Jæja. Það hlaut að koma að því. Ferðalok. Endalok. Samlok. Síðasta plata AC/DC? Mjög líklega. Síðasta sinn sem Alltaf sömu plötu bræður tjá sig um AC/DC í heild sinni? Sannarlega. Eiga Tarfurinn og Birkir eitthvað eftir? Á AC/DC eitthvað eftir? Er þetta sama plata og síðast? Erum við að djúpgreina síðustu plötu einnar stærstu rokkhljómsveitar mannkynssögunnar? Er ekki bara best að láta þetta eiga sig...? Svarið er nei. Nei! Ræðum þetta! Klárum þetta. Takk fyrir samfylgdina, kæru hlustendur. Þetta hefur verið lærdómsríkt og ánægjulegt. Alltaf eitthvað nýtt í alltaf sömu plötunni. Það er engin lygi. Alltaf sama platan er í boði Matarbúðarinnar Nándin, Hafnarfirði. https://www.matarbudin.is/nandin/ Þátturinn er studdur af Luxor: Ljós // Hljóð // Mynd // Svið. https://www.luxor.is Snæfugl 2021.

Alltaf sama platan þokast nær endalokunum, eða hvað? Smári Tarfur og Birkir Fjalar hafa nú rætt allar plötur AC/DC til þessa og standa nú á Rock Or Bust, næstsíðustu plötu einna stærstu rokksveitar allra tíma. Hvað finnst þeim félögum og gesti þeirra um þessa plötu? Gestur þáttarins er Ólafur Torfi Ásgeirsson. Alltaf sama platan er í boði Matarbúðarinnar Nándin, Hafnarfirði. https://www.matarbudin.is/nandin/ Þátturinn er studdur af Luxor: Ljós // Hljóð // Mynd // Svið. https://www.luxor.is Snæfugl 2021.

MATARBÚÐIN NÁNDIN KYNNIR: Alltaf sama platan #13 - Stiff Upper Lip AC/DC drengirnir knáu fara inn í hljóðver síðla árs 1999. Stiff Upper Lip kemur út seint í febrúar 2000. Fjórtánda hljóðversplatan, í fullri lengd, er staðreynd. Tólf lög og tæpar 47 mínútur af rokki. Það eru fimm ár liðin síðan vel heppnuð Ballbreaker kom út. Hvað eru okkar menn búnir að kokka upp?? Þessi tími milli plattna er óvenju langur fyrir AC/DC sem alltaf vilja vinna. Þeir segja okkar að á Stiff Upper Lip hafi þeir leitað í ræturnar og þá sérstaklega sótt í blúsinn og einfaldleika hans. Gengur þessi nálgun upp? Kveður hér við nýjan tón? Er Stiff yfirleitt vel heppnuð plata og vanmetin? Köfum ofan í þetta dæmi. Köfum djúpt! Sérstakir gestir þáttarins eru Erla Stefánsdóttir, alt muligt tónlistar- og söngkona og söngkennari (Grúska Babúska, Dali, Vague Mother o.fl.) ásamt Hauki Viðari Alfreðssyni , hlaðvarpsmeistara (Besta Platan, Dómsdagur o.fl.) og tónlistarmanni (Morðingjarnir, Vígspá, Helvar o.s.frv). Erla og Haukur eru gamlir vinir Smára og Birkis og þetta er í fyrsta skipti í ábyggilega meira en tuttugu ár þar sem þau fjögur eru í sama herberginu á sama tíma. Því er um að ræða mikinn fagnaðarfund. Haukur greinir og garfar, Erla lætur mannskapinn heyra það. Alltaf sama platan er boði Matarbúðarinnar Nándin, Austurgötu 47, Hafnarfirði og Básvegi 10, Keflavík. Gómsætar matvörur bæði beint frá býli og stærri framleiðendum í einstakri verslun sem selur allt í gleri eða jarðgeranlegum umbúðum. Vöruúrvalið er ætlað til að mæta helstu þörfum heimila svo viðskiptavinir eiga að geta keypt inn fyrir heimilið sínar helstu vörur í umhverfisvænum umbúðum og skilað þeim. Birkir og Smári drekka glaðir te og seið frá Urta Islandica (https://webshop.urta.is/) Finnið Nándina á samfélagsmiðlum og fylgist með. Smellið á https://www.matarbudin.is/ Alltaf sama platan er kirfilega studd af Luxor: tækjaleigu og sölu. Ljós // Hljóð // Mynd // Svið. Tæki og þekking. Luxor eiga ljós, myndavélar, hljóðkerfi og skjávarpa til sölu og leigu. Luxor er þekkingarhús viðburða. Smellið á http://www.luxor.is og rannsakið.

