طفل واحد يتحسّن... يعني عالم كامل اتغيّر 🌟
فيه طفل كل خطوة بالنسباله كانت تحدّي، وكل حركة حلم بعيد 😔
لكن فى لحظة اتفتح باب التغيير 👌🏻
الحلقة دي مش مجرد معلومات، ده امل لكتير من الآباء
هنفهم ازاي العلاج الطبيعي ممكن يكون طوق نجاة لطفلك، وازاي تدخل بسيط في الوقت الصح ممكن يغيّر كل حاجة 💯
هنعرف ايه العلامات اللي ممكن تكتشف بيها إن طفلك محتاج تدخل او عنده فعلا مشكلة، وازاي تتعامل معاه
دكتور أحمد عيد، أخصائي العلاج الطبيعي للأطفال، بيشاركنا معلوماته بخبرته الحقيقية ونصايح مميزة عشان تشوف طفلك بعيون حقيقية 🤍
كل طفل جواه بطل صغير… بس أوقات البطل محتاج حد يمد له ايده 🤝🏻
للتواصل مع دكتور احمد:
https://shorturl.at/1fntT
ال AI يترجم الأحلام مع MR.MOSTAFA
- أوقات بتخاف تتعلم حاجة جديدة لمجرد إنك خايف حد يقيمك أو خايف تغلط؟ لكن دلوقتي، الAI بيساعدك تتغلب على أي خوف! ✨ بيترجم أحلامك لحقيقة،
وبيساعدك تحقق هدفك في أي مجال، وخاصةً تعلم اللغات!
- الاهم ازاى تستخدمه؟ وايه عيوبه اللى لازم تعرفها وتتجنبها؟ ، وايه الصعوبة اللى ممكن تواجهها وانت بتستخدمه؟
- خلينا نهرب مع MR.Mostafa - مسؤول موارد بشرية بشركة فودافون
وتعرف ال AI ممكن يساعدك ازاى فى تعلم اللغة وتطور مسارك المهنى وايه الtopics اللى ممكن نركز عليها عشان يكون عندنا حصيلة لغوية اعلى
يلا نهرب/ انت الحاجز مع مستر محمد مجدى
إذا كنت تعتقد أنك تستطيع، فأنت على حق. وإذا كنت تعتقد أنك لا تستطيع، فأنت أيضًا على حق. "الأمر يرجع لك"
انت السبب ولست النتيجة، الأشياء لا تحدث لك بل من خلالك
عقلك الوحيد هو المسؤول عن اللى بتعيشه، الحياة هي 10% مما يحدث لنا و90% من كيفية تفكيرك فى الأشياء
الفلسفة وعلم النفس هما اللي بيحددوا منطقك فى الحياة ومدى تغيير عقلك لتحقيق هدفك
اتأكد أن الحاجة اللى انت خايف تعملها هى الحاجة اللى هتفرق جدا فى حياتك ، هى الانجاز اللى هتشكر نفسك عليه
انت الحاجز الوحيد بينك...وبين حلمك.
كلمة فاشل غير فشلت... فشلت هو مجرد موقف و فات وهتحاول تانى انما فاشل انت بتحكم على حياتك بالكامل!
الأمر يرجع لك !
يلا نهرب / حكاية وظيفة لغة مع HR Mostafa
مفيش وقت مناسب ولا فرصة مناسبة ولا ظروف مناسبة، اللي عايز يحقق حاجة هيلاقى ألف سبب عشان يحققها واللي مش عايز يوصل هيخلق أعذار عشان ميوصلش
انت مستني الولا حاجة.. مفيش فرصة هتجيلك وانت مستني، الفرص تُخلق لا تُنتظر
هنهرب مع HR Mostafa ، هو
HR Resourcing Specialist at Vodafone Intelligent Solutions (_VOIS)
خلينا نهرب معاه، وتعرف ازاى تطور نفسك فى أى لغة وازاى تبدأ كرير له علاقة باللغات، وايه الوظايف المتاحة فى المجال ده وازاى تقدر تكون مناسب ليها، وتعرف مميزات وعيوب ال call center
حاول تهرب وتطور نفسك وخليك فاكر مفيش باب هيتفتح لو انت مخبطش!
