Сустрэча на Алясцы і новы Цой — Еўразум за 15 жніўня | Новости Беларуси за 15 августа by Euroradio

5 верасня варшаўская Progresja ператворыцца ў эпіцэнтр беларускай музыкі. Бо менавіта там сёлета адбудзецца чацвёрты фестываль Graj, які збярэ нашых улюбёных выканаўцаў: Naviband, Крамбамбуля, Петля Пристрастия, Biaz Nazvy (:B:N:). Але гэта яшчэ не ўсё! Спецыяльны госць — падляскі дуэт Sw@da x Niczos. Карацей, гарантавана будзе горача. Ці не змянілася з часам ідэя фэста і з якімі праблемамі найперш давялося (а магчыма, і да сёння даводзіцца) сутыкацца арганізатарам? Ці застаецца ў беларусаў за мяжой цікавасць да свайго і ці завітваюць на імпрэзу палякі? Чым адметны сёлетні фэст і якія сюрпрызы рыхтуюць наведвальнікам арганізатары і музыкі? На гэтыя ды іншыя пытанні ў эфіры Еўрарадыё адказваюць суарганізатарка фэсту “Грай” Інэс Сянкевіч і фронтмен гуртоў Volski і Крамбамбуля Лявон Вольскі

Чаканні ад сустрэчы Трампа з Пуцінам у розных экспертаў дыяметральна супрацьлеглыя: адны перакананыя, што Трамп здолее прымусіць Пуціна да спынення агню і пачатку трохбаковых перамоў з удзелам Зяленскага (а магчыма, і прадстаўнікоў ЕС), іншыя лічаць, што Пуцін ізноў “перайграе” Трампа. За ўсімі гэтымі сапраўды важнымі для рэгіянальнай бяспекі падзеямі на задні план адыйшлі як тэма вызвалення беларускіх палітвязняў праз перамовы Мінска з Вашынгтонам, так і тэма Беларусі ўвогуле. Ці варта чакаць прарыву ад перамоваў на Алясцы і што на гэты конт мяркуюць у Белым доме? Як перамовы па спыненні вайны ва Украіне ўплываюць на беларускі перамоўны трэк з Вашынгтонам? Ці можа быць падтрыманая ў Белым доме ідэя беларускіх дэмсіл наконт правядзення круглага стала з рэжымам і ці ёсць у дэмсіл стратэгія адносна ЗША? На гэтыя ды іншыя пытанні ў эфіры Еўрарадыё адказвае амерыканіст, дарадца Агенцтва еўраатлантычнага супрацоўніцтва Антон Пянькоўскі

На фоне пагаршэння сітуацыі з міграцыйным заканадаўствам у шэрагу краін Еўрасаюза і ЗША рашэнне Германіі прыпыніць выдачу гуманітарных віз выглядае не больш, чым непрыемным момантам. Але насамрэч ён можа мець непрыемныя, а часам і катастрафічныя наступствы для беларусаў, якія шукаюць магчымасці выехаць з краіны з-за пераследу. Але насуперак усім гэтым пагаршэнням беларусы не апускаюць рукі і працягваюць рабіць сваю беларускую справу: праз прасоўванне нашых інтарэсаў, праз культурніцкую дыпламатыю. Што стала нагодай для такога рашэння ўладаў Германіі наконт гумвіз і якіх “сюрпрызаў” чакаць далей? Як за пяць гадоў у эміграцыі змяніўся стан культуры і культурніцкага менеджэменту і ці ёсць чым хваліцца? Ці адбудзецца сёлета на мюнхеншчыне ІV беларуска-нямецкі фэстываль культуры Minsk x Minga і з якой праграмай? На гэтыя ды іншыя пытанні ў эфіры Еўрарадыё адказвае сяброўка Пашыранай рады беларускага аб’яднання ў Германіі Razam, каардынатарка фестывалю Minsk x Minga, супрацоўніца Універсітэту Пасаў (The University of Passau) Хрысціна Дарапей

Дэмсілы сабраліся на Канферэнцыю Новая Беларусь, каб разам прапрацаваць уласныя праблемы. Часткова гэта атрымалася, але часткова — падсвяціла глыбокія супярэчнасці, якія так лёгка пераадолець. Пагаворым пра гэта з блогерам і палітыкам Аляксандрам Кныровічам. Таксама абмяркуем іншыя тэмы тыдня: напрыклад, як Лукашэнка са сваімі генераламі "рыхтавалі" візіт Пуціна на Аляску.

