22 ára karlmaður í blóma lífsins var á leið heim í frí frá vinnu til Winnipeg í Kanada í margra klukkutíma rútuferð. Á miðri leið er furðulegum manni hleypt um borð í rútuna og ENGINN gat séð fyrir hvað síðan gerðist, en lögreglumaður sem var fyrstur á vettvang tók eigið líf nokkrum árum seinna því hann gat ekki lifað með því sem hann hafði séð. Brútal þáttur gott fólk!

Mál dagsins er þekkt sem "The Valentine Murders" og átti sér stað á valentínusardaginn árið 1971 í Durham í Norður-Kaliforníu. Ungt par hverfur sporlaust þegar það yfirgefur háskólaball sem var haldið í tilefni ástarinnar. Það sem kom síðan í ljós skildi alla sem parið þekkti, samfélagið og yfirvöld eftir í yfirgnæfandi sorg og svo mörgum spurningum sem verður líklega aldrei svarað.

Renae var tvítug kona frá Sydney og var í ástarsambandi með Brayden, en hann sat í fangelsi. Hún hafði aldrei hitt hann eða talað við hann í síma en þrátt fyrir það, elskaði hún hann útaf lífinu. Þegar Brayden segir henni upp eftir 18 mánaða skilaboða samband kemst í ljós að ekki var allt eins og það sýndist og þá var orðið of seint að leiðrétta hlutina.

Tim var sjúkur í að brjóta af sér, vera óheiðarlegur og að komast upp með það. Hann var prestur, eða predikari sem allir sem þekktu hann, dýrkuðu- og trúðu allir að hann væri góður fjölskyldumaður. Hræðilegt slys á sér stað á heimili Tims, sem rífur fjölskylduna hans í sundur, en var það slys?

Andrea Mohr var kókaín drottning árin 1993-1996 og flutti kókaín í hundruðum kílóa frá Kólumbíu til Ástralíu. Þegar kærastinn hennar blandar sér inn í innflutninginn á efnunum tekur líf Andreu allt aðra stefnu og karma lætur hana borga fyrir lögbrotin.

Robert Hansen leit út fyrir að vera meinlaus bakari í Alaska sem afgreiddi lögregluna og aðra kúnna daglega í vinsæla bakaríinu sínu, stundaði veiðiáhugamál og var tveggja barna faðir og eiginmaður- EN, ekki dæma bókina út frá kápunni eins og oft er sagt. Hann fékk 461 ára fangelsisdóm þegar upp komst um hann.

Mindy Schloss er hjúkrunarfræðingur sem var á leið í mánaðarlega vinnuferð þegar hún hverfur bara eins og jörðin hafi gleypt hana og finnst hvergi. Þegar betur er að gáð er nágranni hennar frekar grunsamlegur náungi, en fljótt kemst í ljós að hann hafi mögulega eitthvað haft með hvarfið að gera.

Marti Hill var á leið í vinnuna einn morguninn þegar einhver bankar uppá hjá henni. Hún hinsvegar, endar óþekkjanleg og í lífshættulegu ástandi uppá spítala og er ekki hugað líf. Hver var ástæðan fyrir þessari árás og hver myndi vilja gera henni þetta?

Steven og Charlotte voru ástfangin uppyfir haus árið 2003 og lifðu hátt og dýrum lífsstíl saman í Sydney í Ástralíu. Eitt símtal kallar út allt slökkviliðið sem kemur að iðnaðarskemmu í Riverstone með læstum dyrum sem eru brotnar upp. En það er eitthvað allt annað en eldur sem tekur á móti slökkviliðinu þegar þangað var komið inn.

Eric Smith var skapstór 13 ára krakki sem var mikið strítt í skólanum fyrir að vera rauðhærður, með frekknur og þykk gleraugu á nefinu. Einn daginn þegar hann var að hjóla á leið í sumarbúðir, tók hann reiði sína út á hrottalegan hátt og sundraði fjölskyldum í sundur fyrir lífstíð.

