ཀུན་གླེང་ལས་རིམ་དུ་ཚེ་རིང་དབང་མོ་ལགས་ཀྱིས་ཡུ་རོབ་རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་བཀྲས་མཐོང་དབང་པོ་ལགས་སུ། ཡུ་རོབ་ནང་༢༠༢༥ ལོའི་བོད་ཀྱི་ཉིན་མོ་སྲུང་བརྩི་ཞུ་བཞིན་པ་དང་། བོད་མིའི་རང་དབང་སྒེར་ལངས་གསུམ་བཅུའི་དུས་དྲན་ཐེངས་༦༦ པ་སྲུང་བརྩི་བྱས་སྟངས་སོགས་ཀྱི་ཐད་བགྲོ་གླེང་ཞུ་རྒྱུ་ཡིན།། 

ཀུན་གླེང་དུ་བསྟན་འཛིན་དབང་འདུས་ལགས་ཀྱིས་བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་དྲུང་ཆེ་བསོད་ནམས་ཚེ་རིང་དང་། བོད་ཀྱི་ཆབ་སྲིད་བཙོན་ཟུར་ངག་དབང་འོད་འབར་རྣམ་པ་གཉིས་དང་ལྷན་དུ་འདས་པའི་ལོའི་ནང་བོད་ཕྱི་ནང་གཉིས་སུ་བོད་དོན་འཐབ་རྩོད་ལས་འགུལ་རབ་དང་རིམ་པ་སྤེལ་བའི་བརྒྱུད་རིམ་དང་ནུས་འབྲས་སོགས་ཀྱི་ཐད་གླེང་མོལ་ཞུས།

ཀུན་གླེང་གཙོ་སྐྱོང་བ་ཚེ་རིང་སྐྱིད་ཀྱིས་མོན་རྟ་དབང་ཁུལ་དུ་ལོ་མང་རིང་སྤྱི་ཚོགས་ཞབས་ཞུའི་ཕྱག་ལས་གནང་མཁན་དྭགས་པོ་ལྡིང་གུང་རིན་པོ་ཆེ་ལ་ཁོང་གི་ཉམས་མྱོང་དང་འབྲེལ་ནས་མོན་ཡུལ་དུ་བོད་ཀྱི་ཆོས་རིག་འཛིན་སྐྱོང་སྤེལ་གསུམ་ལ་གོ་སྐབས་དང་གནས་བབ་གང་འདྲ་ཡིན་པའི་སྐོར་ནས་བཅར་འདྲི་ཞུས་ཡོད།

ཀུན་གླེང་ལས་རིམ་དུ་ཚེ་རིང་དབང་མོ་ལགས་ཀྱིས་བོད་དང་རྒྱ་ནག་གི་གནད་དོན་དབྱེ་ཞིབ་པ་ཀུན་དགའ་བཀྲ་ཤིས་ལགས་གདན་ཞུས་ཀྱིས། དེ་རིང་སྤྱི་ཟླ་༣ པའི་ཚེས་༤ ཉིན་ནས་འཚོགས་འགོ་ཚུགས་པའི་རྒྱ་ནག་གི་ཚོགས་ཆེན་གཉིས་ཞེས་པ་དེའི་གཙོ་གནད་དང་། ༢༠༢༥ ལོར་རྒྱ་ནག་གི་སྲིད་ཇུས་འཛིན་ཕྱོགས་སོགས་ཀྱི་སྐོར་ནས་བགྲོ་གླེང་ཞུ་རྒྱུ་ཡིན།

ཀུན་གླེང་ལས་རིམ་དུ་འཇམ་དབྱངས་རྒྱ་མཚོ་ལགས་ཀྱིས་དགེ་བཤེས་བློ་བཟང་གྲགས་པ་ལགས་དང་ལྷན་དུ་བོད་ཀྱི་ལོ་གསར་གཞུང་འབྲེལ་གྱིས་སྲུང་བརྩི་ཞུ་སྟངས་དང་། དགུང་གསར་ཉིན་གསུམ་རྗེས་ཀྱི་ལྷ་ལྡན་སྨོན་ལམ་ཆེན་མོས་མཚོན་པའི། བཅོ་ལྔ་མཆོད་པ། བྱམས་པ་གདན་འདྲེན་ལ་སོགས་ཆོས་ཕྱོགས་ཀྱི་བྱེད་སྒོ་ཁག་གི་སྐོར་ལ་བཀའ་མོལ་ཞུས་པ་ཞིག་ཡིན།