Трампіст-Лукашэнка і яго роля ў перамовах Расіі і ЗША — Еўразум за 14 жніўня | Новости Беларуси за 14 августа by Euroradio

“Прадуктовая” інфляцыя пабіла ўсе прагнозныя паказчыкі і выскачыла ў ліпені за 11%. Для тых, каму гэтая фраза ні пра што не кажа, можна патлумачыць проста: цэны на прадукты імчаць наперад, як хуткасны цягнік. Але, калі верыць кіраўніку Нацбанка Галоўчанка, то нічога страшнага няма, кошты “не разганяюцца”, а інфляцыя “не носіць спекулятыўны характар”. Што б гэта ні азначала, але відаць яно мусіла супакоіць беларусаў. Толькі не вельмі атрымліваецца. Бо нават калі ў краму не хадзіць і не палохацца коштамі, то можна паспрабаваць набыць сабе жыллё… Што “разганяе” інфляцыю і чаго чакаць бліжэйшым часам? Навошта Зянковіч вырашыў распачынаць гэтую справу і ці не асцерагаецца помсты з боку рэжыма? Чаму так рэзка падаражэў квадратны метр жылля і як хутка рэжым нацыяналізуе камерцыйныя банкі? Што адбываецца на рынку валют і як на курс долара можа паўплываць вынік сустрэчы Трампа і Пуціна? Гэтыя ды іншыя эканамічныя тэмы абмяркоўваем у жывым эфіры Еўрарадыё з эксперткай у сферы дзяржаўнага кіравання і міжнароднага развіцця, магістаркай эканомікі Алісай Рыжычэнка.

мя колішняга сябра Партыі БНФ Юрася Зянковіча стала шырока вядома ў 2021 годзе, калі яго выкралі супрацоўнікі КДБ у Маскве і даставілі ў Мінск. Яго, разам з Аляксандрам Фядутам і Рыгорам Кастусёвым, абвінавацілі ў “змове” і асудзілі на 13 гадоў турмы. Але ў выніку дамоўленасцяў з ЗША вымушаныя былі вызваліць праз 4 гады і 20 дзён. Зянковіч вярнуўся ў Злучаныя Штаты Амерыкі, грамадзянінам якіх ён з’яўляецца, але вырашыў пакараць тых, з-за каго ён страціў 4 гады жыцця. Якія існуюць юрыдычныя магчымасці прыцягнуць да адказнасці лукашэнкаўскія спецслужбы і ці рэальна гэта насамрэч? Навошта Зянковіч вырашыў распачынаць гэтую справу і ці не асцерагаецца помсты з боку рэжыма? Якія высновы зрабіў са свайго зняволення і ці верыць у магчымасць дыялогу з Лукашэнкам? Пра гэта і шмат што іншае мы і разважаем у жывым эфіры Еўрарадыё з былым палітвязнем, адвакатам, палітычным і грамадскім дзеячам Юрасём Зянковічам

