Xalaqadaan waxaa la sii wadayaa sida manhajka Qur’aanka u soo bandhigo xaqiiqada ilaahnimada isaga oo adeegsanaya sifaadka Allaah uu la gooniyada yahay ee aan cidi la wadaagin. Waxaa xalaqadan diiradda la saarayaa sida Ilaahnimada Allaah uga muuqaneyso qasbidda iyo hanashada uu ku hareereynayo kownka dhammaantiis adduun iyo aakhiraba. Sida uu Allaah u ogyahay, ulana socdo dhammaan axwaasha bani’aadanka ayuu u yahay qasbe awood badan oo hanta waxwalba oo adduun iyo aakhira ku saabasan, iyada oo aysan jirin meel looga cararo ama looga baxsado.