في أول يوم من 2008، سمع مركز 911 صوت بنت بتقول: “بابا ضربني بالنار… أنا بموت.” الصوت ده كان آخر كلمات سارة سعيد، قبل ما تفقد الوعي جنب أختها أمينة… بعد ما أبوهم، ياسر سعيد، قتلهم وهرب. قصة مرعبة عن جريمة شرف في قلب أمريكا، بدأت بجواز قاصر، وانتهت بواحدة من أبشع الجرائم اللي هزت الرأي العام الأمريكي. اعرف القصة الكاملة في حلقة النهاردة من بودكاست #هو_فيه_إيه_يا_جماعة؟!!

عاش في بلد لو مرضت فيها ممكن تفلس أو تموت. لويجي مانجويني قتل مدير أكبر شركة تأمين صحي في أمريكا بعد ما رفضوا يغّطوا تكلفة عمليته. كتب على الرصاصات: “Deny. Defend. Depose.” قصته هزت أمريكا، وقسمت الناس: فيه اللي شافه مجرم… وفيه اللي شافه بطل… أو حتى رسالة! اعرف القصة الكاملة في حلقة النهاردة من بودكاست #هو_فيه_ايه_يا_جماعة؟

حلقة النهارده مش جريمة عادية… دي قصة تعذيب استمر 44 يوم لفتاة عندها 17 سنة، والجناة؟ زملاء في نفس سنها. الجريمة صادمة، والعدالة؟ كانت أضعف من إنها تنصفها. وليه الناس لحد النهارده شايفة إن الأحكام كانت مهزلة؟ !!اسمعوا القصة كاملة في الحلقة الجديدة من بودكاست هو في إيه يا جماعة؟

طفلة عندها 10 سنين… متهمة بمحاولة قتل أختها الرضيعة! جريمة بشعة هزّت فلوريدا سنة 2024، والبطلة بنت صغيرة. إزاي لعبة زي روبلوكس كانت بوابة لواحدة تحرض بنت صغيرة على القتل؟ وإزاي الأهل ماخدوش بالهم غير بعد فوات الأوان؟ قضية حقيقية ومرعبة عن الإنترنت، والتحريض، والشر الخالص.

جيزيل بيليكو كانت فاكرة إنها عايشة حياة هادية مع جوزها. لكن بعد عشر سنين، اكتشفت إن بيتها كان مسرح جريمة… وهي الضحية. في الحلقة دي، بنحكي تفاصيل واحدة من أبشع جرائم الخيانة. بس كمان… بنحكي عن ست قررت ما تسكتش، ووقفت قدام الكل، وقالت: “العار مش عليا

في حلقة النهاردة من بودكاست هو في إيه يا جماعة؟، هنحكي عن سياسة الطفل الواحد في الصين، وإزاي قانون بسيط استمرت لأكتر من ٣٠ سنة قلب حياة ملايين. من خطف وتعقيم، لبيع أطفال، لنجوم على أبواب البيوت بتقيس وطنية الأسرة. حلقة عن التحكم في عدد السكان... بأي تمن.

في شهر رمضان ٢٠٢٤، كانت محافظة الغربية هادية... لحد ما اكتشاف بشع هز الناس: رجل مقطوعة ومرمية جنب الترعة! ومن هنا بدأت رحلة البحث عن الحقيقة، وقدرت الشرطة تكشف عن واحدة من أبشع جرايم القتل المتسلسلة في تاريخ مصر.

طفولة قاسية، و٢٦ جريمة قتل متنوعة بين العائلات الغنية وفتيات الليل، وسلاح جريمة اتصمم مخصوص علشان يسبب أقصى ضرر ممكن للضحايا. في حلقة النهاردة من بودكاست هو في إيه يا جماعة هنحكي قصة سلسلة من أبشع الجرايم اللي حصلت في كوريا الجنوبية سنة ٢٠٠٣، قصة يو يونج تشول أو المعرف بقاتل معطف المطر.

هل كل شخص عنده ميول عدوانية ممكن يبقى مجرم؟ هل مشاهدة أفلام الجريمة ممكن تكون دافع لارتكاب جرايم؟ طب إيه الفرق بين السيكوباتي والمريض النفسي؟ في الحلقة الجديدة من بودكاست هو في إيه يا جماعة؟ هنتكلم مع د/ باسم سليمان كلام بالعقل عن عقلية المجرم وعلم نفس الإجرام.

في شوارع وايت تشابل الضلمة، سنة ١٨٨٨، بدأت سلسلة من جرائم القتل المرعبة ضد ستات من الطبقة الفقيرة في لندن. والقاتل؟ مجهول! لكن اسمه بقى علامة مسجلة في عالم الجريمة: جاك السفاح. في الحلقة الأولى من الموسم الخامس من بودكاست "هو في إيه يا جماعة؟"، هنحكي عن واحدة من أكتر القضايا غموضًا في التاريخ، اللي لحد النهارده مافيش حد عرف يحلها. هنتكلم عن الضحايا، عن لندن اللي كانت بتغلي من الفقر والجريمة، عن فشل الشرطة، ونظريات اتقالت على مدى أكتر من ١٣٠ سنة.

إزاي ممكن شخص بوش بريء وجاذبية تخطف الأنظار يخفي وراه شر مرعب؟ في الحلقة دي، بنفتح ملف واحد من أخطر القتلة المتسلسلين في تاريخ أمريكا: تد بندي. إيه اللي خلّاه مختلف؟ وإزاي قدر يتلاعب بالجميع؟ !أسئلة كتير هنجاوب عليها في قصة مليانة غموض ورعب تحذير: جريمة قتل - عنف ضد الأطفال - رعب - اغتصاب بودكاست "هو في ايه يا جماعة؟!!" قصص حقيقية عن جرائم قتل، أحداث تاريخية غريبة، أماكن مسكونة، وكل القصص اللي لما بنسمعها بنقول "هو في ايه يا جماعة؟!! الناس مالها؟!!" من إنتاج TPP.

