【Liām-koa Tâi-gí】
咱一直咧講，臺語歌是愈來愈有流行款，嘛愈來愈時行，但是到底啥物款號做是流行款咧？我想，這張《無礙》就是一个真好的說明。
蔡家蓁 - 〈無礙〉https://youtu.be/vHRlVPHPD5w
鬥陣來聽臺語歌，順紲學一寡仔臺語！
【Liām-koa Tâi-gí】
金曲獎34特輯 - 黃浩庭的《萬壽菊》
到底啥物是新的臺語歌咧？咱講遐爾濟，干焦猶毋捌斟酌來講過，這回咱就來講到底這是啥物——毋是啦，聽我講不如去聽伊唱，逐家緊去共這張《萬壽菊》揣來聽！講這是臺語歌，你敢欲信？
黃浩庭 - 〈一夜情〉 https://youtu.be/XrwKVFN-6ck
鬥陣來聽臺語歌，順紲學一寡仔臺語！
【Liām-koa Tâi-gí】
1990 年代，林強突然間一个衝紅，但是尾後，煞著無尾後。上無講到咱這馬 2023 年，知影這个人的一般民眾應該是真少矣，會知的人，極加是有咧注意臺灣流行音樂的發展的人，或者是差不多 40 歲以上的人矣。到底是發生啥物款的大代志，致使著林強的突然間來消失去咧？
林強 - 〈愛情研究院〉 https://youtu.be/m4MVV10YsLk
鬥陣來聽臺語歌，順紲學一寡仔臺語！
【Liām-koa Tâi-gí】
臺語的復振，以臺語歌的類型來看，總算是閣進入另外一个坎站矣！逐家原仔閣愛繼續落去，比起和人諍講臺灣人就愛共臺語保存落來，不如予逐家會用得佮意這个語言，這才是咱應該愛去骨力做、綿爛做的。
Aquaman - 〈陷眠〉https://youtu.be/kKBUgVHhWrA
鬥陣來聽臺語歌，順紲學一寡仔臺語！
【Liām-koa Tâi-gí】
向前行，至少，是1980年代的，出世的囡仔應該攏知影的一首歌。咱紹介遐爾濟臺語歌，當然袂用得無紹介這首真有代表性的歌。這首歌行佇咧解嚴時代的代先，算時彼時通人知的新臺語歌，當然這毋是上早的，但是不管如何，總是有伊的時代性意義。
鬥陣來聽臺語歌，順紲學一寡仔臺語！
【Liām-koa Tâi-gí】
你敢捌坐過暝車？是哈物狀況會來坐暝車咧？是因為時間鬥袂峇？是因為有不得已的苦衷？是想欲省錢？猶是暝車較緊較袂忝？咱就來聽看覓，減火器的這首真使人感動的長途暝車
滅火器 - 長途暝車 https://youtu.be/TAgVVc5hAiE
王壹珊 - 薄情郎 https://youtu.be/NXj2bKLXdNg
鬥陣來聽臺語歌，順紲學一寡仔臺語！
【jī sì la̍k tshit peh tsa̍p-liām】
清明是按怎有當時仔是 4 月 5 號，有當時仔是 4 月 4 號咧？你敢知影，閣有當時仔，清明嘛會佇咧 4 月 6 號喔！欲了解為啥物，咱愛了解真濟代志呢！
【jī sì la̍k tshit peh tsa̍p-liām】
日本想袂到竟然閣提著經典賽的冠軍矣！日本實在是真好𨑨迌，尤其是這馬，該有的有，該無的無。日本愛按怎來按排行程咧？交予 chatGPT 來鬥相共
【jī sì la̍k tshit peh tsa̍p-liām】
經典賽，經典賽，經典賽
相信有看比賽的人，應該到今猶閣會一直想著彼幾工比賽的情形，咱就來簡單紹介比賽的情形，
【Liām-koa Tâi-gí】
為啥物媠愛寫做是媠，袂用得寫做是「水」咧？啊我就較慣勢用水啊！其實語言的文字，一定愛有規範，使用的人有共同的認知，語言才有法度來流通。若是佮意寫啥就寫啥，逐家的認知是無仝款的，按呢語言和文字的使用，就無法度普遍起來。咱就來紹介上媠的花，嘛順紲來了解上媠的語言