MATARBÚÐIN NÁNDIN KYNNIR: Alltaf sama platan #12 - Ballbreaker Þögn þáttastjórnandi var ærandi eftir The Razor's Edge þáttinn rétt eins og þögn AC/DC eftir sömu plötu. Fimm ár milli platna er langur tími þegar AC/DC er annars vegar. Var sú bið þess virði? Þið komist að því að þætti loknum! En eitt er óumflýjanlegt... Phil Rudd snéri aftur og Jeremías, María og Jósef. Ha! Sérstakur gestur þáttarins er Ólafsvíkingurinn og AC/DC safnarinn geðþekki, Rúnar Hallgríms, en hann er líka sérlega öflugur velunnari Alltaf sömu plötunnar og teflir fram ljósmyndum og fróðleik um plöturnar sem við fjöllum um í hvert sinn sem þættirnir fara í loftið. Alltaf sama platan er í boði Matarbúðarinnar Nándin, Hafnarfirði. https://www.matarbudin.is/nandin/ Þátturinn er studdur af Luxor: Ljós // Hljóð // Mynd // Svið. https://www.luxor.is Snæfugl 2022

MATARBÚÐIN NÁNDIN KYNNIR: Alltaf sama platan #11 - The Razor's Edge Fyrir mörg er tímamótaplata AC/DC, The Razor's Edge, sú skífa sem gerði þau að unnendum sveitarinnar til lífstíðar. Snertifletir plötunnar við fólk um heim gjörvallan eru gríðarstórir og óteljandi. Þegar hér er komið við sögu er AC/DC orðin hluti af erfðarefni afþreyingar- og poppmenningar. Fyrir þær sakir einar má telja hana til sígildra verka. Á The Razor's Edge er að finna lag sem krossar yfir í svo mörg og ólíkleg að það eitt og sér er efni í rannsókn. Sérstakir gestir þáttarins eru Salome Hallfreðdóttir, útivistarkona og umhverfis- og náttúruvendarriddari ásamt Ragnari Ólafssyni, tónlistarmanni og söngkennara. Alltaf sama platan er í boði Matarbúðarinnar Nándin, Hafnarfirði. https://www.matarbudin.is/nandin/ Þátturinn er studdur af Luxor: Ljós // Hljóð // Mynd // Svið. https://www.luxor.is Snæfugl 2021.

MATARBÚÐIN NÁNDIN KYNNIR: Alltaf sama platan #10 - Blow Up Your Video Einhver vilja meina að allt hafi farið í skrúfuna hjá AC/DC á Blow Up Your Video. Hvernig fer þessi umdeilda plata í Smára og Birki árið 2021? Ef Fly On The Wall var vandræðabarnið hvað er þá þessi skífa? Sérstakur gestur Blow Up Your Video þáttarins er tónlistarkonan Alison McNeil sem spilar um þessari mundir í fádæma skemmtilegri hljómsveit sem heitir Laura Secord. Áður var hún í Kimono, þeirri mikilvægu og merku sveit. Alltaf sama platan er í boði Matarbúðarinnar Nándin, Hafnarfirði. https://www.matarbudin.is/nandin/ Þátturinn er studdur af Luxor: Ljós // Hljóð // Mynd // Svið. https://www.luxor.is Alltaf sama platan er tæknifrjóvgun Snæfugls.

Sumarfríið er að baki og AC/DC þrýstingurinn gríðarlegur á Smára og Birki og ber níundi þáttur Alltaf sömu plötunnar þess glöggt vitni. Æðibunugangurinn flæðir yfir bakka sína á sama tíma og það verður eitthvað tilfinningaspennufall í stofunni. Take a chance, take a bite. Rock 'n' roll devil take me tonight! Fly on The Wall, vandræðabarnið, er sannarlega ekki öll þar sem hún er séð. Sitt sýnist hverjum, eða hvað? Sérstakur gestur þáttarins er Fly on The Wall velunnarinn, Dr. Arnar Eggert Thoroddsen, blaðamaður, poppfræðingur og aðjúnkt við Háskóla Íslands. Alltaf sama platan er í boði Matarbúðarinnar Nándin, Hafnarfirði. https://www.matarbudin.is/nandin/ Þátturinn er studdur af Luxor: Ljós // Hljóð // Mynd // Svið. https://www.luxor.is Alltaf sama platan er tæknifrjóvgun Snæfugls.

