ليه لازم نبدأ التربية الجنسية من بدري؟وإزاي نحمي ولادنا من التحرش؟
في الحلقة دي من "سعة"، بنحاور د. ابتسام ربيع – أخصائية الصحة النفسية والتربوية – عن أهمية التربية الجنسية للأطفال، ودورها في حمايتهم وتكوين هويتهم الجنسية، وأثرها على علاقاتهم في المستقبل بنفسهم وبالآخرين.
هنتكلم عن التصرفات الطبيعية واللي تقلق، إمتى نتدخل، وإزاي نكون المعلم الأول لولادنا.
حلقة صادقة، مؤثرة، ومليانة أجوبة وأسئلة مهمة.

تابعوا حساب د. ابتسام ربيع على الفيسبوك

وتقدروا تشوفوا الحلقة على قناة سَعة على اليوتيوب.

تعبتي من المعركة اللي مبتخلصش جواكي؟ يمكن الحل في الرحمة.. مش في القوة.

حاسّة إنك قاسية على نفسك؟ بتقولي لنفسك كلام عمرك ما تقوليه لحد بتحبيه؟

بتحاولي تزوّقي الدنيا لكل اللي حواليكي، وتنسي نفسك في الزحمة؟

الحلقة دي عنك.. عن التراحم اللي بنحتاجه لنفسنا، مش اللي بندّيه بس.

صفحة جديدة نفتحها مع نفسنا...من غير جلد، ومن غير مثالية، ومن غير ما نحس بالذنب إننا محتاجين نرتاح.

استضفنا سالي الخياط، عشان نحكي عن التراحم، وعن المشاعر اللي بنخاف نواجهها، وعن الشجاعة في إننا نكون نفسنا...وعن الرحلة اللي بنمشيها خطوة خطوة، واحنا بنتعلم نقبل نفسنا زي ما هي.

دي مش حلقة مثالية.

دي حلقة صادقة.. لناس بتحاول.

لناس بتجاهد تكون أحن على نفسها، حتى لو الدنيا مش سهلة.

لو حسّيتي إن الحلقة لمستك، شاركيها مع حد ممكن تفرق معاه.

سالي الخياط: https://www.facebook.com/elnoorgowak?locale=ar_AR

تقدروا تشوفوا الحلقة الحلقة على قناة ⁠سعة⁠ على اليوتيوب

https://www.youtube.com/channel/UCJF9CKNWVVE7guO0MOyCDeA

في الحلقة الجديدة من بودكاست سعة تحدثنا ضيفتنا نهى إبراهيم معلمة التربية الإيجابية عن فلسفة التعلم الحر التي تتبناها "الفنار" وهي المساحة التعليمية التي أسستها.

وتشاركنا رأيها حول التعليم النظامي ولماذا تُفضل فلسفة التعلم الحر، ما الاحتياجات الأساسية التي يحتاجها الطفل ليتعلم تعلمًا حقيقيًا شاملًا، وما مدى ملائمة البيئة التعليمية سواء في البيت أو المدرسة لهذه الاحتياجات، وهل يمكننا توفير بيئة أفضل؟

توضح لنا نهى أيضًا السن الذي تراه مناسبًا لالتحاق الأطفال بالتعليم النظامي، وما الذي سيخسرونه إذا التحقوا قبل ذلك أو بعده من خلال تجربتها.

استمعوا للحلقة وشاركونا رأيكم..

يمكنكم مشاهدة الحلقة على قناة سعة على اليوتيوب

https://www.youtube.com/channel/UCJF9CKNWVVE7guO0MOyCDeA

كيف يغيرنا الفقد؟

تحكي لنا ضيفتنا نوران أسامة تجربتها ورحلتها التي فقدت خلالها ابنتيها، كيف تعاملت مع الألم، وكيف تغيرتك نظرتها عن الحياة وعن نفسها وعن اللَّه خلال هذه الرحلة، ولماذا كان أثر فقدان ابنتها الأولى التي لم ترها أشد من فقدان أيلا ابنتها التي مكثت معها 3 سنوات..

