Ndue Fufi, dikur zëvendëskomandant i burgut famëkeq të Spaçit, si edhe drejtues në një sërë pozitash në riedukim dhe polici gjatë regjimit komunist, tregon përpjekjet e vogla dhe sakrificat e rrezikshme të një funksionari për t'i trajtuar të tjerët njerëzisht dhe për të mbajtur gjallë njeriun brenda vetes gjatë diktaturës brutale.
Studiuesi Elton Hatibi shpalos domethëniet e ekspozitës "Ikonat e Opiumit", ku pasqyrohet në mënyrë analitike, propaganda e regjimit komunist në Shqipëri kundër besimit dhe fesë.
ELEFANTI NË DHOMË #56 trajton krizën paszgjedhore kosovare, ngërçin e numrave për formimin e qeverisë së re dhe rikompozimin e skenës politike.
Labinot Gjini, Anëtar i Kryesisë së Aleancës për Ardhmërinë e Kosovës, diskuton sfidat e vendit përballë Serbisë, aleatëve perëndimorë dhe vetësabotimeve të vetë politikanëve kosovarë.
Gjithashtu, ai vë theksin te domosdoshmëria e një reforme gjithëpërfshirëse të realitetit partiak në Kosovë, duke filluar nga ligji zgjedhor dhe filozofia e funksionimit të forcave politike.
ELEFANTI NË DHOMË #55 Armanda Hysa: Shkatërrimi i pazareve dhe zhdukja e trashëgimisë kulturore
Artistja, fotografja Blerta Kambo diskuton në ELEFANTI NË DHOMË #54 mbi shtysën për arratisje, si një gravitet drejt rigjetjes së vetes në itinerarin Tiranë-Londër-Tiranë; mbi vështirësitë materiale të artistëve sot dhe format gati të pavërejtshme sesi mendësitë patriarkale dominojnë hapësirën dhe lëvizjen e shoqërisë.
ELEFANTI NË DHOMË #53 Marin Gjollma: Pranvera e Shenjtë, e bukura dhe skandali i muzikës klasike
Eksperti i komunikimit Bekim Shehu është udhërrëfyesi elokuent në eksplorimin e territorit abstrakt dhe shumëdimensional të podkasteve dhe të shndërrimit të individit në një agjenci mediatike, ku vullneti personal luhatet mes zgjedhjes së lirë dhe iluzionit të lirisë.Elefanti në Dhomë është një program bashkëkohor, i cili funksionon si një shartim mes podkastit dhe një emisioni televiziv, ku eksplorohet thelbi shpesh i padukshëm i realitetit përmes një drite të re.Nga Ervin QafmollaÇdo të shtunë, ora 22:30Web: https://www.a2cnn.comApp: https://www.a2cnn.com/appFacebook: / a2cnnInstagram: / a2cnnTwitter: / a2_news#ErvinQafmolla #ElefantineDhome #A2CNN #Shqipëri
ELEFANTI NË DHOMË #51 Vladimir Dushniku: Kryengritja e pensionistëve kundër Edi Ramës
Ad Disha, DJ veteran dhe promotor në skenën e muzikës elektronike, flet në ELEFANTI NË DHOMË #50 për zanafillat e këtij profesioni në Shqipëri, evoluimin e muzikës elektronike dhe sfidat e ditëve tona, kur egërsia hera-herës duket sikur mbizotëron mbi të bukurën.
Mamica Burda, arkitekte dhe pedagoge, analizon metamorfozën e Tiranës dhe shkatërrimin gradual të zemrës së qytetit, në ELEFANTI NË DHOMË #49. Gjithashtu, ajo analizon bukurinë e fshehtë të çka ende mbijeton, përmes një guide fotografike me komentar.
ELEFANTI NË DHOMË #44 me të ftuar 85-vjeccarin Esat Myftari, gazetar dhe studiues i lindur në Kosovë dhe i burgosur politik gjatë regjimit komunist në Shqipëri, analizon marrëdhënien e ndërlikuar dhe plot sekrete të diktatorit Enver Hoxha me çështjen e Kosovës. Me një tregimtari elokuente, faktike dhe plot ngjyra, Myftari heton me rrjedhshmëri sabotimin e qëllimshëm dhe sistematik që diktatori Hoxha i bëri kauzës kosovare.
ELEFANTI NË DHOMË #42 analizon realitetin e sipërmarrjeve të reja me të ftuar ekspertin dhe sipërmarrësin Gerti Boshnjaku. Çfarë e ndan suksesin nga dështimi, kufizimet psikosociale rreth nismave të reja në Shqipëri, dhe cilët janë ata që vërtet ia dalin, renditen ndër pikat kryesore të këtij episodi.
ELEFANTI NË DHOMË #41 aventurohet në territoret vetëm pak të ndriçuara të ekzistencës. Një ekspeditë filozofike në skajet e largëta të shkencave ekzakte me studiuesin Giulio Boraku, ku intelekti dhe arsyeja shërbejnë si e vetmja dritë në errësirën e pamat.
ELEFANTI NË DHOMË #40 trajton zgjedhjet e papritura, të pjekura dhe jetëndryshuese që bëjmë gjatë rrugëve tona, me Meri Dishnica, skenariste filmash dhe shkrimtare.
ELEFANTI NË DHOMË #39 me të ftuar këngëtarin Kosovar Kafu Kinolli, udhëton në ato hapësira ku muzika dhe adhurimi i Zotit përmes ritualeve të tarikateve të Islamit, gërshetohen duke krijuar kuptime dhe tinguj të rinj. Ky tregim flet gjithashtu për racizmin, një fëmijëri të thyer mes varfërisë dhe luftës, dhe pjekjen e një muzikanti i cili me gjuhën e stome këndon ode të pakoha.
ELEFANTI NË DHOMË #37 analizon problemet e mëdha të prodhimit “Made in Albania”, dhe ‘adoleshencës’ tërësore të Shqipërisë, me sipërmarrësin Sokol Kraja, njohës i thellë i ekonomisë dhe historisë së tranzicionit të shtetit shqiptar, njëherësh përfaqësues i prodhuesve vendas.
