إزاي أقدر أعرف إن المبيد ده مسموح في الفراولة ولا لأ 😊
أول قصة نجاح لينا في البودكاست ده خارج القطاع الزراعي
كيف تتحول من غني إلي فقير 😌
لما تيجي تبص حواليك هتلاقي ناس كتيره كانت يوما ما أغنياء جدا ودلوقتي بقوا ناس عاديين وناس تاني كتيره عدت منهم وتجاوزتهم 😌
هل سألت نفسك مره ليه أو إيه إللي حصل 🤔
كنت سألت أحد المقربين مني محاولا الاستفسار منه عما حدث جعله يتراجع بشده ولقيته فعلا هو كمان متحير ومش عارف
بس اجابته كانت جميلة
أنا عمري ما خسرت بشكل كبير ( يعني عمري ما اشتريت حاجه بجنيه وبعتها ب ٧٠ قرش مثلا)
وعمري ما شربت سجارة ولا عملت حاجه وحشه ( يقصد مضيعش فلوسه في الحرام)😊
اومال إيه إللي حصل أنا بسأله رغم إني عارف الإجابة 🤔
بيقولي والله ما أعرف 🥲
الإجابة ببساطة هو الثبات وعدم تحقيق نمو في ظل اقتصاد تصخمي شرس أو حتي نظام عالمي مبني أساسا علي التضخم 😌
إنت متخيل إن الدولار بهيبته بسيطرته بقوة أمريكا إللي وراه فقد ٣٠% من قيمته آخر سنه لما تيجي تقارنه بالدهب 😌
و٥٠% من قيمته في آخر ٥ سنوات 😌
يعني إللي كان معاه ١٠٠٠ دولار من ٥ سنين دلوقتي يشتروا بس ب ٥٠٠ دولار يعني خسر نص فلوسه في ٥ سنين 😌
وإللي كان معاه ١٠٠٠ دولار من سنه يشتري بيهم دلوقتي إللي كان بيشتريه ب ٧٠٠ دولار من سنه يعني خسر تلت فلوسه 😌
ومره تانيه أنا بتكلم عن الدولار مش الجنيه المصري ولا الليرة التركي ولا الليرة اللبناني 😌
نرجع بقي للسؤال تاني إيه إللي يخلي واحد كان ماشي حلو ومحقق نتايج كويسه فجأة تلاقيه مش في السوق 🤔
عدم النمو ☺️
يعني إيه 🤔
يعني كنت بزرع ٥ فدادين فراولة من ٥ سنين وربنا بيكرمني كل سنه وكل أرباحي بصرفها علي أي حاجه 😊
المهم كل سنه بزرع الخمس فدادين بتوعي ☺️
دلوقتي أخينا ده بقي بيزرع في الحقيقة فدانين ونص بس 😌
واحد بيبيع اسمدة ومبيدات ب ١٠ مليون في السنه من ٥ سنين وهما هما ال ١٠ مليون لحد دلوقتي يبقي كده كأنه بيبيع ب ٥ مليون ☺️
خمس سنين كمان تلاقي أخينا إللي كان زارع ٥ فدان فراولة يادوب كأنه زارع فدان واحد 🥲
وبدل ما كان بيجيب دبابة وبيعمل عمره كل سنه بقي بيعاني عشان عاوز يجوز ابنه أو يجهز بنته ☺️
النمو معدش رفاهية في زمن ببقي بيحصل فيه انهيار للعملة بشكل رهيب 😌
الإقتصاد العالمي أساسا مبني علي فكرة التضخم لإنه مؤمن بنظرية الاقتراض وإن أخد الفلوس النهاردة أعمل بيها مصنع واسدد الفلوس دي من إنتاج المصنع علي ١٠-١٥ سنه 😌
وده غصب عننا بيأثر علينا كلنا حتي علي إللي بيبيع شرابات في الشارع 😌