تخيلوا قصة مروعة عن عيلة عاشت في كهف لمدة 25 سنة، عايشين على السرقة، القتل، وأكل لحوم البشر. قصة ألهمت أفلام زي The Hills Have Eyes وخلت الناس تسأل: هل ده خيال ولا حقيقة؟ اكتشفوا السر ورا واحدة من أغرب وأبشع القصص في التاريخ! تحذير: جريمة قتل - عنف ضد الأطفال - رعب - اغتصاب بودكاست "هو في ايه يا جماعة؟!!" قصص حقيقية عن جرائم قتل، أحداث تاريخية غريبة، أماكن مسكونة، وكل القصص اللي لما بنسمعها بنقول "هو في ايه يا جماعة؟!! الناس مالها؟!!" من إنتاج TPP.

في الحلقة دي، بنرجع لقصة بيت أميتيفيل المرعب، من جريمة قتل مروعة ارتكبها رونالد ديفيو جونيور، لحد الأحداث الغامضة اللي عاشت فيها عيلة لوتز. القصة اللي ألهمت سلسلة أفلام رعب شهيرة، هل البيت ده مسكون فعلاً ولا مجرد خيال؟ تعمّق معانا في أسرار واحدة من أشهر قصص الرعب! تحذير:جريمة قتل - عنف ضد الأطفال - رعب - اغتصاب بودكاست "هو في ايه يا جماعة؟!!" قصص حقيقية عن جرائم قتل، أحداث تاريخية غريبة، أماكن مسكونة، وكل القصص اللي لما بنسمعها بنقول "هو في ايه يا جماعة؟!! الناس مالها؟!!" من إنتاج TPP.

كلنا سمعنا عن أسطورة 'بلودي ماري'، الحكاية اللي بتقولك لو وقفت قدام مراية في أوضة ضلمة وقلت اسمها ٣ مرات، هي هتظهرلك بملامحها المرعبة! 😱 بس يا ترى، مين هي 'بلودي ماري'؟ في الحلقة دي من 'هو في إيه يا جماعة'، هناخدكم في رحلة ورا الحكاية دي، ونكشف أصولها التاريخية، من أسطورة الأطفال اللي بتخوفهم لحد ماري تيودور، ملكة إنجلترا الدموية.تحذير:جريمة قتل - عنف ضد الأطفال - رعب - اغتصاب بودكاست "هو في ايه يا جماعة؟!!" قصص حقيقية عن جرائم قتل، أحداث تاريخية غريبة، أماكن مسكونة، وكل القصص اللي لما بنسمعها بنقول "هو في ايه يا جماعة؟!! الناس مالها؟!!" من إنتاج TPP.

في حي كرموز، الرعب كان مالي الشوارع والوشوشة في الحارات ما بتقفش.. بنات بتختفي، وجثث بتتلاقى في ظروف غامضة. الجرائم دي فكّرت الناس بقصص ريا وسكينة، لكن المرة دي السفاح مختلف. وسيم، ذكي، وبيتحرك في الظلام. إيه حكايته؟ وليه الجرائم دي كلها كانت ستات؟

في قرية صغيرة في ولاية إنديانا، مزرعة منعزلة ملك لسيدة اسمها بيل جانس اتحرقت بالكامل في حادث مريب. مع تحريات الشرطة، تم اكتشاف جثث متعددة وأسرار مرعبة غير متوقعة. إيه اللي حصل في مزرعة الموت؟ وهل فعلاً بيل ماتت في الحريق؟

أغلب جرايم القتل اللي من النوع ده، عادة بتكون مرتبطة بجرايم شرف أو جرايم سرقة أعضاء، لكن مفاتش وقت كتير على ما ابتدى يبان انه فيه نمط متكرر في أغرب جرايم القتل العشوائية اللي انتشرت في مناطق مختلفة من محافظات مصر في الوقت دة.. ايه السر وراها؟ تحذير: قتل - عنف ضد الأطفال - جن - رعب بودكاست هو في ايه يا جماعة؟!! قصص حقيقية عن جرايم قتل، أحداث تاريخية غريبة، أماكن مسكونة، و كل القصص اللي لما بنسمعها بنقول هو في ايه يا جماعة؟!! هي الناس مالها؟!! من إنتاج TPP

رياضي و نجم مجتمع اتخلد في التاريخ، مش لأسباب كويسة. إيه تفاصيل قصة سيمبسون ( Oj Simpson )، و محاكمة القرن؟ تحذير: عنف - قتل بودكاست هو في ايه يا جماعة؟!! قصص حقيقية عن جرايم قتل، أحداث تاريخية غريبة، أماكن مسكونة، و كل القصص اللي لما بنسمعها بنقول هو في ايه يا جماعة؟!! هي الناس مالها؟!! من إنتاج TPP.

أول قاتل متسلسل متسجل في التاريخ. كان مقر كل جرايمه مكان واحد. اللي الناس بقت بتسميه قلعة القتلتحذير: عنف - تعذيب جنسي - قتلبودكاست هو في ايه يا جماعة؟!! قصص حقيقية عن جرايم قتل، أحداث تاريخية غريبة، أماكن مسكونة، و كل القصص اللي لما بنسمعها بنقول هو في ايه يا جماعة؟!! هي الناس مالها؟!! من إنتاج TPP

بودكاست عن جرائم قتل، وأماكن مسكونة، وأحداث تاريخية غريبة.