14 жніўня ў эфіры Еўрарадыё — спікер Каардынацыйнай рады Арцём Брухан. Беларус з бел-чырвона-белым сцягам і беларус са сцягам чырвона-зялёным — абодва лічаць сябе беларусамі. Такім чынам, беларуская свядомасць у нас ужо ёсць. Іншая справа, што грунтуецца яна на розных падмурках. Але кожны з гэтых беларусаў хоча жыць сам і каб дзеці яго жылі ў сваёй дзяржаве, усе яны хочуць, каб гэтая дзяржава квітнела, каб не было вайны. І некалі мы здолеем паразумецца і жыць з рознымі меркаваннямі, але ў адзінай і сваёй краіне, перакананы Арцём Брухан. Пра тое, чаму так і не была сфармуляваная нацыянальная ідэя на дзяржаўным узроўні пры Лукашэнку, як нам захаваць сваю ідэнтычнасць у эміграцыі і ці будзе роў з кракадзіламі на мяжы з Расіяй, мы і разважаем у праграме “Ідэя Х” з Арцёмам Бруханам.

Ці заўважаць у Мінску справаздачу Дзярждэпа — Еўразум за 13 жніўня | Новости Беларуси за 13 августа by Euroradio

Дэпартацыя фэнаў Каржа з Польшчы — Еўразум за 12 жніўня | Новости Беларуси за 12 августа by Euroradio

Толькі ўзяўся за яйца — адразу малако прапала!” Бессмяротны афарызм аўтарства “крэпкага хазяйственніка” Лукашэнкі. Але насамрэч гэта не проста афарызм, а дакладнае апісанне ўсёй эканамічнай мадэлі, гэтым самым Лукашэнкам пабудаваный па лекалах любімага ім СССР. Апошні прыклад — сітуацыя са свінінай, якая раптоўна знікла ў Беларусі і якую давялося ў рэкорднай колькасці набываць у Расіі. І гэта ў памяці яшчэ сітуацыя з бульбай, якая таксама раптоўна знікла з паліц беларускіх крамаў вясной. Куды зніклі спачатку свінні з айчынных свінафермаў, а следам і свініна з беларускіх крамаў? Што адбываецца з інфляцыяй і як гэта адбіваецца на дабрабыце шараговых беларусаў? Як узнік рэкодны дэфіцыт у расійскім бюджэце і якое дачыненне гэта мае да Беларусі? На гэтыя ды іншыя пытанні ў жывым эфіры Еўрарадыё адказвае аўтар і вядоўца праграмы "Оптымум" на канале “Беларусы і рынак”, эканамічны аглядальнік Андрэй Махоўскі.

Тэма дыялогу апазіцыі і рэжыму Лукашэнкі, хай сабе гэта і не называлі дыялогам нацыянальным, узнікала ў беларускім асяродку як найменей некалькі разоў. А колькі разоў гучалі словы пра неабходнасць праз перамовы з рэжымам вызваляць палітвязняў — і падлічыць складана. Але вера, што гэтыя ідэі ў выпадку з Лукашэнкам спрацуюць, не знікае з часам. Ці вяртаецца з прыходам у палітыку новых людзей. Якія альбо не ведаюць гісторыю палітычных пераследаў у Беларусі, альбо проста перакананыя, што ў іх атрымаецца лепш. Асабліва калі адчуваюць, што на іх баку падтрымка Вашынгтона, Брусэля ці агульнай палітычнай сітуацыі ў рэгіёне… Ці зацікаўлены Захад у гандлі з Лукашэнкам за палітвязняў і ці рэальна такім чынам вызваліць усіх палітвязняў? Ці сапраўды патрэба нацыянальнага дыялога набыла сваю актуальнасць і ці пойдзе на яго рэжым? Якія ўражанні засталіся ад Канферэнцыі і ці не прыйшоў час дэмсілам задумацца пра змену стратэгіі і перамовы з рэжымам? На гэтыя ды іншыя пытанні ў эфіры Еўрарадыё адказвае палітычны аглядальнік Віталь Цыганкоў.