ཀུན་གླེང་དུ་རྡོ་རྗེ་ཚེ་བརྟན་ལགས་ཀྱིས་བོད་མིའི་སྒྲིག་འཛུགས་ཀྱི་བོད་ཡིག་གསར་འགྱུར་ཚན་པའི་སྤྱི་ཁྱབ་རྩོམ་སྒྲིག་པ་ཟུར་པ་སྐལ་བཟང་མཁས་གྲུབ་ལགས་གདན་འདྲེན་ཞུས་ནས་བོད་ཀྱི་ལོ་གསར་གྱི་བྱུང་རབས་དང་བོད་ལ་ལོ་གསར་རིགས་མ་འདྲ་བ་ཅི་ཙམ་ཡོད་མེད། ལོ་གསར་ལ་ཆེད་དུ་གྲ་སྒྲིག་བྱ་དགོས་པ་སོགས་ལ་བགྲོ་གླེང་ཁག་ཅིག་ཞུ་རྒྱུ་ཡིན།

ཀུན་གླེང་དུ་ཚེ་རིང་སྐྱིད་ལགས་ཀྱིས་བོད་ཀྱི་ཆབ་སྲིད་བཙོན་ཟུར་རྣམ་སྐྱིད་ལགས་གདན་འདྲེན་ཞུས་ནས་ཉེ་ཆར་ཇི་ནི་ཝ་ལྷན་ཚོགས་སུ་རང་གི་མྱོང་བ་གཞི་ལ་བཞག་སྟེ། བོད་ཀྱི་ཆབ་སྲིད་བཙོན་པ་དང་བོད་མི་ཚོས་རྒྱ་ནག་དམར་ཤོག་གཞུང་གི་སྲིད་ཇུས་གདུག་རྩུབ་ཅན་གྱི་འོག་དཀའ་ངལ་མྱོང་བཞིན་པ་དཔང་བོ་བྱས་ཡོད་པ་དེའི་ཐད་ནས་བགྲོ་གླེང་ཞུ་རྒྱུ།

ཀུན་གླེང་ལས་རིམ་ནང་ཚེ་རིང་དབང་མོ་ལགས་ཀྱིས་བོད་མིའི་སྒྲིག་འཛུགས་ཀྱི་ཚོགས་དྲུང་བསོད་ནམས་རྡོ་རྗེ་ལགས་གདན་ཞུས་ཀྱིས། ཁོང་གིས་བརྩམས་པའི་༸གོང་ས་ཏཱ་ལའི་བླ་མ་སྐུ་ཕྲེང་བཅུ་བཞི་པ་ངོས་འཛིན་དང་གསེར་ཁྲི་མངའ་གསོལ་གྱི་བྱུང་རབས་ཤེལ་དཀར་ཕྲེང་བ་ཞེས་པ་དང་འབྲེལ། རྒྱ་ནག་གི་འཁྱོག་བརྗོད་ཡིག་ཆ་དང་ཏར་འཕྲིན་སོགས་གསལ་བཀྲོལ་བྱས

ཀུན་གླེང་ལས་རིམ་དུ་སླེབས་ལ་ཉེ་བའི་བོད་ཀྱི་ལོ་གསར་པ་འདི་ལོ་ནག་འཁེལ་ཡོད་སྟབས། བོད་ཀྱི་རྩིས་གཞུང་ནས་ལོ་ནག་རྩིས་ཕྱོགས་སོགས་དང་འབྲེལ་བའི་སྐོར་ལ་བསྟན་འཛིན་དབང་འདུས་ལགས་ཀྱིས་བོད་ཀྱི་སྨན་རྩིས་ཁང་གི་རྩིས་རམས་པ་བསྟན་འཛིན་སྙན་གྲགས་ལགས་དང་ལྷན་དུ་གླེང་མོལ་ཞུས་པ་ཡིན།

ཀུན་གླེང་ལས་རིམ་དུ་དགུང་ལོ་༡༠༠་ལ་ཕེབས་པའི་སློབ་དཔོན་བསྟན་འཛིན་རྣམ་དག་རིན་པོ་ཆེས་བཙན་བྱོལ་སྤྱི་ཚོགས་སུ་བོད་ཀྱི་ཆོས་དང་རིག་གཞུང་། ཁྱད་པར་དུ་གཡུང་དྲུང་བོན་གྱི་བསྟན་པ་འཛིན་སྐྱོང་སྤེལ་གསུམ་གྱི་མཛད་རྗེས་སོགས་ལ་བཞག་པའི་མཛད་རྗེས་ཐད་བགྲོ་གླེང་ཞུས་ཡོད། 