للتواصل مع HR Mostafa 👇🏻
https://shorturl.at/CJQY2
يلا نهرب/ استغل الفرصة مع د/ مدحت ابوطالب
ستفقد كل الفرص التى بين يديك لانك قررت عدم استغلالها وبحثت عن ما تظن انه الافضل
لكن دائما يقال لا تؤجل فعل ما يمكنك فعله فالفرص المؤاتية إن ذهبت لا تعود!
لو فاكر ان دايما فيه فرصة افضل ولازم تستناها او انك لو حاولت استغلال الفرصة اللي بين ايديك هتكون النتايج مش الافضل فحاول تفتكر دايما انك تاخد الفرص بنفس سرعة تفكيرك فى الاستنتاجات السيئة!
هنهرب مع د/ مدحت ابوطالب
هو executive manager و business consultant وبيساعدنا نطور نفسنا وازاي نكون افضل
خلينا نهرب معاه ونعرف ازاى نستعد وناخد اى فرصة قدامنا وازاى تقيم الفرص وتشوف هتقربك من حلمك ولا بتبعدك عنه وازاى اصلا تتأكد ان دي فرصة؟
وخليك فاكر ان فيه فرص مش هتتكرر ومفيش بعدها وقت مناسب إلا لو انت بقيت مناسب
للتواصل مع د/ مدحت ابوطالب
https://instagram.com/medhat.abutaleb?igshid=OGQ5ZDc2ODk2ZA==
يلا نهرب / ارسم عقلك مع د. أسامة الفخراني
لو شايف ان فيه حد يقدر يساعدك او ممكن يغير حياتك للافضل تبقا غلطان مفيش حد هيقدر يساعدك لو انت مش عايز تساعد نفسك
الاهم من السعى هو جودة السعى لو عايز تحقق اي شئ ابذل مجهود لتحقيقه الاساليب دايما واضحة الصعب هو انجازها
التحفيز والنمو مش فيديو او حلقة او محاضرة ... النمو والتحفيز عقلية مش عملية
هنهرب المرة دي مع د. أسامة الفخراني حاصل على DBA وحاليا mindset coach وبيساعدنا نحسن جودة حياتنا وازاى نرتب الأولويات وتقدر تنفذ هدفك من خلال action plan واضحه وبسيطة
حاول تهرب وتعيد كتابة قصة عقلك وترسم لوحة جديدة ليك ..أى شئ ممكن يكون محفز لكن انت وحدك من يصنع الفارق، وخليك متأكد ما انت فيه لك يد فيه
للتواصل مع د. أسامة 👇🏻
https://shorturl.at/efi45
يلا نهرب/ صحتك بتتنفس مع د. هشام المغربي
كام مرة قولت لنفسك هبدأ دايت من الاسبوع الجاي او انك لازم تروح الجيم ومش هينفع تضيع وقت اكتر من كده، بس بردو مش بتبدأ
لو فاكر ان صحتك مستنياك تبقا غلطان، كل يوم بيعدي بنظام غذائي غير صحي صحتك بتقل والمسافة بتبعد انك تكون افضل، لو شايف انك لازم تبدأ او تغير حاجة في حياتك، ابدء اعملها متستناش الظروف المثالية لانها مش جايه
اهرب لصحتك مع د. هشام المغربي واعرف ازاي تخلي صحتك ونظامك الغذائي افضل، وايه العادات اللي لازم تتجنبها وتساعد صحتك تتنفس
افتكر ان دلوقتى هو افضل وقت للهروب من عالم غير صحي وبداية صفحتك بصحتك
للتواصل مع د. هشام المغربي 👇🏻
https://bit.ly/3xLdzKb
https://bit.ly/3kt7m2b
يلا نهرب/ حماية المستقبل مع مهندس أحمد حسن
كل يوم بيبدأ عالم جديد مختلف ومتطور ، ومع كل تطور بتظهر تقنيات جديدة ، والتطور ده بيخلينا دايما في احتياج لحماية معلوماتنا من أي اختراق