Паступова, але нязменна міграцыйная палітыка ў краінах Еўрасаюзу змяняецца не ў лепшы бок для мігрантаў. Адпаведна, з новымі выклікамі і складанасцямі сутыкаюцца і беларусы. Нават у выпадках, калі яны былі вымушаныя выехаць з Беларусі ў выніку палітычнага пераследу з боку рэжыму Лукашэнкі і маюць таму падцверджанне. Таму надзвычай важнымі з’яўляюцца людзі, структуры і ініцыятывы, якія дапамагаюць суайчыннікам вырашыць пытанні з легалізацыяй і ўсім астатнім. Тут можна ўзгадваць і Офіс Ціханоўскай, і Аб’яднаны пераходны кабінет, і нават КР. Але часцей бяруць на сябе цяжар дапамогі Народныя амбасады. Ці атрымліваецца ў Народных амбасад не толькі адвакатаваць інтарэсы беларусаў у сваіх краінах, але і дапамагаць з легалізацыяй ды іншымі праблемамі? Якія задачы вырашае дэлегацыя дэмсіл у ПАСЕ і ці ёсць практычная карысць ад працы гэтай дэлегацыі? Якія ўражанні засталіся ад Канферэнцыі і ці не прыйшоў час дэмсілам задумацца пра змену стратэгіі і перамовы з рэжымам? На гэтыя ды іншыя пытанні ў эфіры Еўрарадыё адказвае кіраўніца міжнароднай камісіі Каардынацыйнай рады, каардынатарка Народных амбасад Беларусі, актывістка беларускай дыяспары Славеніі Аляксандра Мамаева.

Фактычна кожная наступная пасля 1994 года электаральная кампанія па выбарах прэзідэнта Беларусі завяршалася фальсіфікацыямі, затрыманнямі кандыдатаў у прэзідэнты, разгонам пратэстных акцый і з’яўленнем у краіне палітвязняў. Што аўтаматычна прыводзіла да пахаладання адносінаў з Захадам і ўвядзення санкцый супраць рэжыму Лукашэнкі. Але праз пэўны час пачынаўся дыялог з Мінскам, які звычайна завяршаўся “гандлёвым пагадненнем” — палітвязні ў абмен на замарозку санкцый. І адліга ў адносінах з Захадам. На кароткі, звычайна, перыяд да наступных выбараў. Але пасля 2020 звычайны працэс пайшоў не па плане. Хоць размовы пра неабходнасць дамаўляцца (таргавацца) з рэжымам гучаць усё грамчэй апошнім часам. Што пасля выбараў і звыклых паслявыбарчах рэпрэсій пайшло не так і чаму пацяплення адносінаў пасля 2020 года мы так і не дачакаліся? Што перашкаджае Захаду пачаць перамовы з Лукашэнкам і ці атрымалася з дапамогай санкцый вызваліць палітвязняў? Ці існуе сапраўдная верагоднасць спынення рэпрэсій і ці можна верыць слову Лукашэнкі? На гэтыя ды іншыя пытанні ў эфіры Еўрарадыё адказвае экс-кандыдат у прэзідэнты, былы кіраўнік руху “За свабоду”, заснавальнік і кіраўнік Вольнага беларускага ўніверсітэта, пазаштатны дарадца Святланы Ціханоўскай у пытаннях еўрапейскага выбару Беларусі Аляксандр Мілінкевіч.

Сустрэча Дональда Трампа і Уладзіміра Пуціна пройдзе напрыканцы тыдня на Алясцы. Пра гэта, па словах прэзідэнта ЗША, ужо дамоўлена. І ўжо прагназуецца дасягненне нейкага паразумення наконт умоваў, на якіх будзе спачатку спыненне агню, а потым і (не выключана) заключаны мір ды спыненая вайна ва Украіне. Дакладныя ўмовы, на якіх Расія пагодзіцца на вышэй агучанае, пакуль не вядомыя, але і тое, што вядома, не выклікае энтузіязму ні ва Украіне, ні ў Еўропе. Пра перамовы і перспектывы спынення вайны лукашэнкаўскага рэжыму супраць беларускага народа ды пачатку нацыянальнага дыялогу актыўна апошнім часам разважаюць у дэмакратычнай частцы беларускага грамадства. Але паразумення і агульнага бачання працэсу і яга перспектыў таксама няма. Ці сапраўды мы сёння стаім перад адзіным выбарам: супрацьстаянне да перамогі альбо дыялог і ці магчымы хоць нейкі дыялог сёння з рэжымам? Што будзе, калі нацыянальны дыялог не распачнецца, і хто ад гэтага больш страціць? Ці існуе сапраўдная верагоднасць дасягнення міра ва Украіне і ці можна давяраць абяцанням дыктатараў? Гэтыя ды іншыя тэмы абмяркоўваем у штотыднёвым жывым эфіры Еўрарадыё з дацэнткай, кандыдаткай гістарычных навук, эксперткай па міжнароднай палітыцы Розай Турарбекавай.