ཀུན་གླེང་དུ་ཚེ་རིང་དབང་མོས་རྒྱལ་སྤྱིའི་བོད་དང་བཙན་གནོན་འོག་གི་གྲངས་ཉུང་མི་རིགས་ཀྱི་མཐུན་ཚོགས་ཀྱི་ཚོགས་གཙོ་ཚེ་རིང་པ་སངས་ལ། དབྱིན་ཇིའི་རྒྱལ་ས་ལོན་ཌོན་དུ་རྒྱ་ནག་གི་གཞུང་ཚབ་ཁང་ཆེན་པོ་ཞིག་གསར་རྒྱག་བྱ་རྒྱུའི་འཆར་གཞིར་འགྲོ་བ་མིའི་ཐོབ་ཐང་ལས་འགུལ་བ་སྟོང་ཕྲག་མང་པོས་ངོ་རྒོལ་བྱེད་བཞིན་པའི་སྐོར་ལ་བགྲོ་གླེང་ཞུ། 

ཀུན་གླེང་དུ་འཇམ་དབྱངས་རྒྱ་མཚོས་བོད་ཀྱི་སྲིད་བྱུས་ཉམས་ཞིབ་ཁང་གི་འབུམ་རམས་པ་ཚེ་དབང་རྡོ་རྗེ་དང་ལྷན་ཁོང་གིས་འདོན་སྤེལ་གནང་བའི་ཞིབ་འཇུག་སྙན་ཐོ། དྲང་སྲོང་སྲིན་བུ་རིའི་གནས་སྤོའི་ལས་གཞིར་དཔྱད་པ་ཞེས་པའི་ནང་འཁོད་པའི་རྒྱ་ནག་གཞུང་གི་སྐྱེ་ཁམས་གནས་སྤོའི་ལས་གཞིའི་དམིགས་པ་དང་ཤུགས་རྐྱེན་སོགས་ཀྱི་ཐད་གླེང་མོལ་ཞུས་ཡོད།

ང་ཚོས་བོད་ཀྱི་སྲིད་ཇུས་ཉམས་ཞིབ་ཁང་གི་འགན་འཛིན་ཟླ་བ་ཚེ་རིང་དང་བོད་དང་རྒྱ་ནག་གི་གནད་དོན་དབྱེ་ཞིབ་པ་ཀུན་དགའ་བཀྲ་ཤིས་རྣམ་གཉིས་གདན་འདྲེན་ཞུས་ནས་སྐུའི་གཅེན་པོ་བཀའ་བློན་ཁྲི་ཟུར་རྒྱལ་ལོ་དོན་གྲུབ་ལགས་ཀྱིས་སྐུ་ཚེ་ཧྲིལ་པོར་བོད་དོན་འཐབ་རྩོད་དང་བོད་རྒྱའི་འབྲེལ་མཐུད་གནང་བའི་མཛད་རྗེས་སོགས་ལ་བསྐྱར་ཞིབ་ཞུས་ཡོད།

ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་བྱང་ཨ་རིའི་སྐུ་ཚབ་དོན་གཅོད་འབུམ་རམས་པ་རྣམ་རྒྱལ་མཆོག་གྲུབ་ལགས་གདན་འདྲེན་ཞུས་ནས་ཨ་རིའི་རོགས་དངུལ་རེ་ཞིག་ལ་བཀག་སྡོམ་དང་བསྐྱར་ཞིབ་ཀྱི་སྲིད་ཇུས་ཀྱིས་བོད་མིའི་སྒྲིག་འཛུགས་དང་བཙན་བྱོལ་བོད་མི་སྤྱི་ལ་ཐེབས་སྲིད་པའི་ཤུགས་རྐྱེན་ཐད་བགྲོ་གླེང་ཞུས་ཡོད།

ཀུན་གླེང་ལས་རིམ་དུ་ཚེ་རིང་དབང་མོ་ལགས་ཀྱིས་ཨ་རིའི་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་སྐུ་ངོ་བཀྲས་མཐོང་བསྟན་འཛིན་རྣམ་རྒྱལ་ལགས་དང་ལྷན་དུ། ༸སྐུའི་གཅེན་པོ་བཀའ་ཟུར་རྒྱ་ལོ་དོན་གྲུབ་མཆོག་གི་སྐུ་ཚེའི་ལོ་རྒྱུས་དང་བོད་དོན་ཐོག་སྐུ་ལས་བསྐྱོན་པའི་མཛད་རྗེས་སོགས་ཀྱི་སྐོར་ལ་བགྲོ་གླེང་ཞུ་རྒྱུ་ཡིན།