عشان كده من أهم المجالات حاليا هو أمن المعلومات أو الأمن السيبراني ، والأكثر طلبا في جميع الشركات والمؤسسات لضمان سلامة بياناتهم من أي مخاطر او قرصنة
خلينا نهرب مع مهندس أحمد اللي هيعرفنا ازاي نبدأ ونطور نفسنا في المجال ده ، وازاي نبحث ونقدم على
positions
وازاي كمان تقدر تحمى نفسك وبياناتك
جرب تهرب لمجال مختلف وحاول تصدق حلمك وقتها هتقدر تحققه
قناة اليوتيوب
https://bit.ly/3W4hFHb
يلا نهرب/ ازاي تطور لغتك مع عبدالرحمن السيد
دائما يبدو الأمر مستحيل حتى يتم تحقيقه
المكان اللي انت عايز توصله انت تستحقه فحاول تجتهد شوية وتوصله
كل المجالات حاليا محتاجة ان يكون مستواك متقدم في اللغة
وبالتالي افضل طريقة تخليك تشتغل بسرعة في المكان اللي تختاره هي ان مستواك في ال
English
لازم يكون كويس
عشان كده هنهرب ونعرف ازاي نطور مستوانا وايه الاخطاء والمشاكل اللي بنواجهها بتمنعنا من التقدم وازاي نبدأ نغيرها ونجدد شكل يومنا
واتأكد ان مفيش حد يقدر يخليك فاشل من غير ما توافق... وانت اكيد مش موافق
خلينا نهرب ونساعد احلامنا توصل...
هروب جديد مع عبدالرحمن السيد
يلا نهرب/ ارسم على الارض مكانك مع أمنية عامر
الرسم هو أفضل ما يعبر عن ما بداخل عقلك بدون كلمات ، الرسم هو كلمات صامتة، ارسم الاشياء افضل مما تراها ليس فقط كما هي عليه
الرسم مش مجرد هواية، اتعلم خطوات البداية في المجال ده، وازاي تحوله من مجرد هواية لشغلك الاساسي ؟ ازاي تشارك شغلك وتعمل
portfolio؟
ازاي تطور من نفسك ؟
خلينا نهرب ونعرف..
الكون قدامك حاول ترسم على الارض مكانك مع أمنية عامر
قناة امنية 👇🏻
https://youtube.com/c/IllustrateWithOmnia
Instagram 👇🏻
http://instagram.com/omnia_makes_art
الحياة بين نقطتين
Dو B
B = Birth يوم ميلادك
D = Death يوم ما تنتهي قصتك في الحياة
فيه بينهم نقطة اسمها
C = choice
الحياة اختيار
يلا نهرب/ صحة الأسنان مع د/ محمد الأديب
تنظيف الأسنان اوقات بيكون غير كافي لسلامة الأسنان ودايما استشارة طبيب بيكون الاختيار الافضل
كل سنة من الاسنان متصلة بعضو من أعضاء الجسم وألم الاسنان ممكن يكون اشارة لبعض الامراض
خلينا نحافظ على كل نعمة ربنا أنعم علينا بيها ، ممكن كلمة واحدة تغير حياتنا للافضل
هنهرب ونعرف امته افضل وقت لزراعة الاسنان وافضل نوع لتقويم الاسنان وايه الاخطاء اللي المفروض نتجنبها لصحة الاسنان
هروب جديد مع دكتور محمد الاديب
كل يوم بتشوف فرص عمل وبتقدم عليها زي كل الناس وبتفضل مستني يتواصلوا معاك ، جربت تفكر تكون انت الفرصة اللي يقدموا عليها واللي مستحيل تتكرر تاني
لو فاكر ان فيه حد هيجيلك يظبطلك ال
CV
ويوصلك لل interview
ويقولك انت accepted
معانا ، صدقني مفيش حد جايلك ، الموضوع كله راجع ليك
انت بتشتغل عشان تحس بالسعادة مش بس عشان تحقق الاكتفاء الذاتي من الاحتياجات الأساسية
