بهاي الحلقة بنحكي عن شعور كلنا مرّينا فيه بسن العشرينات… لما نحس إنو العمر ركض وإحنا ما عملنا ولا إشي. بس لو تفكّر شوي رح تكتشف إنو بالعكس… حياتك لسا هلا بلّشت، ولسا عندك وقت تجرّب وتغلط وتبلّش من أول وجديد. بنحكي قصص واقعية وأمثلة بتذكّرنا إنو كل واحد إله خط بداية خاص فيه، وما حدا متأخر.
إذا عمرك بالعشرينات وبتحس إنك ضايع… هاي الحلقة إلك.
كم مرة هربت من موقف، من مشاعر، من شخص، من فكرة، وفكرت إنك خلص ارتحت؟ بس بعد فترة، لقيت نفس الشيء راجع يطاردك بطرق مختلفة؟
بهالحلقة بدي تفكر معي بهل شي.... وين كنت قبل سنة؟ كيف كانت حياتك؟ شو كنت عم تخطط؟ وهل كنت تتوقع تكون بالمكان اللي أنت فيه اليوم؟ أحيانًا، التغييرات بتصير بدون ما نحس، وأحيانًا منكون عم نصنعها بإيدينا.
بهاد الموسم، بحب احكيلكم اني مش رح أكون لحالي—رح يكون معي شخص بيحكيلي عن تجربة,مشكلة او قصة صارت معاه وأنا رح أعلّق عليها وأشارك وجهة نظري. استنوني كل احد على الساعة 7:00 الصبح لنحكي قصص بداخلنا كلنا ما بتعرف يمكن تكون قصتك…و تكتشف إنك مش لحالك بهالدنيا!
بما انو صرنا ب 2025، صار الوقت نفتح صفحة جديدة ونصنع بداية مليانة أمل وحماس. بهالحلقة، رح نحكي عن أهمية البدايات الجديدة، كيف نترك الماضي ورانا، ونعيش كل يوم كأنه فرصة. رح نتعرف كمان على لوحة الرؤية (vision board)، وكيف نخلي إنجازاتنا الصغيرة تكون مصدر فخر.
"الخوف من المستقبل شعور بمر فيه كل واحد منا، بس هل هو حقيقي أو مجرد وهم من صنع خيالنا؟ بهالحلقة رح نحكي عن سبب خوفنا من بكرا، وكيف ممكن نتعامل معه بطريقة تخلي حياتنا أريح وأبسط. إذا كنت بتحس إن المجهول بخوفك، هالحلقة إلك!"
في هاي الحلقة من بودكاست بداخلي قصص، بنتعمق بموضوع كثير مننا بنواجهه يوميًا: ليش بنخاف نحكي "لا"؟ بنحكي عن الأسباب اللي بتخلي كلمة "لا" صعبة علينا، وكيف ممكن نحكيها بطريقة صح تحترم حدودنا وراحتنا النفسية. رح تشوفوا كيف كلمة "لا" مش ضعف، بالعكس، هي خطوة لحماية أنفسنا والحفاظ على طاقتنا لأولوياتنا. إذا كنتوا بتعانوا من محاولة إرضاء الكل على حساب حالكم، هاي الحلقة موجهة إلكم.
لما تحس الدنيا واقفة والشغف رايح، شو بتعمل؟ بهالحلقة، بحكي عن تحدي الاستمرار وقت ما بتحس إنك تعبان وما عندك طاقة تكمل. قصص ملهمة,نصائح بسيطة، وجرعة دعم تخليك تآمن إنك أقوى من الظروف.
في هاي الحلقة رح نحكي عن التغيير والشجاعة لماجهة مخاوفنا. لو كنت حاسس انه التغيير صعب او خايف من انك تفقد الناس من حولك لما تتغير فهاي الحقة رح تفتحلك ابواب جديدة لتفهم كيف تتغير لنسخة افضل من نفسك,استماع موفق