حلقة تفيض بالمشاعر وتجربة ملهمة ومعلمة!

استمعوا وشاركونا.. كيف غيركم الفقد؟

مين أنتِ؟ بين الأدوار المختلفة اللي بتمارسيها يوميًا، ايه الصورة الذاتية اللي جواكِ عن نفسك؟ وهل بتعرّفي نفسك بأحد الأدوار اللي ممكن تكون واخدة المساحة الأكبر في حياتك؟ ضيفتي نورهان الفرحاتي شاركتنا رحلتها بين دراستها للصيدلة وحبها لمجال عملها، وبين الأمومة والزواج.. وايه التساؤولات اللي دفعتها لاكتشاف الشيء اللي تقدر تعرف بيه نفسها، مهما اختلفت الأدوار اللي بتمارسها.. حديث ممتع دفعني أنا كمان للبحث ورا تساؤلاتي الشخصية.. اسمعوه وشاركونا تجاربكم وتعليقاتكم :))

YouTube

https://www.youtube.com/@sa3h.?app=desktop&sfnsn=scwspwa Spotify https://podcasters.spotify.com/pod/show/sa3h Apple Podcast https://podcasts.apple.com/us/podcast/سَــــــــعَـــــــــــــــــــــة/id1742343723 youtube music music.youtube.com/playlist?list=PL0gk1iCFTh5doedJT86kmJPr_MnGfunfk #بودكاست_سعة #بودكاست #بودكاست_عربي #أنوثة #أمومة #تربية

هل تتوقع إن شكل تفاعلاتك مع البيئة المحيطة ممكن يأثر على صحتك النفسية؟

في الحلقة التانية من بودكاست سعة قابلت هاجر مجدي متخصصة العلاج بالفن في مزرعة أرض ولون، واتعرفت عن العلاج بالفن بشكل مختلف عن اللي كان بيتبادر لذهني لما حد بيذكره

عرفت إن فلسفة العلاج بالفن بتنظر للإنسان على إنه وحده متكاملة من روح وجسم ونفس، وإن تفاعلاتنا بحواسنا ليها تأثير على صحتنا النفسية والروحية..

اتكلمنا كمان عن التعامل مع الطفل، وايه احتياجاته في سنين عمره المختلفة، وازاي نقدر نساعده يحصل عليها..

لقاء ممتع وخفيف، اتمنى تستمتعوا بيه..

تقدروا تشوفوا أنشطة أرض ولون من خلال حسابهم:

https://www.instagram.com/ardwlon/

في الحياة اللي بنعيشها، ووسط كل التحديات والمشكلات اللي بنمر بيها، وتأثيرها على صحتنا الجسدية والنفسية، ايه معنى العافية بالنسبة لك، وازاي بتتعامل مع المشكلات الصحية اللي بتمر بيها؟ وازاي بتشوف مسؤوليتك عنها؟

في الحلقة الأولى من حلقات سَعة، روحنا في رحلة مع دكتورة رغدة رشاد مؤسسة منصة women's wellness لصحة المرأة اتكلمنا عن تأثير اختيارتنا على صحتنا وازاي نبدأ رحلة تعافينا، وايه حدود مسؤوليتنا عنها، ايه التحديات اللي ممكن تعوقنا من جوانا أو برانا، وازاي ممكن نتعامل معاها..

اتكلمنا كمان باستفاضة عن مواضيع تخص صحة المرأة بداية من الدورة الشهرية للحمل والولادة وغيرها..

حلقة ثرية وممتعة واعتقد فيها كتير من التفاصيل اللي تهم المشغولين بمعنى العافية وخاصة الستات..

تقدروا تحصلوا على معلومات أكتر عن منصة Women's Wellness وكيفية الاستفادة من الخدمات اللي بتقدمها من خلال حساباتهم.

https://www.facebook.com/drraghdarashad

https://linktr.ee/womenswellness.health