بقول الكلام ده وأنا قلته اكتر من مره عشان الناس حبايبي يفهموا الحقيقة ببساطة ووضوح ويخلوا بالهم من فخ الاستقرار ☺️
وده زي ما بيسري علي كأشخاص أو شركات طبعا بيسري علي دولتنا ☺️
عشان كده دايما أقول مفيش حل لمصر غير النمو ثم النمو ثم النمو بشكل سريع وبأقصي درجة 😌
والدولة أساسا في حقيقتها عبارة عن مجموعة أشخاص وشركات
يعني لما الشركات و الاشخاص يحققوا النمو الدولة ذات نفسها هتكون بالفعل حققت النمو 👌
نفسي الدولة تقدر تحقق نمو ١٠% سنويا لمدة ١٠ سنين 🙏
لو ده حصل الناتج القومي هيتضاعف مرتين ونص 😳
حتي ساعتها التضخم لو زاد بقيمة مرتين ☺️
يبقي إحنا حققنا نمو حقيقي ٥٠%👌👌
الخلاصة إحنا في زمن سريع تنافسي وغير عادل
إللي ينام شويه فيه أو يريح هيصحي يلاقي نفسه خارج اللعبة 😌
آه عواقب النمو المتسارع وخيمة وممكن تلبس في الحيطة بس عواقب الثبات هي الموت المحقق 🥲
صباحكم جميل وكله علم وفهم ونمو ❤️🙏👌
عمر نايل صديقي الذي لم أكن اعرفه 😌
بس هو كان يعرفني جدا جدا جدا ❤️☺️
عنده أسئلة كتيره وقرر يسألها لي لايف بدون أي ترتيب 😌
الحقيقة اتطرق لحتت محدش سألني عليها قبل كده 👌
عمر نايل صديقي الذي لم أكن اعرفه 😌
عمر رحلة كفاح ومعافرة بيقع وبيتكعبل في حياته وبيخسر كل فلوسه ٣ مرات 😌
وفي كل مرة يقوم أقوي من الأول 👌
بصراحة مكنتش متخيل إن في حد من قرية بسيطة من مركز بدر يقدر يوصل للعالمية بالطريقة دي 😌
اسمعوا البودكاست ده وإنتوا تعرفوا ليه أنا في ذهول حتي الآن 😊
أهمية التعليم والعلم في بودكاست بالفلاحي بنرد فيه فيه عن التساؤلات عن إزاي د محمد ساب الطب وراح للفراولة
وهل ده حقيقي فعلا إن العلم والتعليم ملوش لازمة
في البودكاست ده بنتكلم فيه عن تقدر ازاي تكون وتدير فريق عمل كبير ومحترف
البودكاست ده يعتبر توثيق للتاريخ مع الحاج أحمد مرعي الغندور إللي بيحكي لينا الفراولة كانت فين وإزاي بقت كده دلوقتي
مين هو د محمد فوزي حجاب
وهو بيعمل
وعاوز يروح فين إيه
في البدودكاست ده بنتكلم عن التضخم وأسبابه وتأثيره علي الاستثمار بشكل عام وعلي الزراعة بشكل خاص
وهل البنوك مفيدة اقتصاديا في تحقيق النمو
في البودكاست ده بتكلم عن أهم ٥ قواعد في بيزنس الفراولة
سميتهم القواعد الذهبية
في البودكاست ده بتكلم عن إزاي العلم هو أقصر الطرق لخلق الثروات
في البودكاست ده بتكلم أنا لوحدي عن إزاي الاستثمار الزراعي صعب قوي في موضوع الاستدامه ده 😌
وإزاي نقدر نخليه يعيش معانا أطول فتره ممكنة 😘
في البودكاست ده هنتكلم عن الفراولة من منظور الأرقام 😌
