ليل الغربة || كلمات: أحمد الخولي || أداء صوتي: الدكتورعبدالرحمن علي السرساوي

ياليل الغربة يا مطوِّل

كفاية ماعدش مِتحَمِّل 

تجيب أوجاعُه م الأول

وتشغل حالُه بالتفكير

مفيش خَبطَه على بابُه 

ووحَشُه جيرانُه واحبابُه

مفيش صاحب يونِّس 

حيرتُه في المشاوير

في كل حالاتِك المُرَّة

ياغربه جوَّا أو برَّه

سرقتي الحلم كام مرة

وسيبتي مكانُه جرح كبير

مُصِرَّه خلاص ما يحلمشِ؟

ده قرَّب م الحياة يمشي

وبَصّ وراه لقى

أحزانُه بالطوابير

وهُوَّ لسَّا بيخاطر

هيفضل يجري ويعافر

وشايل حِملُه ع الآخر

وشايف حِلمُه لو حتى

فاضلْ لُه كتير 

أحمد الخولي