Schön bisch hie. Hüt göh mr uf Frankriich underhalb vom Burgund und luege zäme si Exportschlager "Beaujolais- Primeur" aa.
Härzlech u bis gly, dr Ädu Zumbrunn
Schön bisch hie. Hüt rede mr mal über d Geburtsstätte vom Wyy und ob die nöii Wält würklech so Nöi isch.
Härzlech u bis gly, dr Ädu Zumbrunn
Schön bisch hie. Hüt rede mr mal chli über Alkohol und über alkoholfreii Alternative zu Wyy.
Wyter würd i mir wünsche, dass me sech nümm mues erkläre, we me grad nid Alkohol trinkt.
Härzlech u bis gly, dr Ädu Zumbrunn
Schön bisch hie. Ir hütige Folg geits um die aafüehrendi Trubesorte im Rhônetal. Und um dä süffig Begriff vo GSM.
Ds Wyymärli verzellt de, warum dass Choche mit Wyy durchus nid alkoholfrei isch.
Bis gly, härzlech dr Ädu Zumbrunn
Schön bisch hie. Hüt geits um d Schuumwyyhärstellig i ganze sächs Variante. Die Wichtigschti (und ou Ältischti) luege mr nis zäme aa.
U när wirds de ou no süess wie verruckt. Hie no d Übersicht derzue.
I erloube mr nach dere Folg e Pouse bis Mitti Jänner 2025. I wott doch ou chli blääterle über d Feschttäg. Drum a dere Stell: gueti Xundheit u häb dr sorg (u de Andere bitte ou)! Bis ganz gly, härzlech dr Ädu Zumbrunn
Schön, bisch hie. Klar, Rot u Wyss kennsch natürlech. U a Rosé bisch ou scho mal düregloffe? Aber hey, es git no ne vierti Wyyfarb! Ächt! Im Momänt isch si grad wieder sehr gfragt und isch extrem vielsitig. Los dry.
Wyter müesse mr ou churz d Unterschide im Wald vo de Begriff vo de Naturwyyne kläre.
Bis gly, härzlech dr Ädu Zumbrunn
Schön bisch hie. Hüt ghörsch, wie das e Wyypriis ds Stand chunnt u wie dass er sech zämesetzt.
Ds Wyymärli ruumt de mit dr Idee uuf, müglechscht vil Wyy müglechscht lang wölle ds lagere.
So - u itz chasch ds erschte Päckli ou no grad uftue. Happy 1. Advent! Bis gly, härzlech dr Ädu Zumbrunn
Schön bisch hie. Hüt geits um d Schädlinge vor Räbe und was me dergäge cha mache. Ou geits um Nachhaltigkeit - will eifach mit dr gräbschte Chemiesuppe gäg alles schiesse isch bigoscht nid die beschti Idee.
Ds Wyymärli erklärt de, warum Bordeaux nur für alti Mönsche guet isch.
Härzlech, dr Ädu Zumbrunn
Schön bisch hie. Hüt luege mr mal aa, mit wäm sech Wyy eso vertreit. Uf nöianglodütsch heisst das ja schiins "Foodpairing"....oder um bim Bärndütsch ds blibe: "Vo Gläser u Gable" ... wäge mir "Mit Mässer u Korke" ... oder mach "E Löffel id Fläsche" ... wie ou geng - E GUETE!
Härzlech, dr Ädu Zumbrunn
Schön bisch hie, im dütsche Baden het me ar hütige Trube früener Klingelberger gseit. Si isch die aromatischi Pfadilampe vo de Räbsorte u macht immer wieder Spass ou we si vo vilne als ds suur empfunde wird.
Ds Wyymärli verzellt dr de, warum Ihri Cousine nid würklech ds gliche isch.
Härzlech, dr Ädu Zumbrunn
Schön bisch hie. Ir hütige Folge geits um Wyybereitig im Grundsatz. Also wie wird us Trubesaft de eigentlech Wyy? Im Wytere geits drum, wie ner verschlosse und verpackt wird.
U de gits tatsächlech e nöii Rubrik. Plöfferzüg - lah di mal lah überrasche.
Hie no dr Film.