ازاي فدان ممكن يجيب ٣٠ طن وفدان تاني يجيب ١٠ طن 😌
في الحلقة دي بناقش مع الحاج أحمد مرعي الغندور أهم ١٠ توصيات لزراعة الفراولة 🍓
أحمد حجاب Pepper King Ahmed Higabفي بودكاست بالفلاحي ❤️
في مفاجأه جميلة عملت حلقة إمبارح مع احمد حجاب Pepper King إللي بيعتبر دلوقتي أكبر منتج للفلفل المعد للتصدير في مصر ❤️
بسأله إنت بتنتج قد إيه دلوقتي 🤔
قالي تقريبا ٨٠% من أهم صنفين تصدريين 🙄
الحقيقة البودكاست فاجأني أنا شخصيا 😂
احمد طلع شايل في نفسه حاجات كتييير 😂😂
من أول رحلته وهو بيعاني لإنه طالب عادي من عائلة كلها متفوقين ☺️
لحد دخوله كلية الزراعة بدون حب ولا شغف 🥲
وإزاي هو نقل كلية التجارة برده بدون حب ولا شغف 😌
وإزاي هو قرر يسافر يشتغل بره مصر عشان يهرب من الواقع بتاعه إللي مش عاجبه هو شخصيا 😌
ورجوعه تاني ورفضه للدخل الممتاز الثابت إللي أبوه عمله ليه ( دخل مشروع الصيدلية ومشروع المعمل)😊
لبداية الانطلاقة في ٦ فدان ليه فيهم فدان واحد ☺️
والكعبلة بعد الغرور إللي جاله لما نجح في أول تجربة ليه في زراعة ال٦ فدان وافتكر كل حاجه سهلة ☺️
لانضمامه لشركة اجروتوبيا في أول سنه للتأسيس ❤️
ثم انتقاله لمشروع شراكة مع شركة محترمة وناشئة ساعتها وقد إيه بيحب وبيحترم صاحبها ومؤسسها وبيكن ليه الفضل حتي بعد ما سابها ❤️🙏
لقرار تخصصه في زراعة الفلفل
وليه مكملش في زراعة الفراولة 🤔
ورحلته في عالم الفلفل
من ١٠ فدان إلي ٥٤ إلي ١٣٥ إلي ٢٣٠ فدان 👌
الصعوبات والتحديات إللي قابلته 😌
الشغف إزاي رجع ليه وإزاي لقاه من جديد ❤️
حبه للنباتات عموما وللفلفل خصوصا ❤️
وإزاي هو مش بيحب يشوف النبات مرضان أو تعبان ☺️
وبيقولي أنا شايف إني عندي مسؤولية تجاه النبات ده ككائن حي سواء هكسب منه أو لأ 😊
مينفعش اشوفه مريض أو جعان أو عطشان واسكت 🙄
وإزاي شايف النباتات هي بقية عياله 🙄
زي ما بيقول دايما للرجالته لما كان زارع ١٠ فدان أنا عندي يحيي ومحمد و١٤٠ الف نبات 😂😂
طبعا دلوقتي بقوا ٢ ونص مليون نبات 😂
حلقة جميلة من شخص كلمة ناجح شوية عليه ❤️
عيبها الوحيد إنها كلها ضحك من 😂😂
فمعلشي استحملوا ضحكي لأني مقدرتش امسك نفسي وهو بيفاجأني بكمية الخواطر إللي كان مخبيها دي 🙏🙏
وبرده للأمانه هي طويلة شويه ☺️
شويتين تلاته ☺️☺️
لأني برده مكنتش عارف أوقف كلامه عن رحلته الجميلة إللي كنت أنا مش بس شاهد عليها 😌
لأ 😊
كمان مشارك في جزء كبير من احداثها ❤️
صباحكم جميل ونجاح وشغف 👌🙏❤️
في حوار مع صديقي مصطفي البرشومي إللي بيستضفني هو المرة دي وهو بيراجع معايا رحلتي في البيزنس من البداية