ཀུན་གླེང་ལས་རིམ་དུ་ཨུ་རྒྱན་བསྟན་འཛིན་ལགས་ཀྱིས་བོད་ཀྱི་ཚན་རིག་མཐུན་ཚོགས་ཐོག་མར་གསར་འཛུགས་གནང་མཁན་གྲས་ཚན་རིག་པ་ཊོག་ཊོར་སྐལ་བཟང་མཐར་པ་ལགས་དང་ལྷན་དུ་བོད་ཀྱི་ཚན་རིག་འདུ་འཛོམས་ཐེངས་བདུན་པའི་གྲུབ་དོན་དང་། བོད་ཀྱི་ཚན་རིག་མཐུན་ཚོགས་དེའི་དམིགས་ཡུལ་དང་གལ་གནད། གྲུབ་འབྲས་བཅས་ཀྱི་ཐད་བགྲོ་གླེང་ཞུ་རྒྱུ་ཡིན།། 

ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་བོད་ཀྱི་སྲིད་ཇུས་ཉམས་ཞིབ་ཁང་གི་བོད་དང་ཧི་མ་ལ་ཡའི་ཞིབ་འཇུག་ཚན་པའི་ཧིན་བོད་ས་མཚམས་ཉམས་ཞིབ་པ་བྱེ་གཞོང་ཚེ་དབང་རྡོ་རྗེ་གདན་འདྲེན་ཞུས་ནས་ཡར་ཀླུང་གཙང་པོའི་གློག་ཁང་གིས་བོད་མཐོ་སྒང་གི་ཁོར་ཡུག་དང་སྐྱེ་ཁམས་ལ་གནོད་སྐྱོན་ཅི་ཙམ་འཕོག་རྒྱུ་ཡིན་པ་སོགས་ལ་བགྲོ་གླེང་ཞུས་ཡོད། 

ཐེངས་འདིའི་གསར་འགྱུར་ཞིབ་འགྲེལ་གྱི་ལས་རིམ་ནང་རྡོ་རྗེ་ཚེ་བརྟན་ལགས་དང་བསོད་ནམས་གཡང་འཛོམས་ལགས་གཉིས་ཀྱིས་སྲིད་འཛིན་ཊམ་གྱི་ཨ་རིས་གྷ་ཛར་བདག་པོ་རྒྱག་རྒྱུའི་བརྗོད་པ་དེར་ཨ་རི་དང་རྒྱལ་སྤྱིའི་སྟེང་གི་རྣམ་འགྱུར་དང་། དེའི་ཤུགས་རྐྱེན་སོགས་ཀྱི་ཐད་བགྲོ་གླེང་ཞུ་རྒྱུ་ཡིན།། 

ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་བྷེལ་ཇེམ་བོད་ཀྱི་སྐུ་ཚབ་དོན་གཅོད་རིག་འཛིན་ཆོས་སྒྲོན་ལགས་གདན་འདྲེན་ཞུས་ནས་ཡུ་རོབ་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པ་བསྐྱར་གསོ་བྱས་པའི་དོན་སྙིང་དང་། ཉམས་རྒུད་ཕྱིན་པའི་རྩ་བ། མ་འོངས་ནུས་པ་འདོན་ཕྱོགས་སོགས་ཀྱིས་ཐད་བགྲོ་གླེང་ཞུ་རྒྱུ་ཡིན།

ཀུན་གླེང་ལས་རིམ་དུ་བྱང་ཨ་རིའི་བོད་ཀྱི་སྐུ་ཚབ་དོན་གཅོད་ཁང་གི་རྒྱ་རིགས་འབྲེལ་མཐུད་པ་ཚུལ་ཁྲིམས་རྒྱ་མཚོ་ལགས་དང་ལྷན་དུ། དཔྱིད་གསར་དུས་ཆེན་སྐབས་དང་བསྟུན་རྒྱ་ནག་གཞོན་སྐྱེས་ཚོའི་འཛད་སྤྱོད་བྱེད་སྟངས་དང་སེམས་ཁམས་ལ་འགྱུར་ལྡོག་ཆེན་པོ་ཕྱིན་ཡོད་པའི་སྐོར་དང་།རྒྱ་ནག་གི་དཔལ་འབྱོར་ཐད་སྤྱི་ནས་བགྲོ་གླེང་ཞུ་རྒྱུ་ཡིན།།