Leikar æsast enn á ný, jafnvel meira en nokkru sinni áður, þegar Birkir og Tarfurinn taka flugsund í Flick Of The Switch með ófyrirséðum afleiðingum. Sérstakir gestir þáttarins eru tónlistarmaðurinn og Íslandsfræðingurinn John Evicci og Fríða Þorkelsdóttir bókmenntafræðingur og þýðandi. Alltaf sama platan er í boði Matarbúðarinnar Nándin, Hafnarfirði. https://www.matarbudin.is/nandin/ Þátturinn er studdur af Luxor: Ljós // Hljóð // Mynd // Svið. https://www.luxor.is Alltaf sama platan klaktist úr eggi Snæfugls.

Hrynbræðurnir Birkir Fjalar og Smári Tarfur fá kærkomna hvíld frá ægivaldi eldri og sígildari plata AC/DC er þeir stinga sér hressilega ofan í For Those About To Rock (We Salute You) með ófyrirséðum afleiðingum. Gestur þáttarins kemur ríðandi, á svartri þrumu, yfir öldur Atlantshafsins og málar myndir fortíðar. Alltaf sama platan er í boði Matarbúðarinnar Nándin, Hafnarfirði. https://www.matarbudin.is/nandin/ Þátturinn er studdur af Luxor: Ljós // Hljóð // Mynd // Svið. https://www.luxor.is Alltaf sama platan finnst í hreiðri Snæfugls.

Vinirnir Birkir Fjalar og Smári Tarfur tala saman um hið sígilda og ofurvinsæla tímamótaverk AC/DC, plötu nokkra sem nefnd er Back In Black. Gestir þáttarins koma síðan fagnandi og ljá þættinum rödd sína og upplifanir. Alltaf sama platan er í boði Matarbúðarinnar Nándin, Hafnarfirði. https://www.matarbudin.is/nandin/ Þátturinn er studdur af Luxor: Ljós // Hljóð // Mynd // Svið. https://www.luxor.is Alltaf sama platan rennur undan rifjum Snæfugls.

Highway To Hell er fagurt og hátt fjall til að klífa en á sama tíma er erfitt að kveðja Bon Scott. Þátturinn ber því dám af þessu, enda mikið af tilfinningum í spilinu. Verkefnið er ærið og ánægjulegt og í takt við það fá Smári Tarfur og Birkir Fjalar þrjá mæta gesti sér til fulltingis. Þátturinn er studdur af Luxor: Ljós // Hljóð // Mynd // Svið. Alltaf sama platan rekur rætur sínar í hreiður Snæfugls.

Vináttuhólkarnir Birkir Fjalar og Smári Tarfur hlaða í þvílíkan vaðal sem hverfist um fjórðu plötu AC/DC — Powerage. Gestir þáttarins ræna honum um hábjartan dag og allir græða! Þátturinn er studdur af Luxor: Ljós // Hljóð // Mynd // Svið. Alltaf sama platan rennur undan rifjum Snæfugls.

Birkir Fjalar og Smári Tarfur ræða þriðju alþjóðlegu plötu hljómsveitarinnar AC/DC, Let There Be Rock. Góðir gestur koma í heimsókn og segja frá upplifun sinni á plötunni. Þátturinn er studdur af Luxor: Ljós // Hljóð // Mynd // Svið. Alltaf sama platan er ungað út af Snæfugli.

Smári Tarfur og Birkir Fjalar ræða um plötuna Dirty Deeds Done Dirt Cheap með AC/DC ásamt góðum gestum.

Birkir Fjalar og Smári Tarfur ræða um upphaf hljómsveitarinnar AC/DC sem og fyrstu alþjóðlegu plötu hennar - High Voltage. Góðir gestir koma í heimsókn og segja frá upplifun sinni á plötunni.

Alltaf sama platan er hlaðvarp hvar Smári Tarfur og Birkir Fjalar fara yfir feril áströlsku rokksveitarinnar AC/DC frá fyrstu plötu til hinnar síðustu. Í þessum kynningarþætti fara drengirnir í saumana á því hvernig Alltaf sama platan kom til og hvernig þeir hyggjast nálgast viðfangsefnið. Einnig drekka þeir í þættinum mikið te. Skrifið Alltaf sama platan í leitarglugga Facebook og upp kemur vísir að samfélagi fyrir hlaðvarpið. Íhugið að ganga í bandalag með okkur á meðan að á þessu ferðalagi stendur. Alltaf sama platan birtist yður í krafti Snæfugls.