Härzlech, dr Ädu Zumbrunn
Schön bisch hie. Ir hütige Folg geits ume wichtigscht Produzänt im ganze Wyybou. Neeeei dänk nid um Château Petrus und ou no nid um Italie. Es geit um d Räbe höchschtpersönlich. Und was die alti Dame so dür ds Jahr düre tribt.
Ds Wyymärli verzellt de e riise Irrtum zu Bio-Wyy.
Härzlech, dr Ädu Zumbrunn
Schön bisch hie. Ir dere Folg lehrsch öppis über ds Lagere und ds Serviere vo Wyy. Warum du dir villicht e Wyychüelschrank darfsch ufs Wiehnachte schänke? I gibe dr e Notfallplan, wenn Bsuech hesch und nur warme Apérowyy und i säge dr, wis a re aabrochene Fläsche würklech geit. Ds Wyymärli klärt de, wenn das Wyy würklech schnuuft.
Härzlech, dr Ädu Zumbrunn
Schön bisch hie. Wosch Wyy würklech objektiv vergliiche, de muesch ne es paar Kriterie ds Grund lege, wod chasch beurteile. Zäme mit de Arome us dr Episode 3 überchunnsch hüt ir Episode 4 so e richtige Sprachschatz um chönne ds vergliche u i Wort ds fasse, WARUM dassd ne gärn hesch und e Andere weniger.
Ds Märli ruumt de när dermit uuf, warum du nach Wy durchus ou no darfsch es Bier trinke.
U hie no ds Arbeitspapier zum Mitschribe.
Härzlech, dr Ädu Zumbrunn
Schön bisch wieder hie. Die nächschte beide Folge hange chli zäme u si göh um ds Verkoschte. Wed seisch: "dä Wyy ha ni gärn" oder aber "dä Wyy fägt für mi nid", de isch das völlig richtig u darf ou so sy! Wyy mues fäge - meh nid. Wennd das aber äbe so beschribsch, de isch das nid objektiv sondern dini subjektivi Meinig (u wie gseit - die isch ou völlig richtig). Um e Grundstei zum Wahrnäh vo Wyy ds lege, luege mr mal die wichtigschte Wyyarome aa, bevors de ir Episode 4 a ds eigentleche Verkoschte geit.
Ds Wyymärli verzellt dr, werum dr Pris beschtefalls zum plagiere da isch.
U hie no ds Arbeitspapier zum Mitschribe.
Härzlech, dr Ädu Zumbrunn
Schön bisch wieder mit derby. Hüt starte mr sänkrächt: es geit nid um weniger als um ne ganz grossi Trubesorte. Vo wo chunnt si u warum genau cha e Trube e riise Zicke sii? Finds use.
Ds Wyymärli ruumt de drmit uuf, us welne Trube me de wele Wyy cha mache.
Härzlech, dr Ädu Zumbrunn
Tschou
Schön bisch hie! Um was geits? I dere Folg verzell i dr, was mini Motivation isch, das Ding da hie überhoupt ds mache? Ds Ziel söll si, es Thema vor Wyywält ds behandle u derbi möglechscht abschliessend ds si. Das het für di dr Vorteil, dassd vor dere gsuechte Folg nid no 10 anderi Episode muesch lose, um chönne aadschnüpfe. Es het also ke Ufbou. Äbeso hei di einzelne Episode ke logische Fade. Mal es Land, mal e Trube, mal e Machart, de wieder e Region - eifach wild dür ds Wyuniversum. Ds Wyymärli am Schluss ruumt de mit vilne Gschichte uuf.
Hüt lehrsch itz no grad nüt über Wyy - derfür weisch villicht när besser, ob du mr chli magsch zuelose oder eher nid. Wenn nid: Isch doch ke Problem, me chas nie allne rächt mache. Aber villicht kennsch ja öpper, wo sech derfür interessiert. Wenn ja: Hey, so schön - das fröit mi ächt. De bis doch so lieb u verzell dine Bekannte dervo. Je meh dass mr si, desto länge machi das :-) versproche.
Söttsch Idee oder Kritik zu Theme ha: i bi gärn für di da. U wed das hie öppe magsch teile oder like, de findes näbscht dir ou anderi - merci derfür. So oder so - i fröie mi druf.
Härzlech, dr Ädu Zumbrunn
