Hoooi zäme! Ih dere Folg machemer nomal en Chopfsprung ih eusi alte Tagebüecher. Jenny twerked ade Olma, verlüürt ihres Handy und chunt ufs Lebe nümm klar während d‘Flavia zitternd amne Crush ihri Liebi biechted. Usserdem redemer drüber warum d Flavia us de Chille ustrette isch und wieso d Jenny en Rudelmensch isch. Vill Spass bim driilose wünsched,
Flavia und Jenny ✨
P.S.: Am 14.06. isch feministischer Streiktag. Mir zwei sind denn au am Start und würed üs riesig freue wenn vo üch da usse au paari mit eus wend mitcho. Schriebed üs uf Insta @fiaskofamoso und mir gebed üch Standort und Ziit dure, wommer üs treffed.💜
Hoi zäme! Ih dere Folg hemmer sie endlich mal füregholt – eusi alte Tagebüecher (oder wie d'Jenny lieber seit: «JoUrNALs».) Mer lesed niedergschriebeni Stories vor, vo denne mir bis hüt denkt hend, dass sie NIE irgend öppert anderscht wird z'Gsicht becho. 👀 Et voilà – fürre cho isch es eisiitigs Liebesdrama, en abservierte Chellner (pun intended), en hotte Polizist und mööööglicherwiis no en Sprachmemo vomne früehnere Crush. 🔥 Vill spass bim dri lose und luege. :)✨ LG Flavia & Jenny!
Flavia: "Min Brüeder isch behindered."
Anders Chind: "Mine au hahaha."
Flavia: "Nei, also er isch so richtig behindered."
Die Konversation hed d'Flavia als Chind oft mit anderne Kids gha. Ihre Brüeder hed nemli en geistigi und körperlichi Behinderig. Wies gsi isch mit ihm ufz'wachse verzellt sie ih dere Folg.
Mir diskutiered au über s'richtigi Wording und öbs das überhaupt gid und wasmer bi Mensche im Rollstuehl uf kei Fall söll mache. Für all das hemmer mitem Raphaël, de Sina und em Damian greded, wo selber mitere Behinderig lebed.
Agile ist der Schweizer Dachverband der Selbsthilfe- und Selbstvertretungsorganisationen von Menschen mit Behinderungen. Wir vertreten die gemeinsamen Interessen von allen Menschen mit Behinderungen und verteidigen ihre Rechte.
Bi de einte juckts und bi de andre brennts – d'Red isch vo Blaseentzündige und Vaginalpilz. 🤮 Und wenn ihr eu etz fröged. . . JA, mir ghöred beidi zu denne Fraue wo statistisch gseh oft drunter liedet. . . ☹️ Du nöd? Lucky you! Los doch trotzdem dri, demit du in Zuekunft anderi Fraue und Mensche mit Vulva besser verstahsch oder d'Tipps chasch wiitergeh! Wer drilosst weiss nachher au, was es mitem Folgetitel uf sich het und warum mer sini Blase au mal «Bitch» sött nenne.
Usserdem füehremer en neui Kategorie ih, wo d'Flavia uf Anglizisme trifft. 🔥 D'Flavia erklärt grad no, warum sie ältere Lüüt öpis bewiese will und d'Jenny git zum Schluss nurno Orgasmus-ähnlichi Tön vo sich. . . – drilosse lohnt sich!
Was passiert wenn en Podcasterin und en Podcaster ade Fasnacht ufenand treffed? 👀 Richtig! Sie planed eh gmeinsami Folg. 🙂↕️ Welli zwei Persone die Collab-Folg is Rolle bracht hend, erfahrsch ide erschte paar Minute. Denach folgt eh hitzigi Debatte über die schlimmste Red 🚩und die tollste Green Flags. 💚 Mit em Simi und em Coco vom Podcast «Bünzlitalk» hemmer Moralapostel gspillt, eusi Lachmuskle trainiert und de eint oder ander Witz us de unterste Schublade uspackt. Vill Spass bim lose wünsched: Jenny & Flavia :)
Links:
Ih dere Folg redemer über alles, was mer bereued gmacht z haa oder bereued nöd gmacht z haa . . . 👀 und mer redet au drüber was mir vo Pornos halted. Drum liebi Eltere & Vorgsetzti, falls ihr wiiter als Minute 42:00 glosst hend, no you didn't! 🙂 Mer wünsched eu vill spass bim drilosse und DANKE für's drilosse! <3 Jenny & Flavia
Ih dere Folg nehmemer folgendi Frage usenand:
Was würemer mache, wenn alles 100%-ig garantiert wär dases klappt? Wo gsehmer üs ih 5 - 10 Jahr und was macht üs Angst wemmer id Zuekunft lueged? 🤔
Bi wem s'Thema Mami werde scho Druck uslöst und wer nöd ahsatzwiis dra denkt: losed dri, findets use und villicht chönder ja bide einte Sache relate. 🤓
Links:
Herzlich willkomme bi «Fiasko Famoso»! ✨ 🪩
Ih dere erschte "richtige" Podcastfolg unterem neue Name «Fiasko Famoso» redemer über Fründschafte in Retroperspektive. Mer kläred uf was d'Flavia inre Fründschaft vo früehner besser hetti chöne mache, ih wellere Zwickmühle d'Jenny steckt und verzellet Gossip vomne Klassetreffe. Aber au die chline Freude im Lebe wie Schnudderlümpe und Glückskeks chömed vor.
Mir wünsched gueti Unterhaltig bim drilosse & lönd eus gern wüsse, wie eu die Folg gfalle het 🫶🏼 teile, kommentiere, bewerte is much appreciated! <3
LG Flavia & Jenny