「少年報導者‧誰來讀新聞」節目由中央廣播電臺與獨立媒體-報導者共同製播，以英、日、印、泰、越、菲以及臺灣台語、臺灣客語、粵語等9種語言，將臺灣的政治、社會、科技、文化等面向介紹給國際社會。
「少年報導者‧誰來讀新聞」節目由中央廣播電臺與獨立媒體-報導者共同製播，以英、日、印、泰、越、菲以及臺灣台語、臺灣客語、粵語等9種語言，將臺灣的政治、社會、科技、文化等面向介紹給國際社會。
伊斯蘭教(i-su-lân-kàu)的「齋戒月」（Ramadan）是穆斯林(bo̍k-su-lîm)一年內底上特別嘛是上重要的月份，雖然佇日時的封齋期間毋食毋啉，但是一到暗時，穆斯林厝內底攏會攢一桌腥臊的好料，邀請親情朋友做伙食開齋飯。所以齋戒月的飯桌毋但是家族朋友之間的「年度團圓」，嘛是生理夥伴彼此拜訪、交流跋感情的好時機。
2024年初，臺灣選出第16任總統佮第11屆立法委員，1,900外萬選民用選票共全世界展現臺灣的民主成果，就算講是一場公開透明順利的選舉，但是並無代表實踐百分之百的公平佮正義。臺灣是多元族群的社會，佇咱的土地有濟濟無仝款文化背景的人，佇這馬的政治制度之下，欲用選票來表達𪜶的心聲真困難，甚至𪜶根本是選舉的局外人(kio̍k-guā-lâng)。
2022年1月24，徛佇台北國賓戲院影廳內底，葉佳龍看著銀幕的「諸葛四郎」，目屎含目墘。1點鐘閣28分鐘的電影頭一改放影煞鼓，片尾字幕出現──「獻予我的老爸佮老母」，煞落來是長長的片尾名單，有出名的電影人，有參與募資的一般民眾。超過一千个名一一走過眼前，彼是成就這齣電影的每一个希望，想著遮，葉佳龍目屎滴落來。電影製作的這段時間，伊總是按呢，目屎含目墘、忍咧、攑頭，閣微微仔笑。