Í þessum þætti segi ég frá myrku hliðum internetsins en það inniheldur meira af ólöglegum og viðbjóðslegum hlutum en við gerum okkur grein fyrir. Peter Scully var á flótta á undan lögreglu í 4 ár en hann framleiddi myndband sem seldist á dark web og lak óvart til almennings en það myndband var talið vera eitt af því versta sem sést hefur. Þátturinn er alls ekki við hæfi barna eða viðkvæmra.

Í þessum þætti segi ég frá hjónunum Bart og Krista Halderson sem hurfu sporlaust árið 2021 en það er ekki algengt að hjón týnist á sama tíma. Snapchat location skjáskot leiðir rannsókn málsins á réttu sporin.

Í þessum þætti kynni ég til leiks: The shoe fettish killer, öðru nafni þekktur sem The lust killer. Það var Jerry Brudos, virkilega veikur einstaklingur, sem myrti a.m.k fjórar konur til að svala sínum eigin fársjúku þörfum. En hann gekk enn lengra en margir aðrir morðingjar. Ég fer dálítið djúpt ofan í æskuna hans og ofbeldið sem hann bjó við alla ævi. Hann er kallaður the shoe fettish killer, vegna þess að frá því að hann var aðeins 5 ára, byrjaði að bóla á stigvaxandi, sjúkri þráhyggju hans, gagnvart hælaskóm og kvennærfatnaði.

Lenoria Jones fæddist inn í þennan heim eftir að hafa fengið kókaín á hverjum degi í 9 mánuði í gegnum naflastrenginn frá mömmu sinni, svo byrjunin á ævi hennar var virkilega sársaukafull og erfið. Hvorugir foreldrar hennar voru hæfir til að sjá um hana, enda ekki vitað einu sinni hver pabbinn var, svo frænka hennar sem elskaði börn tók hana að sér og allt gekk vel. Einn daginn fara þær saman í Target að versla og þá hefst martöð allra mæðra, sem er svo óútskýranleg að það er með ólíkindum.

Shana Grice var 19 ára og falleg stúlka frá Brighton í Englandi sem varð fyrir þeirri ömurlegu reynslu að fyrrverandi kærastinn hennar beitti hana alvarlegu ofbeldi og stalkaði hana daglega linnulaust. Lögreglan gerði lítið úr tilkynningum Shana sem á endanum fann fyrir vonleysi að þessi martröð myndi einhverntíman enda. Vegna aðgerðarleysi lögreglunnar, endar málið á versta mögulega hátt.

Í þessum þætti segi ég ykkur frá einu versta fangelsi í heimi sem er staðsett í Rússlandi og fangarnir þar eru af allra verstu sort. Raðmorðingjar, barnaníðingar, hryðjuverkamenn, mannætur og allra verstu skrímsli Rússlands þurfa að búa við hræðilegar og óbærilegar reglur og fer enginn þaðan- nema í líkkistu.

Málið í dag gerist árið 2004 og fjallar um morðingja sem er sagður hafa verið „raðmorðingi in the making“ en hann var aðeins 14 ára þegar hann myrti besta vin sinn og ætlaði að drepa annan vin sinn líka.

Í þessum þætti sem er í lengri kantinum, fjalla ég um sorglegt og óskiljanlegt morðmál sem á sér stað árið 2017 í friðsælu fjölskylduhverfi sem glæpir þekktust bara ekki. Pleskovic fjölskyldan var búin að upplifa í heilt ár óhugnanlegar mannaferðir í kringum heimili þeirra og tilraunir til innbrota en lögreglan gat ekkert gert þótt tilkynningarnar væru óteljandi frá fjölskyldunni. Þangað til eitt kvöldið, breyttist allt og yndisleg fjölskylda rifin í sundur á einu augabragði. Hver það var sem framdi ódæðið og hafði skipulagt það í marga mánuði mun kannski koma á óvart.