Без скандалаў, дэмаршаў, прызначэнняў і непаразумення — якая ж “Новая Беларусь”? Правільна, як мінімум нецікавая. Бо, як кажуць знаўцы, усё вышэй пералічанае акурат і ёсць прыкметай дэмакратыі. Тым не менш, засталіся моманты, якія патрабуюць больш глыбокага і ўважлівага абмеркавання. Напрыклад, што дэмсілы могуць рэальна зрабіць для моладзі і для беларусаў ва Украіне. Якія “справы моладзі і студэнцтва”, а тым больш іх праблемы здольныя вырашыць дэмсілы і ці ёсць чым ужо у гэтым кірунку пахваліцца? Чым найперш мусіць займацца Місія дэмсіл Беларусі ў Кіеве і якія для гэтага ёсць рэсурсы? Якія ўражанні засталіся ў моладзевай часткі дэмсіл ад канферэнцыі і ці рэальна наладзіць супрацу беларускіх дэмсіл і Банкавай? На гэтыя ды іншыя пытанні ў эфіры Еўрарадыё адказваюць прадстаўніца па справах моладзі і студэнцтва Аб’яднанага пераходнага кабінета Маргарыта Ворыхава і кіраўніца Місіі дэмакратычных сіл Беларусі ў Кіеве Святлана Шаціліна.

Як Макс Корж у Варшаве выступаў — Еўразум за 11 жніўня | Новости Беларуси за 11 августа by Euroradio

На канферэнцыі “Новая Беларусь”, якая праходзіла 9-10 жніўня ў Варшаве, прысутнічала досыць вялікая група замежных гасцей — дыпламатаў, палітыкаў, прадстаўнікоў экспертнай супольнасці. І ажно некалькі чалавек прадстаўлялі на беларускім форуме Украіну. Сярод іх і вядомы сацыёлаг ды грамадсткі актывіст Дзмітрый Грамакоў. Той самы, які два гады казаў, што ўкраінскія ўлады тады сур’ёзна будуць ставіцца да беларускіх дэмсіл, а Зяленскі знойдзе час на сустрэчу з Ціханоўскай, калі яна прыгоніць на фронт некалькі Haimars ці хаця б Abrams-аў. Як з цягам часу змяняецца ва Украіне стаўленне да беларусаў і ад чаго гэтыя змены залежаць? Як успрымаюцца словы Сяргея Ціханўскага пра жаданне сустрэцца з Уладзімірам Зяленскім і ці такая сустрэча магчымая? Якія ўражанні ад беларускай Канферэнцыі і ці можна верыць слову Лукашэнкі пра вучэнні “Захад-2025”, якія “не нясуць пагрозы суседзям”? На гэтыя ды іншыя пытанні ў эфіры Еўрарадыё адказвае намеснік дырэктара і кіраўнік даследчых праектаў Міжнароднага цэнтра супрацьдзеяння расійскай агрэсіі, украінскі палітолаг Дзмітрый Грамакоў.

Экс-палітвязень Сяргей Ціханоўскі завітаў у студыю Еўрарадыё і расказаў пра грошы, свае эплвотчы, паездку ў ЗША і магчымую сустрэчу з Уладзімірам Зяленскім.