蕭煌奇-〈上媠的花〉 https://youtu.be/W4dOifzE6R4
鬥陣來聽臺語歌，順紲學一寡仔臺語！
【Eric 講 12 分話】
因為武漢肺炎，造成袂少人了解真濟和疫苗相關的智識。毋過疫苗的資訊是百百種，咱久見的專題，就來紹介疫苗的類型和好䆀的分析，Eric 會用較容易了解的比喻，予逐家會用得聽有。上重要的，是欲予逐家知影，臺語嘛會用得用來學習，是完全無問題的喔。
請鬥分享予恁的親情朋友做伙收聽，逐家做伙來共臺語抾轉來日常生活 歡迎收看阮的 IG 佮面冊，勞力！ IG: https://www.instagram.com/taibee.podcaster/ 面冊: https://www.facebook.com/Taibee.podcaster/
【jī sì la̍k tshit peh tsa̍p-liām】
武漢肺炎已經進入一種較穩定的狀態矣，經濟、社會活動嘛已經漸漸來恢復原底的狀況矣，若按呢，咱敢閣有需要來去注預防射？
【Liām-koa Tâi-gí】
臺語有七聲八調，一般咱攏會用獅虎豹鱉猴狗象鹿來表示，毋過這馬除了這八字，猶閣有一首歌會用得來做練習，這首歌，歌好意闊，詞媠字活，好唱閣好聽，逐家若學起來，就會用得對臺語有基本的概念哦！
邵大倫 - 〈八音之歌〉- https://youtu.be/2Vgf2NyMOpc
鬥陣來聽臺語歌，順紲學一寡仔臺語！
【Liām-koa Tâi-gí】
臺語歌壇的二姊，江蕙對臺語歌壇的影響實在是真大，這是咱連紲三集來紹介著二姊，這回，二姊將更加濟的音樂元素，應用入來臺語流行歌曲內底，臺語流行歌，嘛因為按呢，所以予較濟年歲較細的人嘛會用得來接受。
江蕙、多明哥 - 〈雨夜花〉 https://youtu.be/g_GhqD4ou68
江蕙 - 〈半醉半清醒〉https://youtu.be/ZGBeC0W5W0s
鬥陣來聽臺語歌，順紲學一寡仔臺語！
【jī sì la̍k tshit peh tsa̍p-liām】
目一个睨，年節已經過一半去矣！身體已經開始 phi̍h-phi̍h-tshuah 矣。
【jī sì la̍k tshit peh tsa̍p-liām】
2023 年的開始就真鬧熱，就開始有人講結婚袂用得食辦桌，就愛辦佇咧食店才會用得。辦桌敢真正就較䆀過飯店？而且，你敢真正知影飯桌是啥物？這个故事敢袂傷過譀古？咱今仔日就來開講這个冤家勞債的新聞
【Liām-koa Tâi-gí】
歌詞內底，會用得表達各種的情感，但是著的情感，著的歌聲，嘛愛有著的編曲，這應該就是為啥物，陳建瑋的歌曲，聽起來攏遐爾仔峇的原因
陳建瑋 - 〈生份的情歌〉 https://youtu.be/F78fUF2auvU
鬥陣來聽臺語歌，順紲學一寡仔臺語！
【Liām-koa Tâi-gí】
大部份的人掠準臺語歌是最近才開始有來改變，其實是因為咱無好好仔來熟識臺語流行歌的發展。其實佇咧解嚴以後，就有一陣人，真骨力為著臺語歌來拍拚，遮的努力，當然嘛有對應的成果，這需要好好仔，予人來了解才會用得。
江蕙 - 酒後的心聲 https://youtu.be/Y1H22SMnS5M
鬥陣來聽臺語歌，順紲學一寡仔臺語！
【jī sì la̍k tshit peh tsa̍p-liām】
又閣是世界盃的跤球比賽……的結束矣。專工揀佇尾後才來向逐家講，逐家來看覓這回，咱又閣比四年前加了解偌濟咧？