عشان كده غير لون حلمك ، شوف اللون اللي بتحبه ولون بيه طريقك ، ابذل مجهود حتى في ابسط الاشياء لأن كل شئ يستحق القيام به ، يستحق القيام به بشكل صحيح
هنهرب ونلون الأحلام هنعرف ازاي نكتب CV بشكل صح وايه الاخطاء اللي بتعملها مش بتوصلك لل interview ، وايه اكثر المجالات طلب في سوق العمل وايه المهارات المطلوبة عشان تتقبل في اي وظيفة
اهرب ولون حلمك ، انت عندك حياة واحدة فحاول تقضي وقتك في المكان اللي تستحقه ، اهرب لحلمك ومتستناش السراب ، انت الفرصة اللي مش هتتكرر
يلا نهرب/ تميزك اختلافك مع د/ ماجي هاني
يقال : لو فعلت ما فعله الآخرون لن تصل إلى مكان لم يصلوا إليه، اختار الطريق الصعب واترك حلمك هيرشدك فيه
مش مهم آراء الناس ، في النهاية فيه احتمالين ممكن يكونوا هما صح او انت اللي تكون أصح ، اهرب وجرب حلمك ومفيش داعي للجدال
تميزك هو اختلافك ، دكتور ماجي صاحبة اول عيادة أسنان للحالات الخاصة هنهرب معاها ونعرف اكتر عنها
كل حلقات الضيوف بكون مبسوطة اني معاهم او سبب في انهم يفيدوا الناس بمعلومات عن مجالهم ، الحلقة دي انا كنت مبسوطة بكل تفاصيلها
يلا نهرب / خطة الوصول مع نورهان النجار
فيه حلقات مينفعش تكتبلها اسكريبت لان اوقات الافضل انك تقول كلام من غير خطة او تفكير
لو كنت بتخطط لهدفك وحلمك عشان توصل لفرصة انت شايفها مناسبة لازم تقول للفرصة انك بتخططلها او انك تقولها انك ماشي في اتجاها عشان تقدر تستناك
خلينا نهرب ونعرف ازاي نسعى ونستمر في السعي ونخطط خطة الوصول، كل يوم بنكون عايزين نوصل للي احنا عايزينه بنكون عايزين نصحي نحقق الحلم اللي كنا بنحلمه بس حاجات كتير بتوقفنا خوف تردد قلق، أو بنقلل من الهدف
فيه واحد مرة قال : اوعى تفتكر لو نصيبك قدامك وما مديتش ايدك تاخده هيفضل نصيبك؟!
الناس مش شايفينك وانت بتحاول ، الفرصة قريبة منك في عقلك بس، لكن في الواقع لازم تقول للفرصة وللطريق وللناس انك هنا عشان توصل لحلمك
اسعى وحاول توصل قبل ما الفرصة تضيع
هروب جديد مميز مع نورهان النجار
يلا نهرب/ جولة في الفضاء مع د/ محمد نضال
واحنا صغيرين كنا بنشوف السماء ونقول ان النجوم بتمشي معانا
ولما كبرنا عرفنا ان الفضاء زي لوحة فنية بس النهاردة مش هنتفرج عليها ، ما تيجي نرسمها بس هنرسمها واحنا جوه اللوحة، واحنا جزء منها
فاكرين الجملة اللي دايما بنسمعها
اذا كنت قادر على ان تحلم بشئ فأنت قادر على تحقيقه ، المرة دي مش هنحلمه، هنعيشه، هنعيد ترتيب شكل الحلم، هنخرج بره اطار الارض
جرب تعرف و تبدأ مجال بعيد ومختلف زي علوم الفضاء، مين قال ان ظلام الليل بيبعدك عن حلمك ، القمر يبقى مشرقا عندما لا يتجنب ظلمة الليل
تعالوا نغير القانون ، ونخلينا استثناء للقاعدة ، متستناش ضوء النهار عشان تبدأ ، جرب تكون نجم بيلمع حتى لو ظروفك بتقولك انك مش بتلمع
بلغ الحلم انك مش مستنيه يزورك لانك هتهرب وتعيشه وتبدأه دلوقتي
تعالوا نهرب خارج حدود الأرض، ونعيش جولة في الفضاء مع د/ محمد نضال