حوار مع نفسي الجزء الثاني من سلسلة حلقات (حوار مع نفسي) بتكلم في الحلقة دي عن الامتنان للنفس وعلي كل الأخطاء والتجارب الفاشلة والقرارات الغلط، لأن هي دي اللحظات اللي بتصنع مننا شخصية ناجحة في نهاية المطاف.
بودكاست قهوة بدون سُكر - إسلام رجب.
حلقة مُهم تسمعها لو حابب تفهم اكتر عن (ما وراء أفعالك والسلوكيات الخاصة بيك)
https://open.spotify.com/episode/2iwApLb5bUbUrRiGv0L669?si=XcxCjqKTRm6yVHSAwb5c9Q
حلقة انهاردة عن ليه مش عارفين نتغير، وهل مفهومنا عن التغيير صح ولا محتاج بعض التعديلات، وازاي احس بالتغيير في حياتي، وايه أهم العوامل اللي مفروض اركز عليها أثناء رحلة التغيير.
بودكاست قهوة بدون سُكر - إسلام رجب.
عن التخطي ومشاعر الألم اللي بيحس بيها كل شخص فينا بعد نهاية كل علاقة خصوصًا لو كانت العلاقة مؤذية، مشاعر كتير بتهجم علينا خلال الفترة دي.
ويمكن مش بنقدر نتعامل معاها وبنحس إننا هنفضل كده علي طول ومش هنخرج برا دايرة الحزن دي، واللي بيزود من ده اكتر لما بنشوف الطرف التاني عايش حياته طبيعي ومش فارق معاه حاجة.
وهنا بيكون الفخّ اللي بنقع فيه، الفخّ اللي لو مقدرتش تفهمه صح، مش هتقدر تتعافي ولا هتعرف تكمل حياتك بشكل طبيعي.
بودكاست قهوة بدون سُكر - إسلام رجب.
عن إن الحياة بتسرق مننا اللحظات الجميلة، واننا بنعمل اكتر من حاجة في نفس الوقت ومش بنقدر نستشعر اللحظة الحالية، وده بيكون سببه الهروب، الهروب من الانغماس في الماضي، أو مخاوف تجاه المستقبل، أو افكار مش قادرين نتعامل معاها، كلها مجرد أسباب، بس النتيجة في الآخر إننا مش قادرين نحس باللحظة والوقت الحالي.
بودكاست قهوة بدون سُكر - إسلام رجب.
عن نتيجة الثانوية العامة، وعلاقة ضريبة النجاح بالثانوية العامة، وانك لازم تكمل رحتلك سواء جبت المجموع اللي انت عايزه، أو مقدرتش، في كلا الحالتين لازم تكمل رحلتك، لأن الثانوية العامة جزء بسيط من رحلتك مش الرحلة كلها.
والف مبروك للجميع سواء جبت تقدير أو لا. ♥️
بودكاست قهوة بدون سُكر - إسلام رجب.
عن التسويف وتأجيل المهام، وفي الحلقة دي مش هتكلم عن علاج المُماطلة علي قد ما هتكلم عن السبب اللي بيزود من التسويف ويخليك حابب منطقة الراحة وحابب وجودك فيها، السبب ده لو قدرت تعالجه وقدرت تتعامل معاه بطريقة صحيّة، مش بس هتتخلص من التسويف إنت كمان هتقدر تكتسب مهارة جديدة تخليك قادر تتعلم أو تواجه اي حاجة في حياتك.
بودكاست قهوة بدون سُكر - إسلام رجب.
الجزء الأول من حوار مع نفسي..
بتكلم مع نفسي عن إزاي أصبحت مشتتة ومش لاقي نفسي ومش عارف أهدافي وشغفي فين اللي أصبح معدوم بالمعني الحرفي، ده غير إني مبقتش عارفها ولا عارف ايه المميزات اللي فيها عشان اطورها ولا بقيت عارف العيوب عشان اصلحها واتعامل معاها، ده غير المشاكل والتحديات اللي بهرب منها بالسوشيال ميديا، وفي الآخر منتظر اني اكون عارفها وفاهمها! طب إزاي؟ وأنا أصلا بهرب منها.
حوار تخيلي بسيط يمكن تلاقي نفسك فيه ويساعدك تقرب من نفسك أكثر، ويمكن يكون غير مفيد بالنسبة ليك! فـ سواء كده أو كده ليك مُطلق الحرية في الاستماع، إنت حُر وده الأهم من اي شئ.
انتظروا الجزء الثاني من السلسلة.
بودكاست قهوة بدون سُكر - إسلام رجب.
عن الوضوح في العلاقات، واهمية إنك تكون شخص واضح في العلاقة وده ممكن يفرق قد ايه في اختيارك لشريك الحياة، ونجاح العلاقة نفسها، علي عكس الشخص الغامض واللي مش عارف ولا قادر يحدد هو عايز ايه، ومش قادر يلبي الاحتياجات الشخصية بتاعتي.
بودكاست قهوة بدون سُكر - إسلام رجب.
